福興燒味餐廳小廚 灣仔

福興燒味餐廳小廚 評價 相片

放棄了屋企的溫暖早餐，走到福興買個早餐外賣返公司食。

睇左餐牌好耐，眼花撩亂之下揀個公仔麵早餐，要牛扒蛋公仔麵和飲鮮奶。

心目中茶記的公仔麵應是好正，打開蓋會有香噴噴既感覺。

點知...唉!只是浸著水的白白的公仔麵，麻油和麵的調味粉竟是分開上，馬虎到極。

牛扒雖夠淋，不過仍是淡淡的，雞蛋當然也唔會有驚喜。

現成鮮奶也不用多評。

咁基本既食物就做得唔好，唔通呢度除左沙薑雞之外，其他野就一概唔掂？

突然很想吃沙薑雞，最好是用Openrice的新功能「食評搜尋」，很快便找到了離家不遠的福興有沙薑雞賣，昨晚一於去開餐。

一進去印象不太好，尤其是地上，四處都是垃圾，周圍都有不潔的感覺（扣分），算啦，叫東西吃。

是晚不想吃飯，想吃湯粉麵，見餐牌上有叉燒或油雞粉麵等，我就叫沙薑雞河粉，但侍應說沙薑雞沒有粉麵，只可叫$35的沙薑雞飯套餐，真的很想問她為什麼（扣分），又算啦，飯就飯啦，加$2要凍鴛鴦，另外叫了一個芝士火腿飛碟套餐（$20），加$2要凍檸茶。

首先上飲品，不錯，跟著來沙薑雞飯，飯和雞分開上，沙薑汁已淋在碟雞上，我又貪心，要多一碟沙薑醬，試一件沾了醬的雞，好好味，雞肉很嫩（加分），兩人share碗飯吃了很久，芝士火腿飛碟仍未到，要追問侍應才姍姍來遲（扣分），芝士夾在麵飽內烤，溶了在飛碟內，加上火腿，很美味（加分）。

如是這扣分加分，又一餐，想了很久都不知給「笑臉」好還是「哭臉「」好，都是給個「OK」算了吧。

下午三時許有下午茶供應，我叫了個腿蛋治加凍檸茶小甜﹝$22﹞。

腿蛋治本來是十分普通的茶餐廳小食，但我不得不讚揚那片夾在三文治中的炒蛋。

炒蛋熱騰騰而香噴噴，嫩滑的黃色配白色有10mm的厚度，可說是色香味俱全。

下次想吃蛋治的時候我會再光臨。

If working overtime, this would be my ideal place. many taxi driver would stay here to eat.1.沙薑雞飯:8分,$35 regular size with rice, chicken is tasty. I tried this 沙薑雞many times, and it is still satisfactory.2.燒鵝瀨:6分, last nite arriving after 11 p.m., so I ordered 燒鵝瀨special at $20. decent but not really good.

昨晚足總杯決賽,係兩大死對頭兵工廠同紅魔鬼之生死決,好多人都想睇,奈何馬會無直播,所以好多人都設法搵有得睇直播的食肆,而自己一早已有心水,就係在呢度邊食晚飯邊睇波.晚上9:45去到,見門口已塞了一大班人,心知不妙,幸好自己一條冷,才勉強搭到,本來王小虎叫我幫佢搵位,但樓面已擠得水洩不通,只好作罷. 坐低睇左一陣餐牌都未諗到食乜,後來見同的蒸鱸魚賣相唔錯,而自己呢排少食蒸魚,咁又係是晚特價套餐,於是又叫番個試試.個餐$35,包白飯一碗,例湯或熱飲,凍飲加$2,由於實在太多人,仲要係蒸魚,所以足足等左成20分鐘先上,幸好有杯凍啡頂住先.條魚幾大條,都有成8兩重,份量夠兩人同吃,味道幾鮮,只有少許草味,但略為蒸得過火,變得無咁滑,而個豉油鹹甜適中,可帶出條魚的鮮味.p.s.其實我之前都黎過幾次,燒味水準合格,但個人更推介呢度的小菜,選擇多,味道亦不俗題外話:邊食飯邊睇波,比賽中兩隊互有攻守,快上快落,眼見曼聯攻勢超多又到肉,但攻極都唔入,幾乎令自己心臟病發(真係唔講得笑!)最終踢足120分鐘,到互射十二碼時不幸落敗,無不令人心痛.一句講晒,呢場係我今年所睇過最精彩的球賽!

福興燒味餐廳小廚餐單提供港式, 茶餐廳, 冰室等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「福興燒味餐廳小廚」有何 comment？

福興燒味餐廳小廚餐廳詳細資料：

• 福興燒味餐廳小廚地址:
  灣仔莊士敦道188號地下
  福興燒味餐廳小廚,  
• 福興燒味餐廳小廚電話:  
• 福興燒味餐廳小廚價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 福興燒味餐廳小廚 Facebook

更多福興燒味餐廳小廚相關資料:

• 福興燒味餐廳小廚分店
• Youtube
• Facebook
• Twitter
• Google