包包餃店 筲箕灣

包包餃店 評價 相片

呢間包包餃店就唔喺東大街嘅當日由於落雨嘅關係 所以影相都有啲搞舊我哋搵呢間舖嘅時候搵咗好耐因為佢落咗半閘😳好似個閘壞壞地雖然如此 但都唔影響佢嘅生意見到都有成班街坊排隊買外賣正當我哋諗緊食唔食小籠包嘅時候隔離有個姨姨話🗣️買多啲啦 好好食架聽完之後即刻好想試下😂於是乎就買咗兩隻生煎包、兩隻鍋貼再加一份小籠包😝☻︎ 生煎包 $4/隻生煎包真系好大隻熱辣辣新鮮整起 麵包鬆軟 個底系微脆嘅🙌🏿豬肉餡肥瘦適中咬開仲有啲肉汁流出嚟😍略嫌佢麵包比例太多如果豬肉比例多翻啲會更加好食🤭雖然佢唔系一個好驚豔嘅生煎包但味道絕對唔系差 小妹覺得都幾好食😋味道: 7/10性價比: 10/10♥︎ 生煎鍋貼 $4/隻雖然小妹影出嚟個樣麻麻地 但其實佢好好食架😆皮薄 而且個底煎得夠香脆豬肉餡肥瘦均勻食落有肉汁仲好juicy😚中間仲加咗啲小唐菜估唔到幾夾 令個味道更加香😚而且可以減輕油膩感呢個真系值得一讚👍🏿不過好容易夾穿 食嘅時候要小心啲🤭味道: 9/10性價比: 10/10♥︎ 小籠包 $26/5隻師傅話小籠包要等耐少少 大概25分鐘但既然系即叫即蒸 等下又有乜所謂🤭熱辣辣嘅小籠包咬開系爆汁架😍而且豬肉好滑好juicy🤤個皮夠薄但又唔會好易穿配埋個醋食真系一流唯一系個尖尖位包得厚咗少少 扣咗啲分但整體真系幾好食 仲要咁抵除翻開平均$5.2一隻唔怪得街坊姨姨都叫買多啲😂😂味道: 9/10性價比: 10/10其實本身見到價錢咁平諗住都系食性價比架姐點知食落又幾驚喜😳真正嘅性價比平民美食🫶🏿唔怪得落半閘都咁多人排隊見個個買完就走 應該都系住附近主要做街坊生意 所以網上唔系好多人評論不過去到竟然有街坊開聲話得好好食Prove咗佢應該真系唔錯小妹覺得呢啲評價最真實😜順帶一提 佢哋淨系做外賣架咋冇得堂食夏天怕熱嘅你可能就未必鐘意啦不過小妹下次去開筲箕灣都會再幫襯🤭整體評分：味道: 8/10環境: /服務: 8/10唔記得講 店員好有禮貌 同埋幾nice😜衛生: 8/10抵食: 10/10回頭率: 8.5/10想睇更多關於小妹嘅food diary 歡迎follow IG😚♥️👉🏿 @snoopy._.eating 🙌🏿🙌🏿

經過呢間豪不起眼既小店4:xx 門口仲要落左半個閘究竟佢係準備開門定關門？！😂見到有人仲可以買嘢走抱住試一下既心態見佢個鑊仲煎緊生煎飽小店哥哥話鍋貼剛好有4隻不用等$4/隻 ，買左4隻即閃🫢熱辣辣嘅🥰🥰🥰雖然我影岀嚟個樣麻麻地但其實佢好好食架皮薄而且個底煎得夠香脆豬肉餡肥瘦均勻食落有肉汁仲好juicy，所以食嘅時候要小心啲作為一個小店速食打算搵少少嘢食填飽個肚呢個係有驚喜嘅🌟平民價…性價比高💯🈵️

最近見網路廣傳筲箕灣呢間好味而且價錢親民既上海小食店，所以第一時間要親自黎試下，聽講太晏既話會有機會賣晒，所以今次係下午茶時間過黎買，為免中伏，第一次試都係買住兩款試下先，要注意店子係無做堂食只有外賣，所以如果買完想趁熱食就要企係街度食喇。

❥ 生煎包每隻只係$4，真係超級抵！生煎包包底煎到脆卜卜，一咬d汁就流出黎，好juicy，包入面既豬肉餡仲好新鮮好入味，CP值好高👍🏻如果唔鐘意食有葱係面既生煎包店子都好細心整埋另一款係芝麻係面既生煎包，乎合大家唔同口味既需要。

❥蒸餃為免太熱氣叫左生煎包就無叫生煎鍋貼，蒸餃一客必須買五隻$26，店子會附送兩款醬汁俾我地淋係餃子度食，個人強烈建議食到既話一口將餃子送入口味道更佳，醬汁同肉湯汁同時湧出口控內真係食得好過癮🤤而且肉同餃皮比例剛剛好，唔會話皮太厚肉太少，十分滿足。

筲箕灣抵食高質生煎包 呢間上海包點感覺勁佛系 成日放假唔開門 緣份到自然試到佢地 佢地出品仲要夠平 如果鐘意食包既朋友 路過呢區值得去試一次（餐牌睇圖）.黎左3次 終於有日開門 點左幾樣野食⭐️生煎包$4個‼️呢個包必點之選 👍🏻包底煎到金黃色脆卜卜👍🏻包面鬆軟 入面豬肉餡料有比足 咬開會流汁（咬開果下 啲汁流晒喺個袋度 影到炒晒車🥲）😱仲要只係$4 一個 高質抵食 去邊度搵？.⭐️小籠包$26/5個做到皮薄 有湯汁 但唔太穩定整體再多湯小小會好d岩岩夠合格only 3分.最後落完單發現 佢地做緊聖誕優惠買滿$40 會送酸辣湯/生煎包兩個/鍋貼兩個送多碗⭐️酸辣湯細$14都幾足料 鴨血 豬皮 豆腐 木耳 都唔錯👌🏻配料幾多 搞到木耳好似好少咁🤣.#hkfunfoodrecord窮遊香港#hkfunfoodrecord_筲箕灣.#包包餃店 (筲箕灣)地址：筲箕灣筲箕灣道341號地舖.⭐️評分：味道：4.5/5 小籠包 酸辣湯3分環境：/5服務：/5抵食：5/5.鐘意睇野食既朋友仔 記住幫手like分享 同撳埋右上鐘仔超感謝 你既支持🙏🏻一齊見證 我脂肪既成長.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #筲箕灣美食 #生煎包 #平價 #小籠包 #餃子 #酸辣湯

見到FB群組都好多人都推介依間餃有次19:00去到已經乜都無得賣今次終於下晝就過黎食叫左5隻小籠包4隻生煎鍋貼同紅油抄手仲送左粒生煎包添首先講左小籠包先因為佢係即時蒸嘅，所以都要等一段時間但正正因為咁，所以新鮮滾熱辣就咁睇已經睇到好多湯汁喺入面真係好皮薄餡靚，勁多汁超香，好鍾意食之後就到鍋貼可能只係買4件嘅關係佢係用紙袋裝的同樣地都係皮薄，個底仲要係煎到勁脆，好香口佢仲會有包沙嗲汁可以點紅油抄手個人對紅手抄手無乜特別評價淨係覺得好香，味道方面中規中矩男朋友反而首選係揀佢至於生煎包的話本人並不推介如圖所見...餡料極之少之如，個包上方係極厚不過因為佢係送嘅 我都唔講太多總括而言我覺得依一個包包餃店可以一試價錢又Ok!味道更加唔洗講

包包餃店餐單提供港式, 滬菜, 上海, 小食店等推介美食位於筲箕灣區，餐廳座位數未知人均消費約$50以下，結賬可以用AlipayHK,現金,Payme，Booking訂位可以電話致電 67531842 查詢。

您對於筲箕灣餐廳「包包餃店」有何 comment？

包包餃店餐廳詳細資料：

• 包包餃店地址:
  筲箕灣筲箕灣道341號地舖
  Bun Bun Dumpling Shop, G/ F,341 Shau Kei Wan Road, Shau Kei Wan
• 包包餃店電話: 67531842
• 包包餃店價錢: $50以下
• 分類: 港式, 滬菜, 上海, 小食店
• 座位: 未知
• 付款: AlipayHK,現金,Payme
• FB專頁: 包包餃店 Facebook

更多包包餃店相關資料:

• 包包餃店分店
• Youtube
• Facebook
• Twitter
• Google