茶館 石硤尾
地址: 石硤尾石硤尾村美薈樓地下6號舖
最後更新:
茶館推介
近呢個幾月，換咗個新人做收銀，打去叫外賣由最初唔熟甩甩咳咳，到衣家講嘢無尾音，招呼、早晨都唔多講⋯咁趕客，真的食少左！好掛住之前個收銀。嘢食就普通茶餐廳，正常嘅
石硤尾茶館
| 餐廳分店 | 茶館 |
|---|---|
| 地區 | 石硤尾 |
| 電話訂位 | 26181680 |
| 餐單 Menu | 粵菜, 廣東, 茶餐廳, 冰室 |
| 人氣指數 | 729 |
| 價錢幾錢 | $51-100 |
茶館訂位位於石硤尾區，詳細地址是石硤尾石硤尾村美薈樓地下6號舖，餐廳寬敞座位數目共有未知幾多個。茶館幾錢？價錢優惠後人均消費大約$51-100埋單，早餐午餐晚餐茶館餐單包括有粵菜, 廣東, 茶餐廳, 冰室等美食，付款方式有現金,八達通付款，Booking網上訂位可以電話致電 26181680 查詢訂座。
茶館優惠
茶館 評價 相片
近呢個幾月，換咗個新人做收銀，打去叫外賣由最初唔熟甩甩咳咳，到衣家講嘢無尾音，招呼、早晨都唔多講⋯咁趕客，真的食少左！好掛住之前個收銀。
嘢食就普通茶餐廳，正常嘅
今日下午行經這間茶館， 2人行很快便有搭枱位，不過同桌食客好明顯不想與人同其他人坐，但無奈嘅午饍時間開始都冇得揀。
回歸正轉，我們叫了一個午餐C 同H ，即係涼瓜牛肉飯及豬扒烏冬，配羅宋湯及茶。
首先說説羅宋湯，侍應說d 湯會好辣，點知原來一d味都冇除了咸味，好明顯係溝淡左，所以有d失望，唯有寄望涼瓜牛肉飯，一吃之下都叫比較正常，豆豉有豆豉味，涼瓜有涼瓜味，牛就淡牛肉味不過完全是各有各味道，另外d飯比較硬，也沒有飯香，所以我也要很努力地去吃完碟飯。
而豬扒烏冬內的豬扒還可以，但個紅蘿蔔最好切細件d，因為1/3 條蘿蔔斜切之後整條放上碗，是很難進食的。
今次d食物唔吸引，所以冇影相。
Today 同girlfriend 試新嘢呢間嘢開咗唔係好耐架啫 叫茶館我以為係飲茶 其實係茶記一般茶記嘅食物環境衛生麻麻 地方唔夠乾淨我地係食咗兩碟嘢 lunchtime 黎價錢係街坊價粟米斑腩飯味道麻麻地唔稱得上好食 普通粟米湯味道溝成嘅汁斑腩幾件咁啦海鮮炒烏冬賣相好差差地好似求其一大碟再炒埋一碟咁味道一般 同埋佢好似放到凍晒咁烏冬比較硬嘅冇乜料嘅都 份量唔算多 但夠食叫多兩杯嘢飲好似冇餐但雖然冇餐加埋嘢飲都唔駛六十嘅但整體麻麻新開個地方已經痴泣泣
最近市面慘淡，經過呢間裝修幾精緻嘅茶餐廳，試下入嚟幫襯早餐，點咗一個咸牛肉蛋包餐，只係三十蚊，但係包身軟綿綿，蛋汁嫩滑，咸牛肉足料 ，味道出乎我意料之外，覺得很有水準，值得再嚟幫襯。
平常已經少同細佬妹食飯，都喺一年幾次嘅生日飯、做節飯，如單獨個別食就更少，不過，今晚就同細妹「撐枱腳」，因為有啲嘢交收，加上老婆上堂，小弟無飯開，索性交收完，一齊食埋飯先散。
就番佢，當然晌番石硤尾食，佢建議嚟呢間「茶館」，咪睇個名以為賣茶為主，其實只喺間茶記，不過，新開唔耐，室內嘅裝修新簇，環境又光猛，眼見亦有唔少街坊幫襯，但冷氣唔喺好夠，感覺有微微侷促。
座位旁插住啲餐牌，首先睇睇喺個「精選晚餐」嘅餐牌，主要喺啲小炒套餐，賣$54$72，跟例湯及白飯，但唔包嘢飲，另叫有半價。
結果，「精選晚餐」嘅選擇我哋兩個都唔啱，因為細妹都嚟過食嘢，所以，佢就鍾意個「撈一丁麵」餐，可選配唔同嘅配料，仲包埋火腿炒蛋多士及餐飲。
吉列豬扒撈一丁麵餐 $52好快上咗碟火腿炒蛋配蒜蓉多士，睇個樣大概都知個炒滑蛋唔算好滑，而件蒜蓉多嘅蒜粒烘到濃晒，我就無試到味，但個賣相就肯定唔太得，細妹嘅評價喺普通。
而個撈丁選咗XO醬，但無諗過啲一丁煮完就咁放晌碟面「風乾」，而啲XO醬則就咁撻上面，所以，等到細妹食完份炒蛋多士，啲一丁真喺好似「乾晒」咁，撈好耐先撈得勻啲XO醬，味道OK嘅，但處理上有啲敗筆；而件吉列豬唔得，細妹話好韌吓，幸而都算脆口，亦唔油。
最搞嘢，送咗碗例湯，就喺豬扒隔離嗰碗。
晌大餐牌內，仲有一系列皇牌焗飯、意粉，比較啱我心水，當中有好多配搭，定價於$48$52，同樣唔包嘢飲，嗌嘢飲有半價優惠。
青紅蘿蔔煲豬展我個焗飯喺單點菜式，但啲店員除招呼唔錯外，不時問我有無嚟錯，啲嘢齊未，更私人醒咗一碗例湯我，雖然只不過喺碗普普通通嘅中式青紅蘿蔔煲豬展，但算好有心。
鮮茄焗菠蘿雞扒飯 $48個焗飯都幾大份吓，初時見佢刻意叫焗「菠蘿」……，諗住會特別多菠蘿，實在諗多咗，都只喺好似平常嘅焗飯咁，有三幾粒罐頭菠蘿，而中間喺一大件雞扒而已。
其實整體味道唔錯嘅，蕃茄汁底又幾酸香鮮活，喺炒飯底有少少濕，未夠乾身啫。
熱奶茶 +$8我哋不約而同都喺要熱奶茶，不過，我杯喺要俾錢加配。
茶記嘅熱奶茶一向差極有個譜，眼下呢杯其實都唔錯，茶底好有茶香，雖然口感未至於絲滑般，但我都收貨嘞。
今次評個總分真喺有啲尷尬，因為，個焗雞扒飯都算好食，但客一丁麵餐就瑕疵多啲，不過，又未至於難食，姑且俾個OK佢先啦。
茶館餐單提供粵菜, 廣東, 茶餐廳, 冰室等推介美食位於石硤尾區，餐廳座位數未知人均消費約$51-100，結賬可以用現金,八達通，Booking訂位可以電話致電 26181680 查詢。
您對於石硤尾餐廳「茶館」有何 comment？
茶館餐廳詳細資料：
- 茶館地址: 石硤尾石硤尾村美薈樓地下6號舖 Tea House, Shop6, G/ F, Mei Hui House, Shep Kip Mei Estate, Shek Kip Mei
- 茶館電話: 26181680
- 茶館價錢: $51-100
- 分類: 粵菜, 廣東, 茶餐廳, 冰室
- 座位: 未知
- 付款: 現金,八達通
- FB專頁: 茶館 Facebook
更多茶館相關資料:
香港餐廳2026推介7月