得成餐廳 灣仔

得成餐廳 評價 相片

灣仔是一個吃早餐的好地方，雖然不夠老銅般就腳，但就是夠多茶餐廳，今天去了吃在電車路旁的德成。

整所茶記也是以綠色為主色，店子座位也蠻舒適的，本人坐好了就看吃什麼，早餐有八個選擇，由偏向中式風格的糯米雞及菜乾豬骨粥，到港式的菠蘿包及公仔麵也有，而本人就點了一客魚柳炒蛋，相信是云云選擇之中最為西式的一款。

首先送上的是一杯熱奶茶，奶茶用上了傳統的厚身瓷杯盛着，不過遺憾的是奶茶只是勉強夠熱，再用鼻子嗅一嗅，確是有點點茶香，但又不能說是很強很令人享受的那程度，茶的顏色其實幾靚，茶身夠厚又夠奶色，不過可能不是用上黑白淡奶吧，喝起來感覺沒想像中滑，收結更是明顯有點嚡，茶味就跟茶香來得很同步，不能說是沒有，但絕對說不上是香濃。

之後就是吃的了，雖然這份茶記早餐沒有麵食，但原來魚柳及炒蛋也頗為大份，而且更有一份牛油麵包，麵包吃起來太實，明顯不是新鮮貨，而且牛油根像是雪實了的模樣，入口不夠軟滑香膩，有起粒粒的感覺。

炒蛋是鮮鮮的淡黃色，炒得蠻厚身的一份而沒有兜亂，所以外層的蛋皮凝固了之外，裡面全都是嫩滑的蛋花及香熱的蛋漿，半流芯狀的滑入喉嚨，又夠熱又夠香又夠滑，真的是一件高水準的炒蛋。

魚柳有一大件及一小件，面層淋上了點洋蔥汁，這點洋蔥汁味道怪怪的，甜度頗高而洋蔥香又不夠，不過勝在就是味道夠濃又不算很鹹，配來沒有調過味的魚柳，這已經算是不錯的了。

說到主角炸魚柳，沾了蛋漿及麵包糠炸好之後，就算了淋了洋蔥汁，吃起來仍是鬆脆，相信是火力夠，而蛋漿也沾得夠薄不夠厚的關係吧，吃起來炸漿不會太油膩，吸飽了洋蔥汁的外皮，實在很是美味，最棒的未至於此，大家看看圖就知道了，魚柳的肉不會因雪藏了而死實實及有雪味，肉質實在得來又夠滑，實在是難能可貴的貨式，這塊魚柳，真是叫我吃得很滿足。

誰說只有在英國或澳洲等外國人地方才有好吃的炸魚，個人認為此店的其實也很不錯，雖然如果大家要說追求完美，這店的魚柳彷彿又不是去到那個程度，不過依本人的愚見，有時候吃東西也不用吃得要完美，數十元的一餐，有點瑕疵，但第一個感覺美味，已經是難能可貴，在這一天，我遇見的就是這魚柳，而大家遇見的又會是什麼！

不甚常來這些茶餐廳吃燒味, 通常會到專做燒味的餐廳, 今天因約了朋友在街口等, 所以反常地來了, 叫了一碟义鴨飯, 基本上是預期中的了, 义燒太實太硬, 顏色不太吸引, 有些少淤色, 切得太厚, 燒鴨過肥, 皮燒得不夠, 還是淋的, 跟本不應稱為脆皮燒鴨, 反而肉質還可以, 不算差, 下午茶時段特價, 可以啦..

路過，去試吓。

食物：－雞翼煙肉麵：雞翼勁乾，無肉汁，煙肉太肥，此店沒有把煙肉油炸，直接與麵一齊用水煮熟，煙肉應該先用油炸才不會太肥，麵太＂淋＂，＂淋＂到不似麵，似麵糊熱奶茶：不是好好飲，又不是唔好飲服務：－坐下後，店員即時拿一本有少少厚的書（餐牌）給我，我即時打了個突，通常茶餐廳的菜單都是一張張，很少會有一本好似酒樓咁厚的書。

（我心想此茶餐廳果然有誠意，後來才發現...）打開本書後，才發現入面其實是平時茶餐廳見到的一張張紙放了個書的外殼。

本書（餐牌）內除了普通茶餐廳的早餐外，還有每週精選，比較便宜的，我今天叫的早餐便是每週精選（每週精選很抵食）個店員放下本書（餐牌）後，一直無行開，等我叫食物（好大壓迫感）等我叫完食物後，店員極速地收了本書（餐牌）（我想幫本書（餐牌）影相都無機會）環境：－地下有很多垃圾，直至我離開時仍然沒有人清潔

之前食過上面嗇紅原來係同得成同一間店唔同名而已, 上次食個陣上面仲有半自助buffet,但而家已經沒了...今次落來下面係茶餐廳,2邊入口,燈光光猛過上面,但就冇上面睇落咁整潔,坐底後本身好多野都有興趣食...但點知再細心一睇原來有時限咁冇計唯有食扒餐,點了一個什扒一個雞扒,加左杯熱餐飲熱奶茶..我就算飲茶...因為加熱飲都要5$..凍飲7$..2個都配了薯菜...但冇餐湯跟..不過40$都唔駛算係咁...過一陣就到..的確係熱既~.~仲馬上倒汁,但d薯條同配菜好少..點解咁講? 因為個塊鐵板四周仲有好多空間剩..唔同平時出面食時料係蓋住晒鐵板...anyway都要照食~~味道~就一般啦...牛扒非常薄,當然有用食粉 仲有女腿同腸仔..火腿都好細塊,雞扒唔駛問都ok 因度度都差唔多味~~ 總之呢餐就普通啦~

第一次寫食評,係因為以前我好鐘意黎食既哩間餐廳今次令我完全失望以前平均一個星期我都會去哩間餐廳一次,因為伙計服務好,一舉手即刻有人到,價錢抵夾好食,但今次真係要blacklist哩間野.個日我好肚餓,咁約左個fd係餐廳入面等一入去,所有伙計唔同晒,以前個班傾得埋既全部唔見晒.咁我即刻叫野食,叫左兩個伙計(A,B)都叫我等陣,等左成五分鐘,其中一個伙計A仲係度同人吹緊水,完全唔理我地,咁都算la,叫完野食(一個XX津白,一個滑雞煲),又等左十分鐘個湯都唔黎(我個肚已經餓得凹左...),咁我催下佢地,個伙計A好不滿咁"哦"完之後都唔肯拿個湯黎之後過多幾分鐘,有個伙計過黎話冇津白(頂!叫個小菜使唔使搞咁耐先知ar.....)咁我叫左另外個金銀蛋浸時菜,又等左五~十分鐘,終於黎個la,但個滑雞煲依然未黎,咁我又催下佢地,個伙計A又"o我"左一聲,到我差唔多食晒碟金銀蛋,我搵左另外一個伙計C,佢夠膽同我講"你個金銀蛋都係黎左唔夠五分鐘o者,個煲冇咁快既." 我頂!唔知頭唔知路咁吋我,點知個伙計C問完廚房就走黎同佢講五分鐘內搞掂,咁真係五分鐘內黎,但好明顯個雞係猛火隔硬炆出黎(我個fd係廚師,一食就知....),雞肉仲未完全熱,食落去一d燙口既感覺都冇......食完,埋單,除非我見返以前班伙計,唔係我都唔會再入黎哩間野

得成餐廳餐單提供港式, 粉麵, 米線, 茶餐廳, 冰室等推介美食位於灣仔區，餐廳座位數80人均消費約$50以下，結賬可以用現金。

您對於灣仔餐廳「得成餐廳」有何 comment？

得成餐廳餐廳詳細資料：

• 得成餐廳地址:
  灣仔莊士敦道194號灣仔商業大廈地下B、C舖
  Dak Shing Restaurant, Shop B& C, Wan Chai Commercial Centre,194 Johnston Road, Wan Chai
• 得成餐廳電話:  
• 得成餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 80
• 付款: 現金
• FB專頁: 得成餐廳 Facebook

更多得成餐廳相關資料:

• 得成餐廳分店
• Youtube
• Facebook
• Twitter
• Google