美味天皇 灣仔

美味天皇 評價 相片

星期六中午時間，三個人，點了午餐，包甜品及飲品，另點了薯條及三文治。

差不多食完碟飯，叫侍應上甜品（啫喱），叫左幾次都無人理，到最後食完碟飯，追了好幾次先有人上，仲要唔係即時，只係隔離枱上甜品順便上埋比我地，但啫喱只剩返一個，侍應毫不猶豫就比左個啫喱隔離枱，到我地問佢時，答：只係剩返 Terimisu，我小朋友等左咁耐嘅啫喱只換來一個Terimisu，完全無顧及顧客感受，所以我決定以後都唔會再光顧，免得受氣。

🌟睇佢外觀我一直以為佢係一間茶餐廳，點知佢係一間茶餐廳文化既西餐廳。

西式既餐佢有，再加埋佢大件夾抵食既茶記文化，都吸引左唔少客源，再加埋免費飛既甜品，難怪門口經常有一大堆客等位。

🥩蒜蓉汁煎雞扒配薯菜 $56😋超級厚切嘅雞扒仲要有兩塊咁多，對我一個女仔來講超級夠飽，雞扒煎到好香口，雖然係有少少焦邊，但係都可以接受到嘅。

其中一樣餐廳嘅特色就係佢所配嘅薯菜係薯格！而且係好好食嘅薯格，份量亦都唔少所以令到鍾意食薯格既我超級滿足。

佢超級加分嘅地方就係跟餐有甜品送！雖然係免費甜品但係都質素唔差，通常有日式芝士蛋糕、木糠布甸、提拉米蘇、椰汁糕……等等。

整體： 🌟🌟🌟🌟

食肉獸又出動啦大日晏就想食港式扒, 但lunch食鐵板又唔係咁合適, 啲衫會有陣味之餘, 仲要到夜晚收工先有得沖涼於是同事就propose食另一間灣仔飯堂美味天皇雖然我哋去果日落雨, 但依然有好多人等位成間餐廳都係滿滿嘅人, 超有人氣美味天皇嘅座位唔闊落, 整體環境都算唔上好乾淨, 究竟有咩魅力令咁多人蜂擁而至呢? 大食妹一於為大家試一試味<肉眼牛扒黑椒汁配薯菜>大食妹嗌左份經典嘅肉眼牛扒黑椒汁配薯菜美味天皇嘅薯菜係薯格如果唔鍾意都可以免費轉飯或意粉, 沙律就要加5蚊肉眼牛扒好大一塊雖然係港式扒, 但粉嘅感覺唔強烈, 肥瘦適中, 煎得窿窿地恰到好處仲淋上左大量黑椒汁, 有夠豪氣, 我欣賞黑椒汁唔算好辣, 但足夠濃郁薯格都好脆, 份量唔少, 大食妹食就啱啱好大食嘅朋友可以upgrade加大薯格除左主食同野飲, 套餐仲有跟是日甜品大食妹食果日可以揀芝士蛋糕或提拉米蘇, 大食妹就揀左提拉米蘇呢個提拉米蘇味道就比較一般, 但有得食總係開心嘅

今次去咗依間餐廳買外賣。

之前都有食過幾次。

覺得好大方。

因為啲餸好多有啲餐廳食咗兩啖飯啲餸就無晒。

依間啱晒肚餓想食飽飽嘅Mingorr。

叫咗個蒜蓉汁雞排飯。

五塊雞排。

嘩。

大方到咁一塊大。

三塊中。

一塊細。

啖啖肉。

就咁食排都飽。

味道有茶餐廳水準啦。

一大盒飯。

食完飽到上心口。

仲有甜品。

真係唔係間間茶餐廳都有。

普通芝士蛋糕。

普普通通。

飲品都算大杯。

茶餐廳奶茶水準。

總結係想食得好飽係絕對嘅選擇。

食物質素符合資格。

依排仲有外賣優惠添。

夠抵食

喺灣仔平日要搵嘢食，真係有少少難今日本身想去食旺記，但係旺記一如以往多人到嘔，打工仔得個小小小小嘅時間，邊有可能食到，最後就去咗隔離嘅茶餐廳醫肚可能因為晏晝嘅關係，所以餐廳都係得四款食物揀，應該都係貪快，整四款出得快啲不過今日Fatbrown 咁啱都幾想鋸扒，所以都幾啱食<豬扒配薯格$56>分量唔算好多，兩舊豬扒再加一對薯格，不過都夠飽嘅醬汁份量唔野少，食完兩舊豬扒仲可以用來點薯格薯格卜卜脆，食完好滿足食飽之後仲有甜品食有Tiramisu 同埋椰汁紅豆糕簡，咪道唔好要求咁多啦

美味天皇餐單提供西式, 西餐廳等推介美食位於灣仔區，餐廳座位數50人均消費約$50以下，結賬可以用現金，Booking訂位可以電話致電 25272982 查詢。

您對於灣仔餐廳「美味天皇」有何 comment？

美味天皇餐廳詳細資料：

• 美味天皇地址:
  灣仔謝斐道148號地下A舖
  Tim&#039;s Kitchen, Shop A, G/ F,148 Jaffe Road, Wan Chai
• 美味天皇電話: 25272982
• 美味天皇價錢: $50以下
• 分類: 西式, 西餐廳
• 座位: 50
• 付款: 現金
• FB專頁: 美味天皇 Facebook

更多美味天皇相關資料:

• 美味天皇分店
• Youtube
• Facebook
• Twitter
• Google