新寶石餐廳 灣仔

新寶石餐廳 評價 相片

公司有人請食下午茶,叫左個焗吞拿魚卷餐,有兩件卷,個皮好似包,但係好脆,唔錯,裡面都有唔少吞拿魚,味道ok,不過乾左少少,連的汁都乾埋,個汁其實有點怪,少少似蛋黃醬,食落味道唔算好好...包埋飲品$20,ok啦!

晚上七點幾去到，正望著餐條看看有什麼好吃，一位staff有禮貌地向我說廚房快要收工，要order就要爽手點。

那我就是但點了什肉湯烏冬，加杯凍檸茶，盛惠$27。

廿幾蚊貨仔，估計佢都係只有幾片肉，誰知我完全錯晒。

全隻雞蛋、獅子狗、金菇菜、菜心、叉燒、肥牛、午餐肉等等應有盡有，單是賣相是令我驚喜不已。

味道總體來說不錯，只有菜心較硬，其餘都做到基本的要求；想不到檸茶也能合我心意，廿幾蚊既呢一餐認真超值。

員工雖不是快手快腳，服務超卓。

但就禮貌周周，也算是不錯了！

3月10日15:30太座北上到我宿舍視察，回到灣仔才知肚餓。

分別要了沙嗲牛米線和扎肉河沙嗲牛米線：牛淋而入味，沙嗲味不算突出。

扎肉河：扎肉香煎，香料味了出來。

齋啡：香濃，不帶酸和過分苦澀。

我要了壺內最後一杯咖啡，後來的女士要等10分鐘才有；因要再煲，用的咖啡壺幾古老，是兩層的金屬壺。

這店還有啦沙、秘制咖哩和香草羊腿供應。

最後太座外賣了咖哩牛肉意粉，咖哩牛肉和意粉分開包。

咖哩香而不算辣，牛肉絕非梳打一族，有咬口。

題外話：這店已改作快餐店，以賣為主。

前言: 今朝男朋友陪我去灣仔，佢話佢以前0係灣係做野既時候佢朝朝都會0黎呢間野外賣早餐既‧‧‧咁0岩我又未試過呢間野，所以就同佢去食喇!~佢叫既早餐係: 豬肉腸+ 茄汁豆+ 多士。

我食左少少豬肉腸同茄汁豆，本人覺得豬肉腸麻麻，而出奇地茄汁豆係熱既! 點解我會咁出奇?? 因為大定都會知道呢D 茄汁豆係用罐頭問嫁啦，咁我就以為佢會凍凍地又或者唔熱嫁嘛~~ 估唔到佢呢度係熱嫁喎~ ^^"我既早餐係: 北京水餃拉麵。

呢個拉麵等左好耐呀!! 佢地可能漏左單啦~ 不過我都冇催佢地。

大約20mins 之後佢地整完之後大大聲聲咁同我講"Sorry"。

錯唔緊要，最緊要係知錯。

佢地就做到喇!講返呢個拉麵喇~ 所謂既"北京水餃"，原來就係灣仔碼頭既白菜豬肉水餃，我以前出街都好怕食水餃既，因為我驚呢D 舖頭整既水餃會有好多"嚴西"、蔥、等等‧‧‧今日我唔知做咩事，突然間好想食水餃，所以就叫左呢個水餃拉麵喇!! 雖然呢度既水餃唔係佢地自己整既，但好好彩係我平時最鐘意食既白菜豬肉水餃，真係錯有錯著呀!!至於其他配料就有兩條菜心，同埋細細粒粒又咸咸地既伴菜啦(包裝蘑菇片，豬肉粒，榨菜絲，三文魚粒咁既野。

((三文魚粒好腥!!)) )雖然我鐘意食蘑菇片& 榨菜絲，但係因為有埋三文魚粒既關係‧‧‧我寧願唔要呢D 配料!!!!!!!!!PS.食緊野既時候有幾隻小蒼蠅向我say "hi"。

。

討厭!!!

此店最近番新，比以前企理。

"健康早餐"($20)有麥皮(自己落糖)、多士和烚/煎蛋，食物質素OK，而且真的很健康。

另加$4有一柸熱飲。

這裡的員工態度友善和細心，像我order了堂食早餐加一柸takeaway 奶茶，店員很醒目地表示奶茶於我吃完份早餐時才出，以免"灘"凍。

新寶石餐廳餐單提供港式, 快餐店等推介美食位於灣仔區，餐廳座位數25人均消費約$50以下，結賬可以用現金。

您對於灣仔餐廳「新寶石餐廳」有何 comment？

新寶石餐廳餐廳詳細資料：

• 新寶石餐廳地址:
  灣仔港灣道23號鷹君中心地下G3舖
  Jubilee Restaurant,  
• 新寶石餐廳電話:  
• 新寶石餐廳價錢: $50以下
• 分類: 港式, 快餐店
• 座位: 25
• 付款: 現金
• FB專頁: 新寶石餐廳 Facebook

更多新寶石餐廳相關資料:

• 新寶石餐廳分店
• Youtube
• Facebook
• Twitter
• Google