小食天地 灣仔

小食天地 評價 相片

今日路經灣仔， 有D肚餓，just林著揾D野填肚，真係估唔到呢間貌不驚人嘅小食鋪頭…有D咁好味嘅小食，許D雞蛋仔出爐時香噴噴，食落極之香脆可口, 一定要推介，眾有D老味，我估用左D秘方先至禁入味，可以講平凡的賣相，平凡的味道…好有口感! 值得support! 加上呢班哥哥好nice,下次一定會再黎試下其他小食！

肥髀游水班前想食少許嘢打底，行去泳池附近好多小食店（附近好多學校）今日公眾假期已經有幾間無開到！肥髀去到呢間見有龍蝦丸即刻心動，一串三粒，店員問肥髀要淥定要燒，肥髀揀了淥，等了5分鐘，店員問肥髀要不要辣同豉油，肥髀都話唔要，之後店員將幾粒丸放入紙杯再落豉油！肥髀即刻好疑惑，唔係話唔要豉油咩？丸好大粒，已𠝹花，熱辣辣，龍蝦丸味道當然無驚喜，夠彈牙，不過豉油汁甜甜地幾好味！店員對細路都幾細心！

飯後意猶未盡，拐彎來個雞蛋仔做甜點 店主差不多關門，雞蛋仔爐才剛關掉，但見我倆想吃，故重開爐火~ 因要待鐵板熱燙才可弄好雞蛋，故要多等一會兒，但店主這麼好人，特意開爐給我們弄，多等一會也不打緊了 出爐了，新鮮熱辣雞蛋仔出爐，雖然蛋香不太濃烈，但勝在外脆內軟，脆皮也是滑滑的，每一粒蛋心都是滿滿的，甜度亦適中，令人滿足的甜點

上星期二，下午兩點半，突然發牙痕，想飲碗熱湯，所以就喺公司附近o既一家「小食天地」度買咗碗碗仔翅返公司作下午茶。

「小食天地」位於交加里，平日都頗多車輛駛過或停泊於門外，費氣不少；意外地，當日門外並無人龍，亦無車輛，感覺空氣當堂冇咁混濁。

店舖面積唔算細，只有一位年紀輕輕o既哥哥仔座陣，由於大部分食物已經煮製好，加上佢動作快，效率高，一個人足以應付哂所有食客。

XO仔叫咗碗碗仔翅，哥哥仔非常有禮地問要唔要加胡椒粉同醋，因電話突然響起，小肥好快就答咗佢一句「乜都要」。

哥哥仔好迅速地就裝滿咗一碗翅，並加入兩款調味，收到我一早預備定o既銀仔亦冇黑面，態度專業有善，值得一讚再讚！碗仔翅（$14）：攞到返公司，影埋相，碗仔翅依然滾熱辣，湯質滑溜，而且足料野味，濃而不滯，食完暖胃又滿足！非常不幸地，小肥食完碗仔翅不到十五分鐘就開始頭痛，要立刻食治痛丸，點知藥力過後，細佬身體不同部位o既肌肉及關節亦開始疼痛起上黎。

第二朝早，見疼痛影響到行動不便，XO仔仲請埋假去睇醫生、抽血驗身；診斷結果，小肥全身疼痛原因乃味精敏感反應！醫生深知小肥對多種食物敏感，卻又喜愛到處覓食，故此於醫務所內再三叮囑小弟不要隨便出街吃飯，應多留在家中吃「無添加」之食品，今次落令閉關一星期靜養！一碗十四蚊o既碗仔翅雖然美味非常，但因「小食天地」所選用o既味精令個人身體極度不適，因而產生四位數字o既醫藥費，試問小肥又點會覺得抵食呢？！真係要唱返支歌仔贈吓興：「小生小生怕怕囉，哎呀哎呀唷！」

行完灣仔附近的店鋪, 如果唔去食其他野, 就會來這裡食下街邊小食, 這裡有魚蛋, 燒賣, 腸粉, 雞腿, 碗仔翅, 格仔餅, 雞蛋仔, 豬耳, 生腸, 炸大腸, 墨魚, 生菜魚肉, 牛圓等小食.最推介魚蛋, 炸燒賣, 腸粉, 雞腿, 格仔餅. 魚蛋很彈牙多汁, 咖哩醬濃郁, 黃薑味濃, 微鹹不錯. 炸燒賣口感特別, 又脆又彈, 好食. 腸粉配上芝麻花生醬再加甜醬一流, 芝麻醬很香, 配上熱呼呼的腸粉好美味. 雞腿多肉多汁鮮甜帶鹹, 頂肚的首選. 格仔餅香脆好味.次推介雞蛋仔, 生腸, 炸大腸. 雞蛋仔很脆, 蛋比率多很香口, 好食. 生腸很爽口, 汁爆出黎一般. 炸大腸炸到好香口爽口多汁, 過癮!加埋四五蚊的野飲(菊花茶, 檸檬茶, 維他奶), 腸粉拼魚蛋炸大腸都係二十幾蚊, 間簡單單又隨便的一餐就這樣完成

小食天地餐單提供港式等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「小食天地」有何 comment？

小食天地餐廳詳細資料：

• 小食天地地址:
  灣仔交加里51號保和大廈地下N舖
  小食天地,  
• 小食天地電話:  
• 小食天地價錢: $50以下
• 分類: 港式
• 座位: 未知
• 付款: 現金
• FB專頁: 小食天地 Facebook

更多小食天地相關資料:

• 小食天地分店
• Youtube
• Facebook
• Twitter
• Google