錦泰食館 元朗

錦泰食館 評價 相片

夜晚同老友【肥豪】諗住自己煮海鮮食 , 不過近排煮得多覺辛苦 , 所以諗諗下都係出街食 , 我前幾日呢道睇過食評有讚冇彈 , 咁我就提議去元朗【錦泰】食囉!揸車去到晚上十點 , 路邊咁o岩有位 , 亦咁o岩最埋邊只有一張細枱 , 咁我o地就即刻坐低啦 , 叫o左【鵝片大雜會 + 韮菜豬紅 + 花生雞腳】。

【鵝片大雜會】, 好似要HK$60元 , 一般碟上花生鋪底滿滿 , 鵝片四五件但其中兩件凈肥膏 , 即係果兩件冇得食。

雜會入面另有魷魚、鵝腸、掌翼各兩小件 , 冇乜肉咬好淡口仲有騷味 , 雖然話太重味太鹹唔多健康 , 但食潮州打冷唔阿惹味又係唔多好食。

呢碟真係唔抵食 , 叫碟凈鵝片都係多HK$10仲抵。

【韮菜豬紅】, 豬紅大大件賣相唔錯 , 韮菜就太少啦! 又係汁水唔夠味 , 一般打冷店都係用重沙嗲汁 , 但呢道都應該有沙嗲汁 , 只係唔夠份量 , 所以好淡唔好食 , OK啦!【花生雞腳】, 呢味味道唔錯夠入味 , 雞腳係細隻左少少 , 不過睇得出咁細隻應該唔係急凍果隻 , 【肥豪】佢話呢碟最好食 , 我就可能鍾意食大隻少少雞腳啦 , 所以覺得係食味道囉 , 送飯就麻麻 , 飲酒就差唔多。

我事先聲明 , 一向我都係食慣淡味食物 , 如果我都覺淡就已經真係較淡。

同埋兩個月前我同【小貴子】幫襯過 , 果次都覺好淡味 , 另一女性朋友仲話要搵支豉酒沾添呀!不過價錢就真係抵食 , 埋單都係一借三十幾蚊 , 連兩碗白飯及一罐汽水。

唔怪得現場咁多年輕顧客幫襯居多 , 個個都揸私家車方便泊路邊 , 好多枱飲到啤啤夫大聲講o野 , 唔知附近民居會唔會因而投訴噪音呢?下次我都可能會貪方便再幫襯o既 , 但唔會太刻意推介朋友去囉 , 服務都算 ok , 員工快手快腳幾醒目。

實在太太太抵食啦!!!味道真係正AR!!!!呢d先至係香港o既味道!!!!**mo諗過會寫食評, 所以mo相**sor!~4個人叫左6碟餸, 2支青島啤1) 9菜豬紅 <正爆, 好入味, 少少辣辣地~好正2) 豪餅<好多AR!!!!!我地4位食唔哂Lo~3) 金銀蛋莧菜<D菜老左D,但overall, 好大碟好好食4)千島牛肉<有D似咕嚕肉lo......feel唔到係牛定豬肉5) 辣酒花螺<ok , 如果再入味D就very good la!~6) 椒鹽9肚魚 <水準之作

中秋正日食晚飯,網上介紹講這間食店不錯,所以試試,食過真係一句"抵食夾大件".胡椒豬肚湯 好多料係個湯入面,個湯又好得,唔錯金銀蛋浸莧菜 加大碼size,冇乜邊間夠佢大碟.蠔餅 蠔餅的粉太多,蓋過蠔味,係呢碟有點失色,不過都係加大碼size.紙包骨 入味,好正,不過食多過2件開始覺得油膩.千島牛肉 一個幾特別的,可以一試.土魷肉餅 最普通的食物居然最快清碟,我覺得好食

今晚同朋友飯聚，佢地介紹左呢間潮州既打冷，所以特意千里迢迢一試。

間鋪都好旺，連街都都坐滿人，我地等左幾個字先有位。

香煎蠔餅：兩大塊煎蠔餅疊在一起，煎得香口，蠔仔又肥又多，好味。

豬紅：呢個一定要試，d豬紅非常有口感，d汁有少少辣，好香好惹味。

紙包骨：呢個第一次試，好有驚喜，d肉入晒味，好淋好juicy。

除左小棻外，我地都有打邊爐，d料都好新鮮總括黎講，呢間都值得一試，d料好足又大碟，而且好經濟，不過d環境就差左d

朋友介紹特別入元朗試下呢間潮州既打冷老闆介紹我地點 "紙包雞"呢個真係唔錯肉好lum, 又入味,味道岩岩好仲叫左炒蜆同螺肉都好新鮮, 唔太辣好野味蠔餅個邊煎得好脆裡面d蠔都好彈口唔錯老水豆腐蛋都好入味, 仲有個豬紅..唔太辣好爽口 仲有豉汁蒸鱔呢個我最鍾意味道唔太咸,仲要啖啖肉d餸都算大碟好抵食不過環境就唔係太整潔而且裡面有冷氣既table都唔夠其實都ok

錦泰食館餐單提供潮州菜等推介美食位於元朗區，餐廳座位數60人均消費約$50以下，結賬可以用現金。

您對於元朗餐廳「錦泰食館」有何 comment？

錦泰食館餐廳詳細資料：

• 錦泰食館地址:
  元朗泰祥街26號地下
  錦泰食館, G/ F,26 Tai Chung Street, Yuen Long
• 錦泰食館電話:  
• 錦泰食館價錢: $50以下
• 分類: 潮州菜
• 座位: 60
• 付款: 現金
• FB專頁: 錦泰食館 Facebook

更多錦泰食館相關資料:

• 錦泰食館分店
• Youtube
• Facebook
• Twitter
• Google