滿 の燒居酒屋 筲箕灣

滿 の燒居酒屋 評價 相片

食材真係唔夠新鮮, 燒烤技術差少少, 海鮮燒得過熟.店員推介, 一般都係稍為貴價海鮮, 但出得去食就唔會計較價錢, 而水準會係我最大考慮. 都唔明白點解鮑魚會有沙?價錢同食物水平相比, 我只可以話唔值得再去!家下燒烤點越開越多, 真係良莠不齊.

星期一無所事事, 朋友相約試一間於莦箕灣新開的爐端燒, 抱住試下ge心態去到, 見到門口有兩張可供吸煙ge枱, ok, 有為吸煙人仕著想, 因為落雨我地選擇座入去, 地方唔算好大, 24個人去會比較好啲. 跟住老闆娘(估唔到係後生靚女)同我地介紹咗幾個招牌菜, 唔使等好耐就上菜, 我地另外仲叫咗好多嘢食, 除咗燒物仲有好多主食, 可以食得飽人, 總括大部份款式食物都係好味, 是次消費每人 hkd150180 左右, 合理價錢, 好味又食得飽, 算唔錯, 可以再去. 燒鴨胸: OK 燒牛柳粒: 多汁肉嫩, 正 燒雞軟骨: 一般 芝士腸 + 墨丸: 似BBQ, 可以唔叫都得 燒牛勒骨: 推介, 味道調得好好, 可以再叫 酒煮大蜆: 酒味唔算太燶, OK. 燒羊脾: 都係好味之作, 羊唔so味唔重, 一般好羊人仕不妨一試. 燒銀雪魚: 有魚味, 唔算太乾, OK 野菜餅(唔記得咩唻, 唔知有無寫錯): 一般, 可飽肚 超大聖子: 必食, 手掌咁大, 燒完多仍然多汁, 保有鮮味, 正. 燒扇貝: 肉厚多汁, 又係必食之選 . 燒鮑魚: 口感怪怪的, 鮑魚都是刺身好. 雲丹蝦: 推介, 特大蝦+海膽, 想不到的鮮味, 一隻4人分, 但2人分會滿足啲, 因為好好味 . 原隻燒茄子: 少辣+蒜蓉, 惹味, 可增加食慾. 炸墨魚: 香口好味, 推介. 和風冷面: 食完咁多燒物, 炸物, 叫個冷面可以消減油膩, 清新.

今日本應興致勃勃與家人一起去筲箕灣搵野食!!見openrice既食評,呢間滿の燒居酒屋有5個好既食評,就諗住去試一試啦!!行到過去,見個門面,已經覺得唔係好掂,外面三張枱,店內既環境更加唔掂,又細又迫!!果張吧枱位都只係可以坐得34人,我地4人被安排坐近門口既一張枱,基本上我同後面枱張椅中間係一d空位都冇,簡值係背脊頂背脊!!食都食得辛苦過人!!諗住個環境唔掂都唔緊要,d食物ok就冇問題啦!!見到佢地個menu,野食款式都算多既,但因為第一次去,就聽下佢地d waitress介紹啦,佢地拎左個細menu俾我地睇,係時令既海鮮,佢地介紹左個燒鮑魚,生蠔同池魚,心諗佢地介紹得都冇問題既,就落左order,另外自己亦係Menu度點左幾款食物,有燒茄子,燒原隻魷魚筒&魚生拼盤!!等左陣佢地話有個中華沙律係送既,果然係送,食左兩啖都真係唔想食,乾身,冇口感!真係送都唔好食!之後黎既係燒貴妃蚌,呢間野d野真係有d貨不對版,隻蚌係乾淨,但係真係乾淨到冇咩肉囉!!跟住就一次黎左燒茄子同燒原隻魷魚筒,先講個燒茄子,d茄子皮燒到燶晒,上面佢地係有加蒜蓉同䓤去燒,但只係得丁點咁多既蒜香味,加上唔夠新鮮,d茄子味燒到唔知去左邊度!!但到個燒原隻魷魚筒,呢個就係相比起咁多款食物裡面最出色既一款,論燒功,燒得唔錯,唔會燒到好乾身,醬汁,係平時食開既日式醬汁,所以呢款我會俾個good字佢!!到之後黎既係燒鮑魚,燒生蠔同魚生拼盤:燒鮑魚:細隻到得我半隻手掌咁大,食唔到有任何鮮味可言!!燒生蠔:4隻生蠔裡面有兩隻燒到乾晒水,其實都唔知係乾晒水定係唔肥美,好似隻蠔d水份全部蒸發晒一樣!!如果你係平時有食過燒生蠔既話,我諗你會知好味既燒生蠔除左係要夠肥夠鮮外,仲要燒到出面有少少乾身,裡面係軟身有鮮味!!呢到真係要俾個佢...到個魚生拼盤,一如想像盤,呢間野都有名俾你叫,係叫滿之燒居酒屋,當然燒野會比起生既野好,果真,呢度果個魚生拼盤果真唔掂,試想想,燒果d都唔掂,個魚生仲差得過佢,可想而知係有幾差!!到最後果條佢地推介既燒池魚!!唔好話我話,我是但係街買條魚番屋企整都整得好食過佢!!魚冇魚味,燒到乾晒身,個魚標都唔知有冇整乾淨,近肚個位置全部係苦既!!唔掂唔掂~~呢度唯一俾我覺得ok既,係佢地既服務,d waitress會不時幫你收碟,亦會好有善咁問你d野要唔要,服務方面可以加分!!但環境方面,4人枱係由兩張細枱拼埋一齊,加上拼埋都仲係好細,擺得到三碟食物後都攞唔到杯同醬汁!!坐位更加係迫同唔舒服!!成晚俾我覺得最唔抵既,係個價錢,食呢d咁既食物要成478蚊!!簡值不知所謂,一定唔會再黎食!!

朋友介紹筲箕灣有新開味道不錯的串燒檔，於是在網上聯袂約好一行十二人到來試試。

小店以白光管照明，裝潢簡約，面積也不大；店內連吧檯位置也只能容下三數小桌，旁邊則是一列「面壁」位，而店外簾篷下也有三張對街卡位。

但由於我們人多，所以被安排到店內深處的暗格位置，那裡燈光比較柔和，但比較擠迫，而電話接收也不是太好吧。

由於燒烤的份量不多，所以我們每樣款式也點了很多串，其中更把店內各種海鮮掃盡，吃得很豪哩。

雲丹蝦：巨型虎蝦加上芝士及海膽炭燒，蝦肉爽口鮮甜，絕對是一流。

但鋪面的海膽卻吃不出味道，都是即開即吃的海膽才是最鮮。

燒特大蟶子王：蟶子王有筷子般長，一碟兩隻以蒜蓉燒烤，十分新鮮，很乾淨，沒有沙。

燒巨型扇貝：足足有一隻圓碟般大，扇貝切粒再加蒜蓉以炭燒，香蒜味沒有蓋上扇貝本身的鮮味，但如果可以燒得再乾身少許會更佳。

燒活鮑魚：原隻活鮑魚以炭火燒烤，鮑魚肉質很爽口，外面烤得焦香，味道調配得很好，亦是推介之一。

燒花蛤：大隻花蛤以少量米酒燒烤，非常新鮮美味，不錯。

一口帶子：可配芝士或蔥花蒜蓉炭燒，一碟有六件，真的一口吃完，但也不乏鮮味。

燒活生蠔：生蠔以蒜蓉鋪面再以炭火燒成，以少量檸檬汁蘸吃更能帶出蠔的鮮味。

芝士燒青口：青口以芝士烤熟，青口不算新鮮，但芝士味重略略彌補不足吧。

日本魷魚筒：原隻魷魚筒作炭燒，切成薄片再伴以特色醬油蘸吃，味道有如一般烤魷魚，但份量十足，不錯。

燒海蝦：大海蝦直接以炭燒烤，之後切成數段上碟，炭燒的香味十足，配上蝦肉本身的鮮甜，很好。

鵪鶉蛋：五隻鵪鶉蛋以竹籤串燒，表面略略烤成微焦，蛋黃軟綿綿，吃時仍很燙口。

燒豆腐乾：串燒豆腐乾，外面略略灑上海鹽來燒，外脆內軟，吃得太多肉類來個素食也不錯吧。

烤羊架：羊架以香草烤成僅僅熟，羊肉香味四溢，肉汁亦能鎖在羊架內，除海鮮外的推介之選。

牛仔骨：牛肉尚算嫩滑，但水準之屬一般，不似燒烤，反而有點似家常小菜的黑椒焗般。

雜錦刺身：搶不到刺身來吃，但賣相只屬一般，比起之前的燒海鮮似乎較遜色。

砵酒煮大蝦：大蝦連殼放於錫紙內以砵酒煮，口感如白灼蝦一般，始終燒烤較為可取。

吉列炸蝦：莫說是吃，就連影相也不夠快，所以沒甚可評！河豚乾：就是一般酒吧吃得到的雞泡魚乾哩。

和風冷麵：日式冷麵混入紫菜及青瓜絲，但卻配上港式叉燒，感覺很古怪哩。

整體食物質素不錯，尤以海鮮至為出色。

店員服務亦殷勤，而老闆娘更加風趣幽默，推介食物時還會拿出電話讓大家先看看相片。

如大家來到筲箕灣，可一試這間不錯的串燒店吧。

星期日朋友介紹左間食日本串燒,去到間野冇乜特別,因朋友介紹話ok咁入去試試!我本來以為食日本串燒要好貴,點知幾蚊就有一串,都幾底食但要重點推介佢地個雲丹蝦! 超正! 可能我喜歡食海膽關係,佢地將海膽跟大蝦一起燒,出來的味道真係好正!!! (一來就比我食左都忘了影相)其他我吃了幾串串燒,羊架和茄子,味道都算唔錯 ! 不過等食時間耐左dd , 可能係即叫即燒關係!總括以言~~有驚喜~~

滿 の燒居酒屋餐單提供日本菜, 燒烤等推介美食位於筲箕灣區，餐廳座位數未知人均消費約$51-100，結賬可以用現金。

您對於筲箕灣餐廳「滿 の燒居酒屋」有何 comment？

滿 の燒居酒屋餐廳詳細資料：

• 滿 の燒居酒屋地址:
  筲箕灣筲箕灣東大街52號地下H舖
  Kusiyaki Izakaya, Shop H,52 Shau Kei Wan Main Street East, Shau Kei Wan
• 滿 の燒居酒屋電話:  
• 滿 の燒居酒屋價錢: $51-100
• 分類: 日本菜, 燒烤
• 座位: 未知
• 付款: 現金
• FB專頁: 滿 の燒居酒屋 Facebook

更多滿 の燒居酒屋相關資料:

• 滿 の燒居酒屋分店
• Youtube
• Facebook
• Twitter
• Google