雲南桂林過橋米線 灣仔

雲南桂林過橋米線 評價 相片

呢間專門店我自己食過 荃灣 屯門 葵芳 旺角 尖沙咀 & 灣仔.荃灣總店D味就最好. 之前覺得灣仔都唔錯, 但係頭先lunch 去食, 真係有驚...但無喜, 因為我order 左 腩肉 + 肉醬 + 炸菜 小鍋. 碗野上到黎, 我真係唔用放大鏡都見唔到D腩肉同炸菜, D 米線份量又少左1/3, 攪下佢以為的配料係底到又唔覺有. 食左幾淡望下佢收我幾錢 32蚊.. 真係覺得好無奈, 腩肉我當你豬肉貴唔比得多都算, 連炸菜都係得510粒(我用粒係因為佢切到細個1毫仔). 食完即刻覺得肚餓, 望下其他人碗野, 份量都明顯少過之前. 可能食既都係OL多, 但係收得32蚊食齊米線, 咁我不如行遠D食華南雙拼好過.希望D老闆睇到會改善下啦

同事日日都想食南記，但係南記日日都full，佢係無奈之下黎左呢間食米線其實我一直唔知小鍋米線係Ｄ咩，而家先知道原來係淨米線，呢度可以揀辣同上湯，受過上次阿糊的教訓，今次我連小辣都唔敢要，就要左上湯，但係有左酸菜，所以上湯都係酸酸地，勝在唔咸，我OK滿意同事的麻辣米線好似真係幾辣，佢食到猛流鼻水我揀左墨魚頭小鍋米線，食完我都係唔明墨魚同墨魚頭的分別在哪裏，只係覺得比較爽口彈牙，但係唔特別好食～米線唔彈牙，不過都係港式米線的通病，我都係無比懷念北京的米線＋＄６要凍啡少甜，佢的少甜係苦，我飲左一半就放棄左味道還可，但服務很差，我地都未坐落就追我地落order，我地話睇下先佢就俾面色我地睇，好過份睇黎係午市唔憂做囉

原本想去大婆牛肉麵, 但見她們好像下午落場無做生意, 所以幫襯了雲南桂林過橋米線。

下午茶時間飲品特價只需+$2, 我點了小鍋米線小辣加三個餸腐竹、腩肉和豬小肚和凍檸茶。

因為好耐無吃過雲南桂林過橋米線, 所以滿心歡喜地期待她美味的酸辣米線, 可是來到時看見又有點失望, 與過往有點出入, 湯底色深且濁, 三餸份量又少得可憐, 腐竹、腩肉和豬小肚全是零零碎碎的, 光是找都有點難度, 米線也煮得過腍。

慶幸味道還可以, 夠酸夠辣, 要不然真的會給個喊面, 但好吃程度還是比在佐敦分店吃的相差好遠, 灣仔這店應該都沒有下次了。

豬軟骨拉麵豬軟骨唔好食, d骨都幾硬，ｄ肉又幾＂鞋＂...而且成碗麵都幾油 我fd叫左小鍋米線(小辣)佢話勁辣, 辣到成碗都食唔晒...但就話其實係幾好食不過我見佢真係食得好辛苦, 要不停飲水

又係一個臨別秋波嘅食評, 一兜友突然間好想食米線, 喺揀無可揀嘅情況下就再黎呢間兵食店, 坦白講師傅對呢間食店真係一般, 不過想食所以冇計啦!入到去店鋪真係幾細, 一坐底後即刻睇下有咩好食, 最後都係揀左炸醬, 大腸同埋龍蝦丸, 而湯底師傅今次要左麻辣!等左一陣就有得食, 先試下個湯底, 麻辣味道都幾惹味, 加上要左中辣, 所以都食到鼻水都流埋, 勁失儀; 再試下炸醬, 味道麻麻, 偏咸唔多好味; 大腸就炆得幾腍, 但口感都係一般, 可以啦; 龍蝦丸就有兩粒, 都幾香幾爽口, 但算合格, 皆因帶少少硬; 而芽菜好爽口, 酸菜就唔多好味, 而米線就煮得腍左少少, 口感差!總括黎講食物質素普普通通, 環境一般, 服務都入算合格, 價錢又唔算好貴, 廿蚊一碗, 每個餸再加四蚊, 埋單三十二元正, 可以啦; 呢碗米線都幾辣,所以食到一半已經冇心機再食喇, 當師傅投降啦! 下次一定唔會再黎啦, 皆因師傅已經離開左呢個環頭啦, 笑臉就真係比唔到喇!

雲南桂林過橋米線餐單提供滇菜, 雲南等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「雲南桂林過橋米線」有何 comment？

雲南桂林過橋米線餐廳詳細資料：

• 雲南桂林過橋米線地址:
  灣仔克街6號廣生行B座3號
  雲南桂林過橋米線,  
• 雲南桂林過橋米線電話:  
• 雲南桂林過橋米線價錢: $50以下
• 分類: 滇菜, 雲南
• 座位: 未知
• 付款: 現金
• FB專頁: 雲南桂林過橋米線 Facebook

更多雲南桂林過橋米線相關資料:

• 雲南桂林過橋米線分店
• Youtube
• Facebook
• Twitter
• Google