沙嗲軒 (黃金海岸) 屯門
最後更新:
沙嗲軒 (黃金海岸)推介
沙嗲軒提供正宗的新加坡佳餚，並設有露天座位，食客可於園林景色的環抱下，品嘗招牌海南雞飯、福建蝦湯麵、星洲蘿蔔糕和馬六甲椰汁西米布甸等美食。
屯門沙嗲軒 (黃金海岸)
| 餐廳分店 | 沙嗲軒 (黃金海岸) |
|---|---|
| 地區 | 屯門 |
| 電話訂位 | 24528822 |
| 餐單 Menu | 新加坡菜, 酒店餐廳, 咪嘥嘢食店, 無翅餐廳 |
| 人氣指數 | 976 |
| 價錢幾錢 | $101-200 |
沙嗲軒 (黃金海岸)訂位位於屯門區，詳細地址是屯門青山公路1號香港黃金海岸酒店大堂，餐廳寬敞座位數目共有未知幾多個。沙嗲軒 (黃金海岸)幾錢？價錢優惠後人均消費大約$101-200埋單，早餐午餐晚餐沙嗲軒 (黃金海岸)餐單包括有新加坡菜, 酒店餐廳, 咪嘥嘢食店, 無翅餐廳等美食，付款方式有Visa,Master,AlipayHK,現金,AE,銀聯,JCB付款，Booking網上訂位可以電話致電 24528822 查詢訂座。
沙嗲軒 (黃金海岸)優惠
沙嗲軒 (黃金海岸) 評價 相片
去黃金海岸酒店 staycation,早左 checkin 未有房, 又唔想行得太遠, 咁就近近地喺酒店大堂沙嗲軒食個 lunch 等有房丫🤭叫左兩個主食🥘香辣星洲炒飯 nasi goreng都幾惹味😋 有兩大片蝦片, 兩串雞肉沙嗲串燒, 雞肉炒飯配流心蛋, 少少辣🌶️ 超級非常惹味! 食完都仲想再食😅🥘招牌海南雞飯有一碗清湯, 油飯好香唔油膩, 雞肉雖然幾滑, 但份量略少, 同雞皮超級肥同比較多! 所以好似無咩點食過雞肉咁😅
母親節去過中港城上面的沙嗲軒，兩個人第一次試，因為係午餐，食得少，很多菜式都冇食到。
於是今日約埋朋友去黃金海岸酒店呢間沙嗲軒一齊食，食咗好多款出名嘅新加坡特色菜，海南雞飯、雞肉豬肉串燒、印度薄餅、鹹魚炒芽菜、新加坡肉骨茶等等。
大家都覺得好有驚喜。
係黃金海岸酒店staycation, 晚餐近近地去酒店內的餐廳食野。
本身都不抱太大期望，但竟然食到好好食的麥皮牛油蝦。
開邊大蝦本身已經無腸，炸到皮脆，可以連殼食，浸滿香脆的麥皮牛油，配上肉質爽口彈牙的新鮮大蝦，完全係滿滿的幸福感，食完蝦肉，仲可以一大啖淨麥皮咁食，都好香口。
巴東牛肉有少少似乾身的咖哩，肉質比較瘦同唸，牛肉吸晒d汁，每一口都好入味。
用印度薄餅伴巴東牛肉食就最夾，鬆化的薄餅好香牛油味，配醬最好食。
同朋友唔知食乜就走咗去黃金海岸 見佢又唔使等位又唔使book位就衝咗入去食🙈同朋友嗌咗個海南雞飯，炒蘿蔔糕同埋串燒個炒蘿蔔糕大家其實可以唔使叫嘅因為真係好難食😂😂😂個賣相又唔討好唔識形容啲味😅又咸又甜咁我就真係唔識欣賞我串燒我哋就淨係嗌咗牛同豬 味道唔太差嘅但係牛串就有啲乾豬串反而就幾juicy 同埋佢個沙嗲醬又幾好食😋到成餐飯嘅重點就係海南雞飯成個碟入邊嘅重點係碗飯😋 平時出街食到嘅雞油飯好多時都真係淨係雞油唔會有任何鹹味 又或者啲鹹味係一啲都唔夠嘅 (個人喜歡食有味嘅雞油飯😂😂) 個飯嘅鹹度啱啱好 又唔會太油膩只係啲油啱啱好包住粒飯啫👍🏻👍🏻 然後個湯唔會太過味精 唔會特別口渴 反而個雞有少少失望 冇乜味道但係又唔會太鞋嘅不過而家香港都好難食到啲好好食嘅雞㗎喇🥲不過喺買單嘅時候 原來恒生信用卡仲有八五折😂 有個小驚喜😂😂
為慶祝結婚周年，又因疫情無得去旅行，就專登揀咗遠離市區又有渡假環境嘅「黃金海岸酒店」住番晚加飲飲食食，買咗個「悠然下午茶住宿計劃」，包雙人豪華海景房、入住當日嘅主題下午茶、翌日嘅雙人自助早餐。
雖然個住宿計劃無包午餐，但今早食完早餐，再去行千島湖，返到嚟啱啱好正午多啲，退完房就順道晌埋酒店內嘅「沙嗲軒」食完午餐先走，一來覺得酒店晌防疫方面做得好，二來食過好幾次「沙嗲軒」（尖沙咀分店）都喺印象良好，三來揀食星馬菜感覺就更添渡假氣氛，故此就梗喺捨遠取近啦。
始終喺酒店餐廳，環境唔會差得去邊，整體佈道雅致，加上疫情關係，枱與枱更加編排得多一點距離，所以，空間感更強。
我哋被安排坐晌落地玻璃一旁，自然更光猛，視野更開揚，讓人感覺更舒適。
而對出有啲高腳枱櫈，可以俾客人坐晌出面飲吓嘢，只可惜疫情下未有開放。
上面都提過，晌度食嘢就喺貪酒店做防疫做得好，甫坐低，侍應捧咗一大盆熱水連鋼夾，喺俾客人消毒餐具用，呢啲就喺細節位嘅分野。
「沙嗲軒」主打喺賣星馬菜，翻一翻餐牌，當然發現唔少熟悉嘅星馬菜式啦。
分類上，包括前菜、湯品、海鮮、雞類、牛肉、傳統星馬美食、飯類、蔬菜類、甜品及飲品。
結婚周年，當然要食得盡興一啲！沙嗲 $138 / 半打 先嚟一客沙嗲，有雞牛豬供選擇，亦可以綜合要齊3款。
啲串燒燒得極有炭火香，熱辣辣，上枱已嗅到肉香，咬落有肉香，富肉汁，唔會「乾爭爭」，加上有啲燶邊位，就更加焦香，當然自家炒製嘅花生沙嗲醬亦功不可沒，又香又濃，帶有微細嘅花生粒，絕對貨真價實，串燒沾滿沙嗲醬味道更惹味且具層次。
蟹肉冬筍肉丸湯 $88就快過農曆年，雖然小弟喺地道港人，但我都應吓節嗌呢一款蟹肉冬筍肉丸湯，喺新加坡當地慶祝農曆新年嘅應節食品。
肉丸以新鮮豬肉打成，咬落極之鬆化，並帶少少油香，而湯裡面除有蟹肉、冬筍，仲有啲魚肚，所以，味道豐富。
此外，湯底喺雞湯嚟，濃而不濁，清香好飲。
溫馨提示，因為喺應節時令嘢，可能你會見餐牌無，但其實喺可以預訂，全年供應。
招牌海南雞 $268 / 半隻嚟沙嗲軒又好難唔翻兜佢哋嘅海南雞飯，因為真喺好有水準，因應人數可以揀全隻、半隻或海南雞連飯嘅套餐。
想滿足啲，好似我哋咁點夠半隻，另外加一碗雞油飯（$28）。
半隻嘅份量真喺唔講得笑，並傳統咁配上三色醬料（薑蓉、特製辣椒醬、黑醬油），賣相精緻。
食海南雞最正喺雞肉已經去晒骨，食得方便，而且，皮下脂肪少，近乎無咁滯，雞皮食起嚟更爽滑，雞肉質感細嫩，沾點黑醬油搭薑蓉（小弟最至愛嘅配搭），味道更有層次；而啲雞油飯裝得滿滿，色澤光亮濕潤，充滿油香卻不肥膩，飯粒夠晒分明，同樣，鍾意下點黑醬油，令味道更豐富好食。
蒜蓉鹹魚炒芥蘭 $98又沙嗲，又海南雞，當然要一道蔬菜嚟平衡吓，而呢一道蒜蓉鹹魚炒芥蘭就最惹味，芥蘭切成小件，方便食，蒜蓉搭鹹魚，鹹香得嚟有層次。
嚤嚤喳喳 $68嚤嚤喳喳喺星馬，甚至泰國、印尼嘅經典糖水，簡單而言，就喺一啲蕃薯粒、芋頭粒混晌椰奶中，當然唔同地方嘅配搭有少少差別，可能加埋啲紅毛丹、菠蘿蜜之類。
我哋要咗個凍食嘅，但涼涼哋，唔會太冰，入口清涼舒服，蕃薯粒及芋頭粒都好夠粉，而椰奶好清甜，唔喺罐頭貨嗰種濃得嚟死甜咁。
馬六甲椰汁西米布甸 $63一個黑糖，一個楓糖，一個棕櫚糖，老婆同我都好鍾意，而呢個甜點都曾經晌尖沙咀店食過，當然要俾老婆都試吓啦，其亮點就喺加入棕櫚糖。
咪睇佢樣得啲椰奶，得嚿西米，好似普通，但一樣好有手功。
西米壓成球形，咪以為好實，其實一篤就開，而且，啲西米粒粒分明，彈牙有啲煙韌感，棕櫚糖甜得嚟有好強嘅清純糖香，撈勻埋啲椰奶，甜度啱啱好。
撞啱近排天氣回暖，又加上用餐嘅時候陽光普照，氣氛已經讓人稱心。
唔使急，唔使趕，兩口子食咗個幾鐘，真正慢慢嘆。
以一餐既豐富，又有特色嘅午餐，為人生第一次嘅Staycation作結，就最好不過。
沙嗲軒 (黃金海岸)餐單提供新加坡菜, 酒店餐廳, 咪嘥嘢食店, 無翅餐廳等推介美食位於屯門區，餐廳座位數未知人均消費約$101-200，結賬可以用Visa,Master,AlipayHK,現金,AE,銀聯,JCB，Booking訂位可以電話致電 24528822 查詢。
您對於屯門餐廳「沙嗲軒 (黃金海岸)」有何 comment？
沙嗲軒 (黃金海岸)餐廳詳細資料：
- 沙嗲軒 (黃金海岸)地址: 屯門青山公路1號香港黃金海岸酒店大堂 Satay Inn (Gold Coast), Lobby, G/ F, Hong Kong Gold Coast Hotel,1 Castle Peak Road, Tuen Mun
- 沙嗲軒 (黃金海岸)電話: 24528822
- 沙嗲軒 (黃金海岸)價錢: $101-200
- 分類: 新加坡菜, 酒店餐廳, 咪嘥嘢食店, 無翅餐廳
- 座位: 未知
- 付款: Visa,Master,AlipayHK,現金,AE,銀聯,JCB
- FB專頁: 沙嗲軒 (黃金海岸) Facebook
更多沙嗲軒 (黃金海岸)相關資料:
香港餐廳2026推介9月