豪華咖啡茶廳 灣仔
最後更新:
豪華咖啡茶廳推介
經過見到懷舊餐廳已經覺得好有興趣，所以搵日去試下門面好有懷舊既風格，入到去幾寧靜，不過坐就係普通圓櫈，唔係太舒服原來餐廳分店起隔離，兩邊唔同風格蛋牛治好足料，好食沙嗲牛肉通粉好好食，食物黎得幾快餐牌都係單點，如果佢有餐就好，食物唔貴，但如果單點飲品就覺得唔抵，有好多飲品都係其他餐廳冇既，下次再嚟試下d野飲先
灣仔豪華咖啡茶廳
| 餐廳分店 | 豪華咖啡茶廳 |
|---|---|
| 地區 | 灣仔 |
| 電話訂位 | 25743069 |
| 餐單 Menu | 港式, 茶餐廳, 冰室 |
| 人氣指數 | 952 |
| 價錢幾錢 | $50以下 |
豪華咖啡茶廳訂位位於灣仔區，詳細地址是灣仔茂羅街1-11號動漫基地地下A舖，餐廳寬敞座位數目共有未知幾多個。豪華咖啡茶廳幾錢？價錢優惠後人均消費大約$50以下埋單，早餐午餐晚餐豪華咖啡茶廳餐單包括有港式, 茶餐廳, 冰室等美食，付款方式有AlipayHK,支付寶,現金付款，Booking網上訂位可以電話致電 25743069 查詢訂座。
豪華咖啡茶廳優惠
豪華咖啡茶廳 評價 相片
經過見到懷舊餐廳已經覺得好有興趣，所以搵日去試下門面好有懷舊既風格，入到去幾寧靜，不過坐就係普通圓櫈，唔係太舒服原來餐廳分店起隔離，兩邊唔同風格蛋牛治好足料，好食沙嗲牛肉通粉好好食，食物黎得幾快餐牌都係單點，如果佢有餐就好，食物唔貴，但如果單點飲品就覺得唔抵，有好多飲品都係其他餐廳冇既，下次再嚟試下d野飲先
最近無乜特別搞作，只係近近哋行下。
星期日好多餐廳都唔開😖，所以見有邊間開就去幫襯喇。
喺動漫基地條街，朋友話想食茶記，但又驚我嫌唔好坐🙄。
不過諗咗陣嘅期間見左右兩間舖，原來係同一個名「豪華咖啡茶廳」，而且店員兩邊走，就知其實係新舊舖相連而已。
我感覺動漫基地嗰面環境好似會好啲，所以就去咗左舖🙈。
但其實入到去除咗大廈本身嘅紅磚牆外，裝修都係非常一般，同普通茶記無異，即係有啲夾迫，擺滿貨咁囉😒。
不過由於疫情關係，我相信座位已經比以前闊落，而且每張枱都放有隔板，同其他客人有一定距離。
朋友話佢以前成日食，但我就從來無食過。
望見餐牌，餐牌的確係賣茶餐廳食品，不過就係簡約版，食物主要係各式各樣嘅麵包同埋簡單麵食，適合做早餐嘅東西。
如果想食甚麼蒸飯小炒，就要稍移玉步➡️。
呢度不設套餐，所有嘢飲都要單點。
飲品嘅價錢大部份都貴過食物，咁樣係咪間接反映香港人有幾愛茶記嘢飲呢🇭🇰？不過如果好似我呢啲可以唔飲嘅人嚟講，消費更加係抵上加抵。
食物稱得上價廉物美☺️，賣相平實，味道就係傳統港式滋味，同令人反感嘅劣質茶記出品相反。
沙嗲牛肉通粉($23)，通粉份量幾多，🐮牛肉有唔少片，仲搭多條菜芯。
通粉本身就係無坑紋加無彈性嗰種，幸好食落亦唔算太淋。
不過重點係個沙嗲汁，味道濃郁，夠鹹夠辣🤤，配通粉食就最好不過，因為可以順便啜埋啲湯。
牛肉就有少許令人失望，估計應該係用鬆肉粉淹得太勁，所以肉質毫無纖維感，瞌埋眼食就會唔知自己食緊乜👎🏻。
蛋牛治($16)，我自己一個食就唔會嗌，因為對咸牛肉冇乜興趣，而且之前食過成吋厚嗰啲覺得唔好食。
不過豪華呢件唔同，🍳蛋牛層好薄，甚至薄過塊麵包，但正因為咁，蛋層煎得好香，更帶少少脆邊，碎牛亦變得無咁乾身，好好食。
同時，而家蛋牛同麵包嘅比例啱啱好👌，咁先係「蛋牛」「治」，唔會將麵包本身蓋過。
鮮奶包($11)，烘底唔使加錢，其實嗌佢係因為我唔知係乜嚟… 想試吓。
介紹返呢度嘅製法係用厚麵包界開，再放入鮮牛油🧈同煉奶🥛，所以做到外脆內軟嘅效果兼且唔乾身，煉奶亦唔會滴晒出嚟。
鮮牛油係指一片較為硬身兼厚身嘅「真牛油」，主要「夾」喺麵包入面，而唔係塗上去嗰種「馬芝蓮」。
🍞鮮奶包好甜好好味，而且牛油比足大大件，唔會慳皮，唔怕邪惡嘅絕對值得一試。
熱奶茶($16)，呢杯係朋友點嘅，我當然偷飲一啖。
☕️奶茶係熱辣辣沖嘅，但茶底唔靚，所以澀到一個點，完全唔合格。
我希望係個別出品啦，如果唔係都幾趕客❌。
總括嚟講，今餐係一個幾特別嘅體驗，我好鍾意食嘢，但茶記真係比較少食，佢絕對係地道茶檔嘅代表。
呢度嘅出品好味道😋，係未到驚艷嘅程度，所以用平民美食嚟形容佢最適合不過。
連我呢個一年食足二百日媽媽牌三文治做早餐嘅人，都覺得啲麵包好食，實在難得👍。
價錢方面，就好似我上述所講只能單點，但其實自己組合返一個常餐都係同出邊差唔多價。
最後，分享埋餐廳少少背景，其實佢已經經營咗好多年，可算係歷史悠久。
餐廳更係門口貼出一張應該超過三十年歷史嘅餐牌😳，店員姐姐仲問我哋識唔識睇當年賣幾錢，哈哈，當然難唔到我朋友。
講起服務，你會以為佢哋無乜禮貌，但其實又唔係，只係老店當客人係街坊，就無咗層好拘謹嘅溝通模式🙏🏻。
本人長期喺灣仔返工,午膳時間就去一個位於茂蘿街既豪華咖啡茶廳醫肚,平時都有去開呢間茶記,貪佢人流唔多,午膳時間行入去都即刻有位,而且佢地上菜速度又夠快,十分有效率。
佢地有兩間舖,一間本舖,一間位於動漫基地地下,兩者分別唔大,而且仲係隔離,動漫基地果間較為新淨企理,但係本舖冷氣夠d。
叫左個沙嗲牛肉+碎牛肉米粉+一杯凍檸茶,佢冇午餐,所有食品飲品要散嗌,加埋約50蚊,唔算好貴,食物質素唔可以要求太高,普普通通啦,沙嗲牛肉腌得幾入味,碎牛肉都唔差,另外,佢沖既凍檸茶幾岩我口味喎,茶底幾靚,甜度適中,其實睇佢色澤就知沖得唔錯架啦雖然呢間茶記供應既食品選擇唔多,而且相對簡單,但勝在地方就腳,價錢合理,又充滿懷舊既老香港冰室味道,有時亦見到食客會同侍應傾下計,整體黎講都不失為一個可以休閒咁享用午膳既好地方！
前兩日大食妹同同事去左豪華食晏之前係 OpenRice見到佢嘅紅磗牆, 就決定過黎打下卡<沙嗲牛肉煎蛋出前一丁>大食妹嗌左一份沙嗲牛肉煎蛋出前一丁沙嗲汁好多, cover曬啲牛肉同出前一丁但應該係落得太多梳打粉, 牛肉口感過滑, 唔似牛肉煎蛋得蛋白, 無左個蛋黃出前一丁就中規中矩<餐肉煎蛋麵(轉通粉)>餐肉煎蛋通粉份量比較多, 有兩片餐肉、煎蛋同菜心, 先至20蚊以灣仔嘅價位黎講可以算好平餐廳座位好闊落, 而且通風, 雖然嘢食味道一般, 但糧尾過嚟食都幾唔錯
住在灣仔的朋友，一定會知道呢間《豪華咖啡茶廳》，屹立在灣仔都已經有很久的時間而在這間老字號的旁邊開了間一模一樣的茶廳，是同一分店，菜式飲品都一樣，不同的是裝潢同坐得比較舒服今天在附近逛完街，想休息下嘆返杯咖啡，立刻想起這裡，咖啡香濃，奶茶香滑，很喜歡這裡的老牌飲品當日有職員介紹我食煎豬扒，話包我食到舐舐脷豬扒就咁煎，不是好像吉列豬扒般炸完非常乾，食落Juicy，果然冇介紹錯開心嘆左個非常滿意的下午茶!
豪華咖啡茶廳餐單提供港式, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 25743069 查詢。
您對於灣仔餐廳「豪華咖啡茶廳」有何 comment？
豪華咖啡茶廳餐廳詳細資料：
- 豪華咖啡茶廳地址: 灣仔茂羅街1-11號動漫基地地下A舖 豪華咖啡茶廳, Shop A, G/ F, Comix Home Base,1-11 Mallory Street, Wan Chai
- 豪華咖啡茶廳電話: 25743069
- 豪華咖啡茶廳價錢: $50以下
- 分類: 港式, 茶餐廳, 冰室
- 座位: 未知
- 付款: AlipayHK,支付寶,現金
- FB專頁: 豪華咖啡茶廳 Facebook
更多豪華咖啡茶廳相關資料:
香港餐廳2026推介9月