味皇小廚餐廳 灣仔

味皇小廚餐廳 評價 相片

次次同男友黎都係食鐵板真係幾好食 ^^~ 不過只限雞好滑好好味!牛就真係麻麻男友次次食完都話好似食膠 尋日去食~我又食鐵板雞~水準冇變幾好男友就叫雜扒~本來圖係珍寶腸 但係黎到既係腸仔同蛋唔係錯左 = = 係真係甘...唔知係果晚係甘定點....所以大家要小心$30 一個餐 唔包野飲 $34 雜扒不過好大碟 次次去都食唔晒所以都幾平 =)又有大電視睇 ^^~所以都幾中意去食 ^^提提大家 : 而家唔洗再加$1 =)

正在找有什麼茶餐聽在附近 , 看到這間 , 幾大 , 客人又多 , 就入去試下 . Menu 上有好多款食物 , 主要也是吃雞 , 居然有口水雞 , 好想試 , 不過 , 打 ball 前又不想吃太多 , 就點了吉列豬排拉麵 , 外表看塊豬排炸得有些過火 , 吃下去又不會 , 好 "林" , 好好味 , 不過 , 就好細塊 . 下次再來這裡 , 一定要試下個口水雞 , 賣相好吸引 .

因為工作關係~~最近食了兩次~~~~味皇~~~又係茶餐廳一間~~唔係樣樣都好食~~睇下你好唔好運氣啦呢度既快餐都幾多~有abcdefgh...咁多款~不過都幾貴~~個個餐都過30~上一次食鹽焗雞飯~都幾好味既~今次就試左個xo 醬火腿雞絲炒飯~!!!真係幾出色~~個個都話好食呢~有大排擋既獲氣~~!炒飯有少少辣真係可以帶出個味道~xo醬辣中帶香~~~下次見到都可以食多次~就好似上一個post 照~加了一蚊~~今餐34蚊~~灣仔只可以食貴既lunch 嗎?btw: 呢個哈哈笑只for 炒飯!!!

前日師傅一條冷四圍搵野食, 諗黎諗去都係唔知食咩好? 咁啱見到呢間食店, 反正從來都未食過, 就入去試一試啦!入到去地方都算幾大, 伙計問師傅幾多位, 師傅舉起一隻手指, 於是個伙計就求其指左師傅坐底, 明明有好多位都硬係要安排師傅搭枱, 冇辦法啦, 鬼叫呢區旺咩! 坐底即刻睇下有咩好食啦, 師傅發覺價錢唔平, 好唔好味都仲未知, 冇理由食咁貴嘅; 咁好彩又比師傅睇到有d類似午餐嘅物體, 於是就柯打左雞扒餐肉蛋飯, 餐飲凍檸茶!雞扒餐肉蛋飯起初師傅之為係豉油汁, 點知黎到發現係蒜蓉汁, 即刻有少少失望; 先講下個汁, 汁底一般蒜蓉味都幾濃, 可以啦; 而雞扒一塊仔, 煎得算幾香, 不過可惜肉地幾鞋口, 唔得; 而餐肉同蛋基本上冇咩好講, 唔爛唔壞就已經收貨; 凍檸茶檸檬味夠, 幾酸下, 可惜茶味唔濃, 差d!總括答講食物質素普普通通, 環境一般, 服務一般, 但價錢唔平, 餐牌上明明寫住三十二蚊, 凍飲加兩蚊就梗架啦, 但點解張單寫左三十五蚊呢? 究竟嗰一蚊係邊到黎呢, 於是問下伙計, 佢就指下幅牆, 甚麼成本上漲, 加收一蚊喎; 師傅唔問都唔知發生咩事, 你話死未? 坦白講成本上漲就梗加啦, 師傅覺得加價咪加價囉, 光明正大咁加落個餐牌度咪得囉, 如果唔係, 咁樣好似屈蛇喎? 到時喺門口寫十蚊個餐, 入面寫成本上漲加收一舊水都得啦! 咁樣唔係咁好喎, 所以下次都唔會再黎, 皆因唔夠老實!

我見到隔離枱話伙計落錯order, 那個伙計死不悔改, 態度惡劣。

我地叫左一個拉麵, 立刻發覺原來仲有幾分鐘是下午茶時間, 於是叫伙計cancel, 他不單唔肯, 仲態度超差, 我比意見話佢地應該提醒d客, 佢話你唔識睇呀, 唔通個倨都提, 我話起碼只差數分鐘, 就要講, 伙計不單不接受意見, 還拂袖而去!你話呢d係?嘢態度?仲有我唔覺得佢d嘢平喎, 比一般茶餐廳貴, 也不見鋪面清潔!d海南雞飯一d都唔正宗, 一碗螢光黃的飯就扮椰油飯,一d椰味都無!總之, 一致劣評!:

味皇小廚餐廳餐單提供港式, 粉麵, 米線, 湯品, 茶餐廳, 冰室等推介美食位於灣仔區，餐廳座位數150人均消費約$50以下，結賬可以用現金。

您對於灣仔餐廳「味皇小廚餐廳」有何 comment？

味皇小廚餐廳餐廳詳細資料：

• 味皇小廚餐廳地址:
  灣仔灣仔道165號三聯大廈地下
  味皇小廚餐廳, G/ F,165 Wanchai Road,, Wan Chai
• 味皇小廚餐廳電話:  
• 味皇小廚餐廳價錢: $50以下
• 分類: 港式, 粉麵, 米線, 湯品, 茶餐廳, 冰室
• 座位: 150
• 付款: 現金
• FB專頁: 味皇小廚餐廳 Facebook

更多味皇小廚餐廳相關資料:

• 味皇小廚餐廳分店
• Youtube
• Facebook
• Twitter
• Google