香港醫學會會所 灣仔

香港醫學會會所 評價 相片

疫情下番工中午同同事外出吃飯我哋都比較揀擇，唔想太多人要等位，最好有得訂位，枱與枱之間距離要合格，食物質素唔好太差啦，地方要乾淨。

醫學會會所我同飯腳就好滿意。

餐廳會將兩星期餐單放上醫學會網頁，一目了然。

我哋就習慣今個星期訂定下星期嘅位，因為枱比較少。

每日有三餸一湯，我覺得佢哋啲餸有屋企feel，個湯日日唔同，應該唔係千年湯，不過唔會太熱，呢様希望佢哋可以改善下，湯要夠熱先好飲。

我最鍾意佢地蓮藕炆腩仔同蘿蔔牛腩，蒸三色蛋都好正👍🏻服務方面，有啲似朋友咁，因為一星期見至少一次。

價錢方面$65一位，四位起，我覺得超值👍🏻

唔係朋友係會員帶我地來都唔知呢度有個會所，灣仔雖然多嘢食，但都總會有唔知食乜嘅時候，朋友見我地諗得咁辛苦，就提議我地過來食，原因係呢度係set 好晒，又唔使諗，啱晒我地呢啲選擇困難症人士！😅😅😂😂😂😜😜朋友沿路行過來，一邊行一邊book位，而且仲睇埋食今日menu , 枝竹冬瓜火腩，瑤柱肉鬆菜脯蛋同脆皮五香素鴨，再加上蓮藕章魚排骨湯，$65/位，仲要無加一，好好食咁喎！😂😂👍🏻👍🏻一去到地方都幾大，又唔多人，都坐得幾舒服，除咗有壺茶外，仲有壺竹庶矛根，幾好飲！一來先上湯，勁大兜又足料，而且無味精幾好飲！👍🏻👍🏻👍🏻 再來係素鴨，原本我以為會點醋，但佢有無俾我地，但食落口其實又夠晒味，幾好食！再來係菜脯蛋，我本身唔係咁鍾意食菜脯，但佢唔係有好多，所以在我來講可以接受到，而且蛋又炒得幾香，份量都幾多！因為我地太遲book, 所以個枝竹冬瓜火腩最後無晒，不過來在個椒鹽骨，我覺得幾好食，不過有少少肥左，同黐肉，但總體來講係okay 的，幾香口！呢度暫時無乜人知，拎位易啲，你知呢，灣仔食飯時間好寶貴，下次又可以過來試下其他嘢食！👍🏻👍🏻👍🏻提提你！呢度淨係card only ~~🤣🤣

會所餐廳每日有三餸一湯套餐，$65一位，最少四位，今日集齊四人去食。

因為好多客人不用返工，取消訂枱，所以冇例湯，改了粟米羹，有一大湯碗，味道可以。

今日有節瓜粉絲蝦米，正常味道。

豆豉雞就一般，之前吃的瑞士雞翼好味D。

另咸蛋蒸肉餅唔夠實，下次應該會改左衣個餸。

灣仔衣個價位午餐唔太多，算抵食。

之前發現咗香港醫學會餐廳好好味就一直等佢個餐牌轉係海底椰排骨湯嘅時候就同啲同事去食因為個海底椰排骨湯好好味一班同事去通常都係要套餐六個人就可以揀四款餸再加多半隻脆皮炸雞 每碟餸個份量都好足夠 椒鹽鮮魷夠香脆 咸魚蒸肉餅上面有一大塊鹹魚而果塊鹹魚係超級鹹 脆皮炸雞個皮都真係脆啲雞肉都算嫩滑 不過沙爹金菇肥牛煲就一般 肥牛唔算太多 嗰汁嘅味道唔係特別好味 每次食完都會好飽 好味嗰個湯係冇得添㗎 佢係預得啱啱好份量 想再飲就要下次再去食過啦

以為灣仔溫莎公爵社會服務大廈只係上堂，不過原來呢度係有飯食㗎。

如果唔係有人介紹真係唔會知道原來5樓香港醫學會會所係一間餐廳😂平時經過以為係醫生先去得嘅地方，原來唔係醫生都可以去食飯㗎!不過，一定要預早book枱，連餸都要預早一日落order，而且只限會員，但會員係可以即場登記，唔係醫生都可以做會員。

午市有幾款超值套餐，今日叫咗一個12人套餐，包括足料明火例湯、脆皮生炸雞、加另外六款餸$1310，全部都好大份，而且好好味。

香港醫學會會所餐單提供粵菜, 廣東, 中菜館等推介美食位於灣仔區，餐廳座位數80人均消費約$50以下，結賬可以用Visa,Master，Booking訂位可以電話致電 25278324 查詢。

您對於灣仔餐廳「香港醫學會會所」有何 comment？

香港醫學會會所餐廳詳細資料：

• 香港醫學會會所地址:
  灣仔軒尼詩道15號溫莎公爵社會服務大廈5字樓
  The Hong Kong Medical Associate Club House, 5/ F, Dukeof Windsor Social Services Building,15 Hennessy Road, Wan Chai
• 香港醫學會會所電話: 25278324
• 香港醫學會會所價錢: $50以下
• 分類: 粵菜, 廣東, 中菜館
• 座位: 80
• 付款: Visa,Master
• FB專頁: 香港醫學會會所 Facebook

更多香港醫學會會所相關資料:

• 香港醫學會會所分店
• Youtube
• Facebook
• Twitter
• Google