好煮意 灣仔

好煮意 評價 相片

呢日同個同事喺公司叫呢間餐廳既外賣做Lunch~~我哋12:40pm打去叫，叫左兩個一樣既飯(是日午餐：咸魚排骨飯)！咁唸住就算遲來都係1:15pm左右啦！點知...到1:15pm都未到.....我哋再打去，個阿姐就話：「個order出咗啦~~個外賣哥哥仔太多order，耐少少啦！」跟住即刻CUT我線！好啦！到1:30pm....都未見有人送來！...(期間其實已經再打咗兩次，但唔通！) 我再打去....又係講同一句嘢！咁等多5分鐘左右，我地決定打去取消order，叫佢唔洗送來！搞到我同個同事1:40pm衝落樓下食「快」餐！到我哋食完返上去(約2:05pm)，個外賣哥哥就企咗喺我哋office門口，我就即刻同我啲同事講話原本係我地叫！但已經打咗去話取消，我就叫個哥哥仔走啦！我話：「我唔要啦！你而家先來！」只不過跟住我其中一個上司佢未食飯，就叫佢擺低照要！唔洗佢囉返去....呢間餐廳，以後會BLACK LIST~~~~~~~

某天中午，由於沒有帶住家飯關係，應同事們約一齊叫外賣，不想日日都捱海嘯兩餸飯的同事們突然決定刺激經濟 － 豪少少幫襯好煮意的午市小菜套餐 (事實上的確只是豪少少而已 )。

說起好煮意，早於大半年前已常幫襯其下午茶時段的 "三重彩" 套餐，三款食品有麵飽有多士有麵有雞脾多款選擇，連冷熱飲品都只是二十元，堪稱金鐘區『平、靚、正』之選。

至於午市，同事們也曾多次光顧，好的是即使只得一個飯盒都會準時到達，但始終灣仔路遠，飯盒早已攤凍了，味道大打折扣。

三人各選了一款小菜，分別是咕嚕班塊、沙爹牛肉粉絲煲及鮑片一品煲，套餐跟一大盒白飯及例湯。

對這頓中午飯的第一印象一定是其份量，不論是小菜或白飯，份量都不會因外賣或價錢等因素而減少，特別是咕嚕班塊，更大件得像海參般 (自我安慰)，雖然口感只是一般，醬汁味道也未見突出，但其足料的賣相已值加分了。

沙爹牛肉粉絲煲，沙爹味濃，牛肉粉絲確是送飯一流的菜式。

鮑片一品煲，鮑片當然只是罐頭貨，但芡汁調配得不錯，加上大量新鮮青菜，三十多元的套餐已算是交足功課了。

食物抵食與否，不能避免地跟價錢拉上關係，人總是貪心的，總想蔗渣價錢嚐到燒鵝味道，但有時卻有點不切實際，一分錢一分貨，好煮意正是一例，雖然經濟小菜水準還可，但跟餐附送的白飯確有生熟米情況，相當難哽，還有那凍奶茶，稀如奶水，真的不敢恭維。

大件夾抵食做到了，其他方面，還有進步空間呢!

法官及陪審團一致認定, 好難食, 其原因如下:1) 原告人於14:00 order 外賣, 被告於15:20才到達, 快餐外賣, 應該是一早做好, 2分鐘pack好, 可以走人, 但讓原告人在Office 苦等2) 飯盒送到, 一打開,梅子排骨飯 完全沒有暖意, 飯是凍的, 奶茶是凍的, 梅子排骨汁已經變成膠狀, 嚴重懷疑被告之外賣叔由灣仔行路過來金鐘. 亦嚴重影響原告人食慾.3) 飯, 咬落去 咁硬既, 點食呀, 想"un"親我個胃呀.....被告整生米飯俾客食,想"un"親原告個胃.....真威水..所以, 經法官及陪審團審慎裁定.....被告既餐超級難食, 罪名成立,判原告以後不會再幫襯被告.....退庭!!!!

2008年7月22日(二) 12:30pm在金鐘區一個人叫外賣，其實選擇不多，但本人又懶落街買飯，所以在無咩選擇下叫了好煮意 。

本來我叫了蒜蓉什扒意及凍檸檬茶，但卻送了蒜蓉什扒飯給我，送錯其實並不是太大問題，最大問題是快餐越來越難食，下次我一定不會再叫快餐，會散叫的。

另外，個外賣仔真係好有問題，竟然打來叫我落去取外賣，我當然采佢都傻喇，我估佢費時要登記上來喇。

*散叫真係好d架

好煮意餐單提供港式等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「好煮意」有何 comment？

好煮意餐廳詳細資料：

• 好煮意地址:
  灣仔駱克道238號1樓
  好煮意,  
• 好煮意電話:  
• 好煮意價錢: $50以下
• 分類: 港式
• 座位: 未知
• 付款: 現金
• FB專頁: 好煮意 Facebook

更多好煮意相關資料:

• 好煮意分店
• Youtube
• Facebook
• Twitter
• Google