源發潮州粉麵 牛頭角

源發潮州粉麵 評價 相片

好耐之前食過一次源發蝴蝶腩河粉後，已經念念不忘。

似乎暫時未見到其他地方有賣蝴蝶腩，而呢間餐廳粉麵暫時來講都係首選。

今次都係例牌叫左一碗清湯蝴蝶腩河粉加配餃子。

腩肉味道食落其實好似牛腩，肉質一絲絲咁。

外觀上來睇好似牛腩，而腩肉間中會有少少地方帶肥膏。

另外，味道咸味中帶少少甜。

當然，仲有其他食物都好食，不過每次我都只會食蝴蝶腩。

有幾次都無得食，因為蝴蝶腩其實近豬肺部位，貨源有時不穩定。

鋪頭環境不算大，有時需要同人搭枱。

尤其午飯時間，可能要輪後一段時間。

終於搵到源發!! 以前係九龍灣由細食到大，直到佢搬左去牛頭角，就無食。

今晚行過牛頭角，順便去探一探呢間街坊茶餐廳!! 個餐牌精緻左好d, 不過仍然好似以前咁多款式! 我地就叫左湯飯，一個粟米肉碎湯飯同一個蕃茄肉碎湯飯。

等左大概五分鐘就有得食。

湯飯仍舊大大碗，仍舊美味。

三四十蚊一碗，食到飽都未食完碗湯飯，茶餐廳黎講算係唔錯!

自牛下拆御後，從前邨內的老食店就紛紛在附近周圍找地方入舖繼續經營。

這一間"源發"，好像便是其中之一員....記得這店仍在牛下之時小弟也幫襯過，吃後好像也沒有留下甚麼深刻印象。

不過始終已是許多年前之事了，沒記起，好像也是挺正常....蝴蝶腩是這裡的招牌。

來得吃，自然是必點，更難得是可以配搭銀針粉吃。

這個，我從小就愛吃的了....滿滿一大碗粉端到面前。

滿心期待的夾起一件蝴蝶腩放入口，卻赫然發現是極之難咬得到，心裡暗罵 : "這跟本和吃橡膠沒有分別"....咬到幾口，牙骹也累了，最後決定棄械投降....不忿氣，再夾起另一件試....結果仍是一樣。

最後變成只吃碗內剩下的銀針粉及芽菜....至於湯底，還是以人工後加調味為主....喝了一口，就落荒而逃....後加的小食炸雲吞，炸得非常油膩；餡料就只咬到一只沒有甚麼鮮味的小蝦。

唯一的好，是新鮮熱辣弄起的，放入口差點就將嘴燙熟。

邊食邊想 : "老字號，並不表示一定是好....之前巳碰過不少釘，現在還不知悔改 ?".....

今天去牛頭角探朋友，在她屋企附近食晏，朋友話呢間有卡位，便入去。

我叫了薑湯豬潤銀針粉，豬潤不是我喜歡的食物，但豬潤補血，我仍會飲用，試了一件，豬潤雖不致於很滑，但也沒有嚡烚烚的，而薑湯味道也很濃，算是驚喜發現。

她叫了蝴蝶腩銀針粉，因不好意思，我沒拿來試，只問她味道如何?她說蝴蝶腩不是炆到很焾身，是有咬口果種，腩汁湯底味道okay。

至於飲品，凍咖啡，凍檸茶，畢竟只是一般茶餐廳，沒祈望，也沒失望。

以價錢及這兩款食物質量，服務態度來平衡，幾十元而已，算係咁架喇!至於服務態度，落單姐姐有禮貌，食飽與朋友在那聊天，都冇嗱嗱聲執檯趕客。

最喜愛去茶餐廳，粉麵擋，平價浪漫食堂。

這間潮州粉麵檔好獨特，不買牛肉，只買豬，豬雜，豬肺，蝴蝶腩。

我每次來都係食銀針粉， 在外好難有銀針粉食，每次來我必食，銀針粉係主角， 配角就每次不同。

今次配豬雜。

銀針粉是一種頭尾尖，中間圓形的粉條，滑嫩有嚼勁，豬雜處理乾淨，新鮮，豬潤甘香，粉腸沒有苦澀味， 加上蔥及芹菜粒，令湯更突出。

源發除了供應粉麵，還有常餐，晚上還有煲仔飯，蠔餅。

源發潮州粉麵餐單提供潮州菜, 粉麵, 米線, 茶餐廳, 冰室等推介美食位於牛頭角區，餐廳座位數54人均消費約$50以下，結賬可以用現金，Booking訂位可以電話致電 27555808 查詢。

您對於牛頭角餐廳「源發潮州粉麵」有何 comment？

源發潮州粉麵餐廳詳細資料：

• 源發潮州粉麵地址:
  牛頭角牛頭角道162號金和樓地下
  Yuen Fat Chiu Chow Noodles, G/ F, Kam Wo Building,162, Ngau Tau Kok Road, Ngau Tau Kok
• 源發潮州粉麵電話: 27555808
• 源發潮州粉麵價錢: $50以下
• 分類: 潮州菜, 粉麵, 米線, 茶餐廳, 冰室
• 座位: 54
• 付款: 現金
• FB專頁: 源發潮州粉麵 Facebook

更多源發潮州粉麵相關資料:

• 源發潮州粉麵分店
• Youtube
• Facebook
• Twitter
• Google