Badgers Cafe 紅磡

Badgers Cafe 評價 相片

紅磡一直給人既感覺都係無咩好食,無咩好玩~ 果日咁啱去開果頭又落住大雨, 一眼就俾佢哋復古湖水綠裝修吸引. 細細的CAFE 樓底好高~  大大既落地既玻璃令光線透入CAFE, 好舒服. 一D 都唔會焗促~ 落雨望住出面別有一番風味~ 入到CAFE 就好似座咗時光船咁~ 好多懷舊打卡位..  一入門口就見到一扇大宅門 . 聽老闆講原來D扇門佢哋係由美國船運到港的已有逾150年歷史，門上充滿著歷史痕跡. 抬頭一望見到一盞懷舊水晶燈. 唔講唔知, 原來係六十年代生產的紅A絕版膠水晶燈, 行入少少仲有張20年前己結業既國華戲院老舊電影院長椅. 打卡一流. 由於比較多人~ 無緣座到電影椅, 我就擇咗落地玻璃窗旁的綠色舊課室桌椅.  仲以為係普通課室椅, 後來睇番D介紹先知. 原來係來自台灣，全香港只得一套，仲要係Jer離別的規矩》MV中出現過的. 作為柳粉的我~極之興奮, 下次一定帶埋小柳柳去打卡~ . 今次我叫咗All Day Breakfast with TATAKI SALAD ,香草意粉配帶子, BRIOCHE PEPPER HAM ,野飲就叫咗MATCHA LATTE 同師傅待別調整既MATCHA+ESPRESSO . All Day Breakfast with TATAKI SALAD 個蛋有少少老火.但輕煎吞拿魚絕對幫佢挽回所有分數, 吞拿肉入口即融. 水準極高, 配上清新口感的紅菜頭鷹嘴豆泥, 成件事無得輸. 極力推介, 不能錯過. 香草意粉配帶子意粉唔油膩, 帶子都煎得剛剛好~BRIOCHE PEPPER HAM鬆軟既包配上黑椒火腿, 蛋沙律, 生菜, 幾清爽, 蛋沙律好突出, 另外仲配有黑醋沙律野飲方面不過不失~  MATCHA LATTE 非常香滑總括來講~ 可能因為啱啱開業, 食物選擇比較少之外~ 其餘食物質素同環境都好值得去試一下~同打卡~ 

呢間今期大熱既湖水綠Cafe相信大家都唔會陌生, 有室外同內既座位, 主要走復古懷舊路線😉 星期六黎到11點令室內都已經坐得7788, 所以大家想坐靚位就要趁早喇😉 食物選擇以三文治, 全日早餐, 意粉為主, 飲品就正常款式咖啡同茶類可以選擇😚Brioche🥪 ($58)餡料可以揀黑椒火腿或牛肉, 鬆軟既包配上黑椒火腿, 蛋沙律, 生菜, 呢個組合幾清爽, 蛋沙律好突出, 另外仲配有黑醋沙律👍🏽 Dirty☕️ ($45）咖啡偏nutty 轉左做燕麥奶($5) 味道正常既奶啡🤔呢度少人既話會幾Chill, 聽住Jazz, 睇下書, 做下自己野😎 食物比我想像中出色, 老細仲每人送左一塊Lotus餅乾作為開業禮物😇

餐廳開業大概兩星期左右位於一幢新落成住宅地下位置米黃色的大廈外牆及薄荷綠色為主色的餐廳在一條舊街當中變得十分顯眼 ✨店鋪面積唔算大，旁邊入口位置嘅共用空間種植咗好多綠色植物，同埋擺放餐枱同長櫈除咗餐廳裡面，客人亦可以響呢個位置用餐同休息‪‪𖧷餐廳最具特色系利用好多不同舊式枱、櫈包括寫字樓、學校、戲院及教堂等等嘅枱、櫈作為餐枱及椅再配搭舊式擺件，即時變得更有風格同特色唔怪得開業不久，已經有不少客人前來打卡食物方面以西式為主，不過因為試業階段，所以選擇不多暫時只提供ADB，三文治及意粉，而且價錢都相當親民添૮ • ﻌ ა🍽️今餐食咗咩？•*⁀➷ All day breakfast •*⁀➷ 牛肉布里歐三文治🍹飲品•*⁀➷ 焦糖檸檬茶•*⁀➷ 抹茶泡沫鮮奶

今日又帶埋愛犬QQ出發揾食今次去咗一間還在試業中嘅咖啡店當初爹爹發現此咖啡店時已被佢嘅懷舊風格深深吸引，少有晨早爬起身嘅佢，一早摷醒埋我，未夠9點已經出發🚌🚌店舖座落在一衆長生店附近，都幾….🙄🙄離遠已經見到一間有大大玻璃窗嘅店舖，配上歐洲風嘅淺綠色窗框😍😍到達店門前，週圍都有綠色嘅植物包圍著，心情也變得輕鬆😌😌進入店後，高高嘅樓底，吊著一盞水晶燈，和刻意做舊嘅水泥牆，牆上倚靠著一道有歷史痕跡嘅木門，彷彿就是一個法國貴族等著你去發掘他背後的故事。

由於是試業階段，所以食物方面選擇唔多，主要係三文治，ADB，意大利粉。

點了一客牛肉三文治和latte，食物方面還有進步空間，其後老闆娘都主動詢問是否牛肉做得不理想，到埋單時亦大方地免去三文治的收費。

咖啡亦比想像中好飲，原來當日咖啡師剛好第一日上班，另外亦請咗我試食佢哋調校嘅紅菜頭鷹嘴豆醬，都幾好食，食晒先記得冇影相😅😅睇得出店舖很有heart的，希望愈做愈好☺️☺️

.@badgerscafehk (紅磡）.今日要出紅磡我哋就諗住係附近睇下有冇啲Cafe可以坐下.. 結果真係比我哋搵到一間新開幾日嘅Cafe🥹Lucky🤣..外觀好吸睛..綠油油帶點歐式風情入到去帶點復古裝潢但同時綠tone令到嗰感覺好freshing.. 加埋外面陽光嘅照射..覺得好似入咗一個植物溫室嘅感覺🤣🤍.店員好nice.. 態度好舒服作為一間Cafe嘅舒適感 親切感都有滿滿的good first impression .食物方面 選擇種類唔算多..但都算係應有盡有有s三文治、all day breakfast、乳酪碗 手工餅乾等等🤘🏻嘢飲選擇就更加符合Cafe形象了咁食物味道如何呢？.1.All Day Breakfast 9.1/10.份量唔算多 但種類其實都算適合有飲控嘅人..雞胸 & 炒蛋 & 火腿 （蛋白質）紅菜頭蓉 可以作為一個good sauce 夾埋一齊食..唔錯🤘🏻有適量嘅黑醋salad整體上都係穩穩陣陣包就比較似餐包 如果係酸種我覺得會更正🤣 個人喜好啦.正常發揮 份量適中.2.黑松露雞胸意粉9.3/10呢個我覺得出色啲🤘🏻黑松露醬 & 風味都幾夠幾啱啱好意粉少少韌有嚼感.. 呢份雞胸慢煮感更強烈嫩口🤘🏻 幾ok！幾滿足！.唯一係當日可能由於新店開張人手不足嘅原因 呢個意粉等得比較耐下 純粹當日狀況之後希望無事🤘🏻🫶🏻.3.手工芝麻餅乾9.3/10.香脆 芝麻感強 但又不膩真係幾啱一杯啡 幾塊餅好好哋係呢到chill下嘅小甜品幾鍾意卡路里為一塊🤘🏻.4. Black & hazelnut latte 9.7/10嘢飲的部分很滿意 喜歡🤘🏻.呢間Cafe嘅打卡位其實好多空間感唔算太寬敞 但有種莫名的療癒感 & 舒適感..其實真係幾舒服尤其店員們態度好「屋企人」大家不妨一試🤘🏻😛.阿門..#香港美食 #港式餐廳 #卡路里 #飲食記錄 #飲食控制 #營養 #健身 #健康飲食 #無添加 #減脂 #增肌減脂 #增肌 #減肥餐單 #減脂餐 #myfitnesspal #fitnesshk #hkfitness#calorieswithmic紅磡 #calorieswithmicdogfriendly #calorieswithmic西餐

Badgers Cafe餐單提供西式, All Day Breakfast, 咖啡店等推介美食位於紅磡區，餐廳座位數未知人均消費約$51-100，結賬可以用Visa,Master,AlipayHK,支付寶,現金,Apple,Pay,Google,Pay,微信支付。

您對於紅磡餐廳「Badgers Cafe」有何 comment？

Badgers Cafe餐廳詳細資料：

• Badgers Cafe地址:
  紅磡必嘉圍8號御悅地下B號舖
  Badgers Cafe, Shop B, G/ F, Baker Residences,8 Baker Court, Hung Hom
• Badgers Cafe電話:  
• Badgers Cafe價錢: $51-100
• 分類: 西式, All Day Breakfast, 咖啡店
• 座位: 未知
• 付款: Visa,Master,AlipayHK,支付寶,現金,Apple,Pay,Google,Pay,微信支付
• FB專頁: Badgers Cafe Facebook

更多Badgers Cafe相關資料:

• Badgers Cafe分店
• Youtube
• Facebook
• Twitter
• Google