Mee...Lemongrass 火炭

Mee...Lemongrass 評價 相片

今日落樓下做facial.美容師話多吃collagen可以令皮膚滑d做完有少少餓就入左去呢間鋪頭間鋪頭d員工好有笑容 特別係迷彩衫那個員工.佢好有耐性咁講解曬成個Menu俾我選擇忽然發現有Collagen呀 就叫左碗🐷皮🐖心丸米粉食下需然好有罪惡感 但真係好味啊. 食完即覺得皮膚變得有彈性. 害我之後去跑了一個鐘步找數.不過 呢間店都去得過火炭冇幾多Easy food😋 下次再做完facial再去試下其他野食先

今日去到火炭四周圍冇乜餐廳唔想食老麥 就衝左入去食車仔面估唔到又幾好味最愛豬皮羅白一流仲有炸魚皮啊 同煎壤三宝在商場內估唔到都可以食到傳統車仔面都唔知幾耐冇食過啦 得閒經過再去

今日午餐諗住嚟食海南雞飯，點知坐低左嗰下先發現冇哂以往所有泰式午餐，只有車仔麵選擇。

既然坐低左，就即管試下味道如何啦。

.我叫左米線、清湯、魚腐+墨魚卷+牛腩($43)。

男朋友叫左粗麵、腩汁、豬潤+牛腩+九菜餃+另一款餸($49)。

.首先，米線淋到似比BB仔食，自己煮都冇咁嬲，咁嘅價錢只有咁嘅質素真係好失望。

清湯理所當然都只係味精湯。

至於餸，我揀嗰三個都煮住係王牌推介，完全未食過咁難食嘅魚腐。

我對魚腐嘅認知係彈牙，有魚味，但佢嘅魚腐似係一舊吸滿水浸到爛溶溶嘅棉花咁，又有魚腥味。

墨魚卷同牛腩普普通通。

.另一碗粗麵又係淋、唔彈牙，腩汁又係味精，豬潤腥，其他餸都係普通啦。

.食物質素已經咁差，員工質素都唔係好得去邊。

兩個企門面嘅一男一女後生職員，竟然喺工作時間玩「背脊貼烏龜紙」遊戲，紙上圖文並茂。

經理又不出言阻止，只是默默幫佢地一次又一次搣走紙張，間接允許佢地於工作時間玩這個幼稚遊戲，反映了管理層的問題。

.本身久唔久都會嚟食午餐，但經過今次之後應該唔會再嚟。

難得有一天沒有帶飯，同同事出去食飯，就去左呢間食喇。

對我來說都幾貴嫁，但係佢既份量就好大，有沙律，主菜，飲品同埋甜品，一個女仔一定食唔切😅我地叫左新彊咖哩牛腩飯，海南雞喇沙面，海南雞飯同埋軟殼蟹撈檬。

個咖哩真心唔錯，佢唔太辣嫁，牛腩又多，又大；海南雞飯同喇沙面係有分別嫁，飯係有菜配埋，但面係冇嫁，不過個喇沙好濃，仲幾辣，比一般喇沙底辣：軟殼蟹撈檬個蟹有啲細，相對味道正常，佢個味酸酸地幾開胃，重點係天氣熱當然要啲凍食啦 😂沙律同甜品就每日都唔同，不過因為可能熱既關係，佢同埋啲主菜一齊上，食完主菜個甜品都融左😅

自從朋友帶過我黎試呢間既炭燒厚切豬朳之後就愛上左所以間唔中都會心思思想食下, 同埋每次黎呢度都必定係食佢而今日由於做野比較晏, 所以就唔係黎食LUNCH, 而係食TEATEA既價錢比LUNCH平少少, 以為佢份量都會減少點知係同LUNCH一模一樣既, 個豬朳燒得好香, 加埋蜜汁好好味好似食緊半肥瘦既义燒, 上面加埋少少蔥油同炸蒜加上豬朳大大塊, 真係食豬朳都會飽呀另外呢度既撈檬都唔錯, 配料都好足, 撈既甜酸汁係每位客人有一枝, 有蓋都好貼心, 服務都唔錯

Mee...Lemongrass餐單提供泰國菜, 馬來西亞菜, 咖喱, 串燒, 沙律等推介美食位於火炭區，餐廳座位數未知人均消費約$51-100，結賬可以用現金，Booking訂位可以電話致電 26022023 查詢。

您對於火炭餐廳「Mee...Lemongrass」有何 comment？

Mee...Lemongrass餐廳詳細資料：

• Mee...Lemongrass地址:
  火炭駿景路1號駿景廣場地下G92-G93號舖
  Mee...Lemongrass, Shop G92-93, G/ F, Plaza Ascot,1 Tsun King Road, Fo Tan
• Mee...Lemongrass電話: 26022023
• Mee...Lemongrass價錢: $51-100
• 分類: 泰國菜, 馬來西亞菜, 咖喱, 串燒, 沙律
• 座位: 未知
• 付款: 現金
• FB專頁: Mee...Lemongrass Facebook

更多Mee...Lemongrass相關資料:

• Mee...Lemongrass分店
• Youtube
• Facebook
• Twitter
• Google