石澳泰 石澳

石澳泰 評價 相片

坐左一陣想叫餐冇人理，出去直接叫侍應（帶位果位），侍應叫等吓，之後外國人入嚟就立即招待，於是起身離開，個侍應重話有位叫那些外國人坐過嚟。

間餐廳食物質素唔知，但服務態度就已令人留下十分差印象。

不會試。

今個周末選擇去石澳吹下海風一到步先去醫肚由於唔想食茶記 所以就入左黎食泰菜木瓜沙律酸酸甜甜非常開胃 材料有青木瓜 蝦米 甘筍絲 蕃茄仔同埋生菜 我覺得蝦米就硬左少少其他都幾唔錯蒜蓉炒雜菜真係乜都有 望落清清地食落都有味唔會太咸生菜包用料好足 有微辣 唔知點解每次食生菜包都會一路食一路滴水滴到成手都係 菠蘿海鮮炒飯 材料非常豐富有蝦肉鬆 魷魚 腰果仲有菠蘿同埋炒飯底 炒飯底入面仲有啲泰式嘅臘腸同埋提子乾 所以食落口甜甜地咸咸地好 好好 食腰果亦都好脆我哋三個人食咗四樣嘢飲咗兩杯野都係三百零蚊 同出面價錢差唔多 所以以石澳來講都幾抵食

今日嚟到石澳梗係chill下⛱Shek O Thai 石澳泰 解下思鄉愁🇹🇭..小公主👸🏼叫咗個 #海南雞飯🍚 〰️飯粒粒分明，好香雞油，但個雞就偏鹹，個醬都欠奉.....肥仔叫咗 #黃咖喱牛腩 🍛再另叫 #蒜蓉多士🍞嚟dip住食...薯仔🥔走油外脆內軟，牛腩不過不失啦🤣🤣 但中意椰香嘅會略嫌唔夠，而且較濃味‼️ 而多士就夠哂 #蒜蓉🧄而且好 crunchy 😚 .Vienn 叫咗 #ThaiTea🍹 ➕ #鴨肉脾河🍜 〰️當然自行加辣🌶 鴨脾都滷得好夠味🤩 另外仲叫咗個 #青木瓜沙律🥗 唔夠酸同辣，但都頂下癮😝..Overall 呢間都比較適🈴️濃味嘅朋友，好彩Vienn叫咗杯 #ThaiTea 中和下，茶味夠但奶同甜可以再重手d，就仲perfect 🥰 杯#珍多冰🍹就好👌🏼 都相當多外國人去食，都幾好chill ..🍜石澳泰 (石澳)📍石澳石澳村303號地下.#泰國菜 #肥dodo食記 #食好西 #HKfoodie #foodporn #foodie #食評 #TR90達人

金邊粉好味的，但波羅炒飯麻麻地，的係泰國邊過嘅有啲出入，唔夠味，個飯質‘冧’咗啲，個冬陰公湯底有啲特別，唔同我之前食開果啲，可能間間鋪唔同，生菜包夠辣，下次可以試下叫小辣，總結都ok嘅，價錢貴咗啲，旅遊景點我明！

Hubby和我都放假，好想出去走走，最終決定去石澳行吓。

石澳對我嚟講有好多回憶，記得以前間中跟公司老闆及同事放工揸車嚟一間做燒鵝出色嘅餐廳晚飯。

我公司老闆去世後沒有再嚟晚飯，夏天都有嚟沙灘玩，但這也是十多年前嘅事了。

今日天氣好好，我哋打算行情人橋，怎知橋消失了，橋座鐵枝也露出了，不知是否之前被颱風山竹破壞，還是純粹定期維修。

雖然和情人橋緣慳一面，但周圍景色好靚，看著海浪打上石灘上巨石濺出嘅水花，寧靜中嘅浪聲，看著丶聽著，有洗滌心靈感覺，好舒服。

逗留一陣開始有肚餓感覺，於是出去搵食。

嚟到這間泰菜館門前，被它外貌吸引，餐廳主色係淺青綠色，好有大自然氣息，加上開放式嘅座位，勁有渡假feel。

雖然天氣唔算熱，但响有置身泰國感覺嘅餐廳，好自然想飲凍嘢，我哋叫咗椰汁沙冰丶芒果沙冰丶柚子沙律和泰式拼盤。

這椰子沙冰係用椰子肉做，與我之前飲用新鮮椰青水不同，故此有少少失望。

芒果沙冰香甜；柚子沙律柚子很多，酸甜度適中；泰色拼盤，份量啱啱好，最重要係每樣食物都炸得香脆。

冇楝錯，有機會要同多啲朋友嚟，可以食多啲其他嘢。

最後，我哋去沙灘行及坐咗一陣，享受了遠離繁囂嘅一小段時光，感恩。

石澳泰餐單提供泰國菜等推介美食位於石澳區，餐廳座位數未知人均消費約$101-200，結賬可以用Visa,Master,現金,AE，Booking訂位可以電話致電 28094426 查詢。

您對於石澳餐廳「石澳泰」有何 comment？

石澳泰餐廳詳細資料：

• 石澳泰地址:
  石澳石澳村303號地下
  Shek O Thai, G/ F,303 Shek O Village, Shek O
• 石澳泰電話: 28094426
• 石澳泰價錢: $101-200
• 分類: 泰國菜
• 座位: 未知
• 付款: Visa,Master,現金,AE
• FB專頁: 石澳泰 Facebook

更多石澳泰相關資料:

• 石澳泰分店
• Youtube
• Facebook
• Twitter
• Google