敏華冰廳 灣仔

敏華冰廳 評價 相片

成日午飯時間經過敏華冰廳，都見有人排隊，今日唔洗點排，決定去試吓，叫了佢個招牌黯然銷魂飯，其實即係叉燒蛋飯，本身鍾意食肥叉，所以覺得好味，叉燒燒到個邊有D燶，賣相吸引，但由於為了健康著想，我係會唔食個邊咬走佢，叉燒充滿醬汁，一咬D汁會嗶出來，唔會燒到好乾，將兩隻蛋篤穿，流D蛋汁出嚟用來撈飯，有D似食緊日式丼咁，成碗飯俾我食哂，服務也不錯，疫情期間有隔板遮住，好啱一個人去食飯，安全又有私隱，幾好，下次再食。

到左下午茶時間，見同朋友經灣仔行街，就不如來敏華食好嘢兼休息下，今次都係食番招牌食物，始終味道真係無得輸：1. 黯然叉燒飯常餐大致上個個都應該食過，不過我覺得灣仔分店啲叉燒特別好食和夠厚肉，所以我都係鍾意來到灣仔店先食叉燒飯常餐。

2. 馬來三叔公咖吔多士茶餐我啲朋友通常會走牛油食，個個都怕肥，但我還是堅持食埋塊牛油，因為佢個醬要連埋牛油一齊食先好味😋，而且個多士落左好多醬，好juice, 食完都會繼續食多塊。

餐廳服務員好好，整體來講好滿意。

近排因為新冠肺炎，真係少咗好多人出街食平時晏晝係灣仔區搵嘢食真係唔容易，間間都排晒長龍，而家啲鋪頭都少咗好多人但係呢間民華餐廳晏晝嘅時段依然見到有人龍，就證明有返一定嘅捧場客大食妹一於唔執輸，跟住排下隊，排緊隊嘅時候見到個餐牌其實都唔算平，心諗究竟有咩咁特別會吸引到啲人排隊<黯然叉燒飯$68>見到餐廳推介黯然叉燒飯，難得食一次一於試吓個飯一上枱見到嗰幾舊叉燒燒到紅噹噹，嗰邊仲要係脆嘅，即刻心心眼加埋兩隻煎到啱啱好嘅太陽蛋，賣相真係無得輸食暗然叉燒飯，一開始要吉穿兩隻蛋，蛋汁流落去飯度到再加埋秘製豉油，真係好好食貴就係貴左少少，但係間唔中食真係好正

今日1300入黎食晏。

一個人搭枱無問題。

坐對面位先生㩒緊手機。

看似坐左一段時間，仲以為佢食左hea緊。

等左大約5至10分鐘，我叫嘅煎蛋免治牛肉飯到嘅時候，呢位先生突然對侍應講：「人哋遲過我黎都有，我乜都冇！」我仲以為我好彩。

唔抵食就預左！碟飯細，我好快就食完，大約1330左右。

但我杯熱檸茶未到。

諗住食晏時間多人係耐少少。

於是乎等多10分鐘。

呢10分鐘內，對面位先生已經嘆緊熱熱奶茶，眼面侍應不停有凍奶茶、凍鮮奶、熱奶茶拎俾附近D枱。

於是我又問一問話爭杯熱檸茶，如是問左三次都未有。

最後一次，1340再不恥下問：「我爭杯熱檸茶，問左三次都未有，你哋係咪有乜野問題？」再等多兩分鐘，熱檸茶終於都出場！食茶餐廳有食法國菜享受。

招呼一流！！

係銅鑼灣開店時已幫襯，由於我住灣仔，見到灣仔開真係好開心!又多一個選擇!行過去就食到灣仔一開張就去支持，過了lunch time時間都好多人!非常旺場最喜歡的當然是黯然銷魂飯，呢款必點今次試試新意思，點了蔥油豬扒雙蛋飯和馬來西亞咖央多士黯然銷魂飯不用多說叉燒和蛋汁撈埋飯吃真係無得頂!蔥油豬扒雙蛋飯豬扒好似拳頭咁大，一上到枱我地嘩嘩聲咖央多士都好美味當然不得不說呢到既奶茶咖啡都好飲，味道咁好，所以如此旺場囉

敏華冰廳餐單提供港式, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 27892808 查詢。

您對於灣仔餐廳「敏華冰廳」有何 comment？

敏華冰廳餐廳詳細資料：

• 敏華冰廳地址:
  灣仔灣仔道109號壹嘉地下1號舖
  Men Wah Bing Teng, Shop1, G/ F, L' Wanchai,109 Wanchai Road, Wan Chai
• 敏華冰廳電話: 27892808
• 敏華冰廳價錢: $50以下
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金,八達通
• FB專頁: 敏華冰廳 Facebook

更多敏華冰廳相關資料:

• 敏華冰廳分店
• Youtube
• Facebook
• Twitter
• Google