迫迫廚 筲箕灣

迫迫廚 評價 相片

🔎迫迫廚 (筲箕灣)💛 #黃店系列📍筲箕灣筲箕灣道300號海福花園地下A&B號舖💛 文宣，比手足休息及食飯🔹咖哩雞髀蛋飯/意粉 $46 凍飲+$3咖哩汁比較稀 但炸髀好脆👍🏻 仲有得揀飯定意粉 重點係隻蛋係流心 每日靚湯都好正🔹干炒牛河 $46 凍飲+$3都幾大份 有鍋氣 牛肉好大塊 不過唔夠嫩 加埋辣椒油食正😋 每日仲有靚湯飲老闆同店員都好Nice 價錢又經濟 絕對係食得開心又安心 已成飯堂😋#90sfoodieshare_筲箕灣#食在筲箕灣

每次喺筲箕灣食嘢，都覺得啲夥計特別好人呢間都唔例外！💛🥺叔叔同姨姨都勁好態度又得閒同我哋吹下水講下笑咁😂感覺好親切🥺仲要係黃店得嚟，又好食同抵食！——————————————————————📍1️⃣麻婆豆腐撈飯一流！好食！辣辣地！📍2️⃣ 薯仔牛柳粒📍3️⃣椒鹽鮮魷即叫即炸，熱辣辣勁好食！📍4️⃣啫啫雞煲📍5️⃣蜜糖雞翼每個餸差唔多$6070左右，包飯同湯，仲有野飲👅💦💛碗飯超大碗，圖中呢碗係同友人share一半😂 文宣仲有榮光歲月💛————————————————————總結而言，呢間黃店唔止食物高質仲好有人情味親切感🥺💛大力推廣下

平時行過迫迫廚都好少入去，今日因為到5:30，好多餐廳已經冇咗下午茶，我經過佢門口見到仲有，於是就停步睇餐牌，裏面已經立即有店員出來，同我講下午茶到六點，叫我慢慢睇唔好急，然後就返番入去，冇喺度睇住我比壓力我，感覺已經好唔錯。

叫咗個炒貴刁外賣自取，等嘅時間比較耐，拎到返屋企打開，賣相比想像中淺色，以為好淡茂茂，點知食落又夠味，而且貴刁條條分明，冇話黐埋一撮，而且配料都多，食極都有火腿同叉燒，下午茶來講算係好滿意啦👍🏼

狐狸仔話食過幾好，個下午茶牛河幾好，所以今次帶埋我黎食。

話熱奶茶幾大杯，偏奶味茶味少，溝開左啲。

接受👌🏻🥰。

之後，我叫左西多士配雞扒，一黎到望落去簡直100分，念住無得彈啦點知⋯⋯雞扒外脆，裡面有少少乾身，狐狸仔果塊就柴柴，好在距食湯麵有啲水份，所以可接受。

另外個西多士就幾好，夠厚夠軟熟，但彈牙，唔膩，牛油剛好份量。

下次叫一份西多士就好，不貪心。

。

狐狸仔就叫雞扒蛋麵，除了鷄扒，大致合格，不過下次都系食返牛河好。

阿⋯⋯有樣幾得意，就系個名叫迫迫廚，裡面系真系幾迫😂因為好多街坊黎食，都算水準幾好。

話說喺附近做完野..咁岩差唔多食飯時間..就喺對面有間餐廳..就入咗去試..坐低左..都係茶餐廳風格..因為食飯時間..都好多人幫襯..雖然侍應唔得閒理我..不過佢地都好客氣..見我自己拎錯餐牌..就比個套餐餐牌比我..好好人..... 諗好食咩之後..搵侍應幫我落單..佢好主動問我要唔要湯..我呆左..因為唔知有咩湯..佢就好好客咁話..送㗎..試下先啦..南瓜湯嚟...湯到左～～中湯嚟...都唔錯..有粟米、有蘿蔔、有肉....好味！到到飯嚟左...d蛋偏鹹..不過lunch應該忙...求其一餐算啦整體嚟講..都好滿意呀～～茶餐廳質素..但係侍應好nice、好幫客人搵位...

迫迫廚餐單提供港式, 茶餐廳, 冰室等推介美食位於筲箕灣區，餐廳座位數未知人均消費約$50以下，結賬可以用現金，Booking訂位可以電話致電 39967457 查詢。

您對於筲箕灣餐廳「迫迫廚」有何 comment？

迫迫廚餐廳詳細資料：

• 迫迫廚地址:
  筲箕灣筲箕灣道300號海福花園地下A&B號舖
  Big Big Kitchen, Shop A& B, G/ F, Seaview Garden,300 Shau Kei Wan Road, Shau Kei Wan
• 迫迫廚電話: 39967457
• 迫迫廚價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 迫迫廚 Facebook

更多迫迫廚相關資料:

• 迫迫廚分店
• Youtube
• Facebook
• Twitter
• Google