紅石 筲箕灣

紅石 評價 相片

兩個人 星期六 六點三左右行到去呢度..門口餐牌莓竟然仲放緊下午茶餐牌想食西式d既野 所以入左去坐低,無乜人,幾靜waiter都係俾下午茶餐牌我地.但呢個餐牌同一般晚市無分別,一樣有飯有意粉咁.叫左兩個焗既野,一個意粉一個長通粉.賣相同味道不過不失,成間餐廳唔會話好特別不過正正常常,只係同個商場唔夾.無咩問題丫,我唔明點解無人.坐左成個鐘有多,都係坐得六,七張檯.最神奇既都係價錢.晚市既份量,加兩杯餐茶,環境靜而舒適,味道正常,唔洗迫,無人趕你走....都係收下午茶價,兩個人60蚊有找,同麥當勞差唔多,但就食左餐唔錯既晚餐,十分抵諗極都唔明點解無人去,因為我太早嗎?

被喻為愛東村裝修最豪華的一間西餐廳。

本人第一次幫親的時候已經係兩年前, 食物質素一般, 不過佢地D伙記唔知係咪老板對佢地唔好, 好似唔想做咁! 其實本人對食都無乜過份的要求, 但一見到佢地個(冷面)已經條氣唔係好順。

本月初我再光顧多一次, 答案就係 : 360度轉變 (即係無變過)其求 Red Stone Cafe 老板如果想有生意做的話, 麻煩教導下你的伙計。

因為每次經過大快活永遠人都多過你地。

檢討一下 .........

晚上九點幾還未吃晚飯，見到"紅石"有宵夜餐，便一試。

叫了黑椒牛仔柳飯。

上碟時賣相還好 (見上圖)，食第一口飯時......凍的? 是真的凍，連暖都不是。

牛柳開頭都ok的，食到咁上下，發現有一片牛仔柳可能煎的時間摺起左，完全冇被煎過，生得好緊要 (見上圖)，難道是牛仔柳刺身乎? 趕收工都唔好咁"求其"啦。

向侍應揚手示意埋單，侍應也回了我反應，但等了5分鐘冇人來。

再向相同侍應揚手示意埋單，也回了我反應，但一樣等多5分鐘冇人來。

最後要叫一個高級一點的才來埋單。

當時餐廳得6檯人遮，好唔得閒咩?侍應介紹入會可以有折扣，看到單張頭半句 "只需要付$200............" 好了，不需要再看下去吧? 反正也不會再來。

呢間<Red Stone Cafe>係椰林閣旗下0既餐廳, 我第一次去0既時候, 都覺得環境唔錯!!! 如果係兩個人的話, 都可以安排坐卡位, 而且唔會吹你走的, 所以我都幾鐘意!!! 不過有一樣0野可以改善下. 之前去食, 因為差不多最後先叫餐飲, 點知食完仲要等1015分鐘, 所以之後我就次次都一早叫定, 呵呵!!! 1.日式薄切牛肉飯($31) ~ 呢個午餐除0左主菜之外, 仲包括一個"暖粒粒"0既餐包, 味道不錯的蘿宋湯, 及一杯餐飲!!! 呢個牛肉飯味道都不錯, 因此整體都好好, 不過餐飲記住早d 叫定, 因為可能會等好耐的!!!整體評價：質素穩定, 環境舒適!!!

假日走進這個屋村商場，不想食大家樂或麥記，已經沒有幾多選擇。

未去過椰林閣，不如就試試這間同集團的紅石。

雖然開業應有幾年，不過裝修還算不錯。

午市套餐只是三十幾，沒有加一，計落與大家樂差不多，價錢便宜，不過就只得幾檯人客，卡位任坐。

各點一個套餐。

先上的餐包有叮番熱，餐湯亦意外地似乎不求其，濃度及味道不錯之外，忌廉湯加入了一些菜粒，羅宋湯則有牛腩粒，不論是否做樣，總算似模似樣。

黑椒雞扒意粉($34)有兩大塊雞扒，分量不小，可惜黑椒汁香味欠奉，味道亦未夠刺激。

焗野菌車打芝士龍俐飯($35)賣相就麻麻，在過多兼又厚又杰的汁上面放上半粒車厘茄(拍照時錯手將車厘茄移開了)，只覺古怪，不懂欣賞。

幸好食落那個嚇人的汁還不算太過漏滯，給你大大塊的龍俐也算交足貨。

水吧無視少奶的要求，奶茶勁多奶，幾乎喝不到茶味。

好在杯咖啡夠香濃，拉平。

服務方面就一般，侍應木口木面冷冷的，較高級的兩位女侍應叫做比較快手醒目。

紅石餐單提供西式, 西餐廳等推介美食位於筲箕灣區，餐廳座位數122人均消費約$50以下，結賬可以用Visa,Master,現金。

您對於筲箕灣餐廳「紅石」有何 comment？

紅石餐廳詳細資料：

• 紅石地址:
  筲箕灣愛東村愛東商場13號舖
  Red Stone Cafe,  
• 紅石電話:  
• 紅石價錢: $50以下
• 分類: 西式, 西餐廳
• 座位: 122
• 付款: Visa,Master,現金
• FB專頁: 紅石 Facebook

更多紅石相關資料:

• 紅石分店
• Youtube
• Facebook
• Twitter
• Google