麵軒 灣仔

麵軒 評價 相片

今日朝早返工時, 因為上左到灣仔架車war! 所以又去左麵軒買外賣早餐返公司食, 唔知係咪由於飲得太多佢既金香奶茶,開始覺得有d厭, 所以今朝叫左個同樣係手撕雞通粉配熱o既蜂蜜綠茶既外賣速遞快線餐。

先講杯熱o既蜂蜜綠茶, 蜂蜜味道唔係太明顯, 整體來說, 味道跟某某品牌既蜂蜜綠茶都係差唔多je。

至於手撕雞通粉呢, 我覺得今日個湯底稍稍咸左d, 不過d雞絲份量跟之前食既都差不多。

都係我既早餐之選^^16蚊就可以買到早餐!抵到振!

曾經於幾年前試過灣仔另一分店的午餐，水準一般，今次試吓這間的早餐。

食物：牛展、手撕雞絲米線：牛展好咸；手撕雞是切的，不是手撕就唔好寫是手撕啦，好咸；米線份量相對較小，尚算滑，好咸；湯底超級勁咸，我只是於吃米線時不小心飲了少少，已經頂唔順啦熱茉香奶茶：無茶味，奶味太重，茉香味太假，勁甜餐牌：收據：服務：有兩位侍應於顧客面前追逐、嬉戲，這是遊樂場？環境：普通，無特別後記：吃完早餐後，整個早上都要不停飲水，因為咸的味道存於口內，沒有散去。

我除了於吃早餐時，飲了一杯勁甜的奶茶外，之後飲了幾杯水、一杯較甜的蜜糖水、兩粒朱古力，才能散去口內的咸味，個湯底真是超級勁咸

其實對「麵軒」這間台式食店一向興趣不大，因這裡價錢一來不算便宜，二來食物也未算特別吸引，但見有團購網站推出以 $50買入價值 $100的優惠券，貪吃的我當然不會錯過慳得一蚊得一蚊的機會，也購入換領券到這灣仔分店試試。

其實約了老公到這裡吃飯的當天，身體着實有點不適，不過既然約好了，也不想左改右改，所以點吃食物重責全交由老公負責，未知是否這樣，吃完這餐後竟病足三日，還要打針吃藥，真是得不償失。

頂級牛肉酥雞丼飯 ($47) 這個飯的牛肉和炸雞份量也不少，基本上連埋西蘭花、椰菜花和紅蘿蔔等配菜已把飯面全覆蓋著，而肥牛是薄切的，與吉野家的質素相若，稱得上嫩滑鬆軟。

至於酥雞是椒鹽的，既脆又香，很容易送飯，只是略嫌炸得較乾，比起台灣的大塊雞扒始終差一皮，後來發覺原來這個飯是今餐最好吃的了。

越式絲網春卷 (+$8) 這個春卷所用的春卷皮有別於慣常所見的，它的面頭呈絲網狀，至於餡料就只是一些簡單的肉絲和菜絲，味道本來是不錯的，可惜個春卷皮做得實在有點過硬，欠缺了鬆脆口感，加上咬落都幾油，故雖然只得兩條，食完感覺滿口油膩。

芝士焗餃子 (+$10) 其實這個只是普通的日式煎餃子，再在面頭淋上芝士醬，餃子望落都幾飽滿，內裡餡料亦都是豬肉同小小菜，味道不過不失，可惜廚子在煎餃子時做得有點過火，故入口不單止沒有脆口感覺，而且還十分之油膩，面頭的芝士味也不夠濃，食味真的很一般。

避風塘香脆炸豆腐 (+8) 這個脆炸豆腐等了超耐才送上檯，開頭還以為漏了單，服務員放下這碟豆腐時，還挺熱辣的。

以為這個價錢只會得幾粒，點知嚟到咁大碟，相當抵吃。

從外表睇，豆腐的炸粉上得較厚，外皮雖然頗脆，而且內裡都幾嫩滑，不過總覺欠缺了點豆香，而且味道淡咗啲，最大敗筆同樣是油膩感很重。

朱古力雪香 (+$3) 身為朱古力怪，當然不會放過同朱古力有關的飲品，不過這杯飲品除了夠凍之外，朱古力唔夠重手，味道唔夠濃郁，早知飲珍珠奶茶好過，起碼有珍珠咬吓，這個屬失敗之作。

黃金蝦球 ($24) 這個小吃其實只是麵包粒炸蝦球，不要誤會黃金是甚麼蛋黃醬，只是蝦球炸得色澤金黃，幸好蝦肉都幾爽口，不過又係口感非常重油膱味，吃完滿是飽滯感。

這次未知是否本人有點病，加上老公點了一大堆油炸食品，吃得我滿不是味兒，連老公都話那些炸物太過油膩，看來如果再訪也只試那些得獎菜式好了。

其實麵軒全盛時期有接近 20間分店，現在分佈全港則只剩 7 間，而且這類加盟店未必間間都能保持一樣水準，不過這灣仔分店的食品質素絕對有待改善。

好彩這次用了優惠券，這餐只是 $50 埋單。

上回講到一杯好甜既藍梅珍珠突然約咗朋友食飯又想飲嘢之際...就唸起麵軒己經有一段日子沒吃了,原因是地方不太方便..二來係因為現今太多台式飲品賣, 價錢亦相宜亦不需在這兒享用了不過因為想飲番藍梅珍珠既原故,故選了這兒 芳香排拉面, 這個面質是偏身呈透明狀,面質不錯, 芳香排骨微辣,肉質亦不錯湯底呈奶白色加入白胡椒,味道更棒藍梅珍珠 味道真的很好, 珍珠是細細粒,咬感不錯,藍梅奶茶調得不錯,味道香又不太甜,good 鴨空沙律 另加10元,味道就一般la, 勝在用bb沙律醬, 都ok 可接受既

麵軒都幾好笑,我同同事食食下碗麵,個經理突然走過嚟,話想係我地個位後面個櫃拎少少嘢,叫我地出一出嚟,食食下俾人叫行出嚟已經唔多老嚟,我同事問佢係咪好急住要,個經理話係,咁我地唯有行出嚟啦;頂!個經理拎既原來係紙皮箱,拎左五個紙皮盒出嚟,揚起哂啲塵,我同事超不滿話佢有無搞錯,啲塵跌哂落碗嘢度仲使食既?個經理淨係識講唔好意思...我同事嬲到唔想食落去,埋單去收銀度投訴,個收銀都淨係識講唔好意思同俾個九折我地,講真,我地唔係為你個九折而嘈;個經理處理手法都有問題,你要拎嘢得,後面有位,你咪幫我地搬哂啲嘢去第2張枱度食都OK;以為你咁急係拎食材而行出嚟,點知原來係拎紙皮箱,你間嘢係食肆嚟架,講唔講衞生架?!倒轉你食緊飯我走嚟吸塵,你仲會唔會食得落?

麵軒餐單提供台灣菜, 粉麵, 米線等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「麵軒」有何 comment？

麵軒餐廳詳細資料：

• 麵軒地址:
  灣仔軒尼詩道302-308號集成中心地下G3號舖
  Mian Cafe, Shop G3, G/ F, C C Wu Building.302-308 Hennessy Road,, Wan Chai
• 麵軒電話:  
• 麵軒價錢: $50以下
• 分類: 台灣菜, 粉麵, 米線
• 座位: 未知
• 付款: 現金
• FB專頁: 麵軒 Facebook

更多麵軒相關資料:

• 麵軒分店
• Youtube
• Facebook
• Twitter
• Google