新漢記飯店 粉嶺

新漢記飯店 評價 相片

今晚同屋企人想回味一下鄉下嘅客家菜，特登揀左呢間好出名嘅餐廳一試，的確令人喜出望外一入到餐廳平平無奇，只係一間普通地道餐廳，每張圓枱都好大張，好岩多人黎食。

跟住開始點餐時有某d菜係必食！好似梅菜扣肉、釀苦瓜都係客家特色小食！確實一d都無令人失望！苦瓜唔會好苦，好鮮！肉汁又夠梅菜扣肉係我地個個爭住食！好開心食到豬油砵仔飯！因為唔係周圍有得食，再配埋佢嘅豬油同豉油😍真係好好味！呢個茄子釀豆腐都好好味，豆腐好入味！每個餸都有驚喜最後呢道菜好遺憾我唔記得叫咩名....但真係一定要叫黎食！因為好少見！成餐飯令我地成家人都回憶番鄉下嘅味道，好傳統嘅客家菜！又正宗又夠火喉！多人黎食可以食到好多款餸👍🏻👍🏻👍🏻

之前想去食但係冇開門 星期六晚找對方食飯 醒起之前睇過報紙介紹同埋發哥有推介今晚終於食到櫃檯下姐好好禮貌上咗樓上坐環境都唔錯叫咗四樣食物半隻走地雞 味道唔錯肉同皮都好食雞地質地係比較有咬口，我自己就好鍾意番茄豆腐卜浸絲瓜 材料新鮮清甜調味比較清淡好好食阿媽讓涼瓜 呢個非常好味送飯一流珍珠生蠔煎蛋 叫之前仲好擔心係出邊嗰啲炸蠔餅又油又難食 原來係大大粒生蠔嘅煎炒鴨旦裏面仲加咗韭菜，勁香同埋好新鮮一啲都冇腥味另外帶咗一個豬油撈飯同埋一個白飯$505埋單總括來講所有材料都好新鮮煮嘅方面都好好食同埋標榜冇味精真係值得推介我之後應該會叫一班朋友去食因為餐單裏便都有成5/60樣嘢食全部都睇落好好味

例湯腥臭難飲（冬瓜豬骨湯血水未洗清就去煲） ，鹹味好重份量較少（個碟好大，但份量真的少，味道相當鹹食完都要飲番幾杯水解渴），性價比低，聯和墟裡算幾差既飯店地方坐位還可以

夜晚9點左右收工返到嚟，見未食過新漢記咪試吓！3個人叫咗4碟餸：山渣橋頭咕嚕肉 $98啲咕嚕肉炸得幾脆，但好多都係啲洋蔥，菠蘿都無乜幾粒，個人覺得山渣味唔夠突出豬油渣炒菜心 $88好少見嘅豬油渣，真係細個先有，好香好正，真係兒時回憶雖然唔健康，間唔中食吓OK正宗走地雞 $158雞算好滑，但真係有啲細隻，有兩個汁醬俾你食雞鹹魚菜粒炒飯 $88個炒飯好正，好乾身同好香！整體嚟講都OK，份量有點少，價錢算貴，但值得一試！

雖然位置偏僻，位於粉嶺聯和墟的一家客家菜，要專登揸車去食。

但這裏有一些是外邊比較少見的客家菜。

所以每隔兩三個月都會來食一次。

今晚就食了其中呢幾樣，坊間比較少見的:正宗走地雞，肉不嚡亦不肥，雞皮較為厚身，雞味濃郁，通常都不再沾豉油或者蔥油，都已經好好味。

煎九棍魚餅，沒有加其他魚一齊打成魚餅，熱辣辣，魚肉質彈牙，沾甜酸醬食，更加惹味。

紅蔥爆連墨汁鮮吊桶， 曾經試過有兩次來到無得食，一上枱就聞到香噴噴，最愛原隻吊桶，連墨膽也沒拿掉，配上紅蔥頭和醬汁一齊爆香，一個字，正，外邊真係食唔到。

新漢記飯店餐單提供客家菜, 海鮮, 點心, 中菜館, 酒樓等推介美食位於粉嶺區，餐廳座位數未知人均消費約$51-100，結賬可以用現金，Booking訂位可以電話致電 26830000 查詢。

您對於粉嶺餐廳「新漢記飯店」有何 comment？

新漢記飯店餐廳詳細資料：

• 新漢記飯店地址:
  粉嶺聯和墟聯和道5號
  Sun Hon Kee Restaurant, 5 Luen Wo Road, Fanling
• 新漢記飯店電話: 26830000
• 新漢記飯店價錢: $51-100
• 分類: 客家菜, 海鮮, 點心, 中菜館, 酒樓
• 座位: 未知
• 付款: 現金
• FB專頁: 新漢記飯店 Facebook

更多新漢記飯店相關資料:

• 新漢記飯店分店
• Youtube
• Facebook
• Twitter
• Google