華達茶餐廳 火炭

華達茶餐廳 評價 相片

開完會已是下兩點半有多，這個時間出去食飯也好，無咁多人。

獨自去了火車站附近的茶記，吃了個咖喱牛腩飯。

咖喱汁並不刺激，但都算好送飯，如果能香一點就更好。

牛腩至少沒有太韌，仲有兩件牛筋在內，薯仔口感亦不俗，可以接受。

有時候很怕在茶餐廳飲咖啡，因為有些地方的出品總會有點酸味，幸好這裡的是濃，而沒有酸味，ok!極速完成午餐，又回到工作崗位去。

下午，同事要我幫忙去火炭交收一份文件。

好差事，可以離開公司一行亦可以提早收工，更好的，是幫到人手，助人為快樂之本嘛.....做好事，又未想直接的回家，人在火炭....也是時候去開發一下有什麼鮮為人知的食肆啦。

行出火炭村，就發現了村內的好幾間茶餐廳，各有各的簡陋簡約。

然而，這一間華達，因為有一個大大的牌行出來路口，比起其他的同行顯眼，人生路不熟的我，就直入這兒坐低。

簡陋的村屋茶餐廳，勝在位置夠好，因此火炭村，就是在其中一條由火炭去火車站的必經路之一，於上下班時間，我觀察得到的人流是非常之多。

因為是位於行人路上，沒有車，而且夠晒空間，村屋外的餐座位好像比起村屋內的多。

火炭多藍領，吸煙人士多，屋外的坐位坐著不少茶客，輕鬆一tea，村屋內，就好似真的沒有人坐。

我的下午茶餐，就是一個叉燒公仔麵，仲要配上奄列一份。

果真，是為了招乎大食的藍領達人而有的份量。

叉燒，厚切，不過一看就知是攞貨的普通叉燒，辛好夠腍，而這種叉燒，實際上是都適合茶餐廳煮麵、湯意粉用的。

火腿奄列，蛋煎得靚，半流心的蛋配合了火腿，非常之香。

而普通的玻璃杯奶茶，夠滑夠香。

感覺只是普通，不過此店位置好，當然是好生意啦。

前日(1652009 Sat)上晝同男友去火炭稻鄉飲食文化博物館睇完o野,都已經1:10pm,咁順便再去見一見媽媽,之後都1:30pm,諗住上深圳食o野行吓,但驚上到去都餓扁o左,於是同男友o黎隔離食小小o野後再上.我對第一間$17.00o既豬扒飽有興趣,但男友想再行前啲睇,到呢間,亞姐好好招呼話入o黎坐啦,有卡位.(又係有卡位)男友話好啊,入去歎冷氣.啊,咁呢間啦.入到去,都冇卡位,已經畀人坐晒,但有一個客就o黎走,我o地就睇住menu等,我身後個客走喇,我等佢走至坐過去啦,點知隔離枱兩男一女o既客,一個男人已經將佢食o緊o既o野放o係張枱o度,佢真係誇張啊,都食o緊o野o架啦,咁都要轉枱.我同男友都唔不忿呢個男人,男友話如果唔開心可以走喎,橫豎未叫o野食.我話算啦,唔好啦,好肉酸o架.之後男友o個邊有卡位,男友走過去,點知亞姐請佢讓畀一個抱住3歲左右o既小朋友o既客人,哦,好啊,咁我o地惟有讓座啦.咁我叫o左個$18.00o既小吃餐,要炸雞髀薯條,熱檸水.男友要$18.00o既下午麵餐,要沙嗲牛肉公仔麵,要凍鹹檸水,.不久,另一張卡位o既客人都走喇,亞姐執枱問要唔要轉卡位?我身邊一個客人應佢問係咪叫佢?亞姐話唔係,係叫我o地,咁我o地就轉啦.冇耐,我o地o既飲品到o黎,男友畀我試鹹檸水,我真係接受唔到鹹檸味道.然後,佢o既嗲牛肉公仔麵到o左,睇見唔油膩,麵應該冇煮過龍唔腍,男友畀牛肉我試,我覺得沙嗲味唔夠,牛肉嫩滑,可以.等o左陣,我o既炸雞髀薯條終於到o黎,睇見亦都係唔油膩,兩樣o野o岩o岩炸起,好熱.薯條唔使落鹽,只蘸茄醬即可.而雞髀皮係炸得好脆,但內裡冇乜肉汁,乾o左,而且又唔多夠味,唔係咁好食.呢o度o野食唔突出,基本上態度可以,但唔好明明卡位full晒就話有卡位囉,係呀,你o地係有卡位,但畀人坐晒囉.

華達茶餐廳餐單提供港式, 茶餐廳, 冰室等推介美食位於火炭區，餐廳座位數未知人均消費約$50以下，結賬可以用現金。

您對於火炭餐廳「華達茶餐廳」有何 comment？

華達茶餐廳餐廳詳細資料：

• 華達茶餐廳地址:
  火炭火炭村60號地下
  華達茶餐廳,  
• 華達茶餐廳電話:  
• 華達茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 華達茶餐廳 Facebook

更多華達茶餐廳相關資料:

• 華達茶餐廳分店
• Youtube
• Facebook
• Twitter
• Google