君悅咖啡廳 灣仔
地址: 灣仔港灣道1號君悅酒店大堂
最後更新:
君悅咖啡廳推介
咖啡廳為客人提供世界各地正宗菜式，包括深受歡迎的海南雞飯將載譽歸來，讓客人由單點菜式到自助餐也能舒適地享用最優質的食材。
灣仔君悅咖啡廳
| 餐廳分店 | 君悅咖啡廳 |
|---|---|
| 地區 | 灣仔 |
| 電話訂位 | 25847722 |
| 餐單 Menu | 西式, 自助餐, 咖啡店, 酒店餐廳 |
| 人氣指數 | 1265 |
| 價錢幾錢 | $401-800 |
君悅咖啡廳訂位位於灣仔區，詳細地址是灣仔港灣道1號君悅酒店大堂，餐廳寬敞座位數目共有172個。君悅咖啡廳幾錢？價錢優惠後人均消費大約$401-800埋單，早餐午餐晚餐君悅咖啡廳餐單包括有西式, 自助餐, 咖啡店, 酒店餐廳等美食，付款方式有Visa,Master,AlipayHK,現金,AE,銀聯,微信支付付款，Booking網上訂位可以電話致電 25847722 查詢訂座。
君悅咖啡廳優惠
君悅咖啡廳 評價 相片
第一次嚟呢間酒店，咖啡廳喺lobby 轉左，好方便，weekday 請假嚟都好多人，因為書展？因為暑假？又可能因為同我地一樣疫情weekday 放下假，用下啲AL吧。
四個人，安排咗坐窗邊嘅四人檯，唔知幾高嘅落地玻璃，感覺好舒服，幾有氣派，可惜今日落雨，三號強風訊號，如果唔係應該可以望倒對面海。
menu A3 size , 一張過，一面中另一面英，選擇好多，除咗扒嗰啲之外，碟頭飯都有🤣🤣, 乾炒牛河，焗豬……確實幾代表倒香港，遊客嚟到應該會考慮👍, 咁我呢啲嚟fine dining 嘅當然就唔會揀啦～先嚟嘅係麵包，好靚咁，有成六款咁多😙，好吸引💗，不過食落就麻麻, 譬如個酥咁，一啲都唔鬆化。
Iberico pork chop 390寫係340g , 嚟到份量都幾多，食落我覺得自己似食緊燒鵝🤣，個味真係似，本身調味已好重手，唔使配汁。
旁邊配半個蒜春雞配黑松露薯條－ 240＋70春雞有啲overcooked, 上碟前已切咗一刀，方便我地切。
薯條嘅松露醬竟然唔係另上，喺落喺面，咁樣薯條會唔脆，好難理解呢個做法🙄海鮮意粉 － 260有青囗，帶子咁，正常一般，無驚喜。
mocha 好大杯，味道可以，夠熱，仲有蝴蝶酥👍waiter 好多，但唔知點解每次叫佢地都唔可以即時serve , 係要轉個頭先。
勁耐冇食過buffet 啦😍😍 之前食左個勁高質既buffet拖到宜家先記得寫返食評, 飽到第二日連lunch 都冇食到🤣🤣凍海鮮龍蝦d 肉實淨有膏，蟹腳好鮮甜又易拆，好開心，酒店refill 得好快，一直見到有人放出黎燒烤station有得即叫即燒虎蝦，羊架，燒牛肉仲有西冷同肉眼兩種選擇，熟程度岩岩好，仲想encore 添鵝肝😍😍太鐘意食鵝肝所以要獨立寫，佢keep 住係個鑊到煎緊，每次要就叫佢比一舊，可以保持熱辣辣😍厚切既鵝肝好好味，可惜下面塊包淋左和牛🐮🐮今晚個主題係和牛，同行朋友話我地同牛有仇🤣🤣樣樣都食佢～有和牛軍艦，和牛碎生菜包，韓式燒和牛，和牛腩河🤪🤪個生菜包我覺得最出色，第一次試用牛唔係豬既生菜包...但講真呢幾款我都食唔出係和牛，淨係知係牛肉🤣🤣甜品佢d 甜品件件都係平時full size 既，完全唔似其他地方比細細件，變相食唔到好多。
最鐘意佢個芒果布甸，好濃郁既芒果味又好creamy最後梗係要食幾球雪糕先啦飽到傻左🤓🤓今次用左免費註冊既New World Club member, 有85折😝😝📍 君悅咖啡廳 (灣仔)灣仔港灣道1號君悅酒店大堂
第一次食君悅既自助餐，一直見好多人讚賞，於是一個月前訂定位，睇下係咪咁正價錢其實唔算貴，平日$698位，但幾隻咭都有85折，折完加一$663位！時間由6點食到10點，足四個鐘食物款式講真就唔多，係貴精不貴多，不過原來係無生蠔的，我本身唔食就無嘜影響。
海鮮款式👇放出黎唔多，無平時見開成座山咁放出黎，但會密密加，唔會無得食！龍蝦肉質唔錯，蟹鉗都鮮，紅蝦好大隻好有蝦味刺身我無食，朋友話吞拿魚唔得，帶子好食魚生飯好食扇貝好食，我食左半打聞名既海南雞個人覺得真係好好食，明知會比佢哋隊飽都值得鵝肝，好肥厚，朋友話個醬麻麻，走醬會好食。
炒龍蝦好食，欣賞佢夠貼心，每一件都係肉黎，之前食過其他自助餐係連d頭都放埋一齊炒，到夾果陣要自己揀。
天婦羅堅好食，可惜發現得太遲重有佢隔離既韓式燒和牛都好好食但無影到。
甜品，款唔多，得呢道加葡撻加三款杯仔。
一件都幾大，一定要兩三個人分享唔係都試唔到太多！蛋糕唔錯，拿破崙唔差但唔夠帝苑雪糕係自家制既，咖啡冧酒好味，椰子唔好味。
燒羊架、大蝦整體我個人覺得幾滿意
Grand cafe 係一間我encore咗好多次嘅自助餐，因為佢啲野食好international, 港式🇭🇰西式🇺🇸🇮🇹日式🇯🇵等等都有，毎個菜式都會有自己個station有個chef企喺度即刻幫你整/夾落碟度☺️首先食凍野~ 有龍蝦🦞，蝦🦐，蜆，青口同蟹鉗龍蝦同蝦都好新鮮，啲肉好彈牙😋另外嗰啲就正正常常啦，無乜特別😶到刺身🇯🇵佢有三文魚，吞拿魚，油甘魚，甜蝦同魷魚我哋一致認為吞拿魚最伏，一啲油鮨都無成舊橡筋咁😵相反三文魚同油甘魚超級肥美😋佢都有好多沙律，parma ham, salami 嗰啲，不過我無試到😶到熱食啦，不得不提佢個foie gras, 每次黎呢度都會食返兩三舊~ 今次個sauce係梅，酸酸甜甜中和返個鵝肝嘅油味，可惜今次佢個面包好林，一啲都唔脆🥺天婦羅🍤🍤🍤都係一個我幾impressed嘅station,即叫即炸，三分鐘就有得攞，仲有好多款架(蝦，南瓜，蕃薯，秋葵，茄子)😛😛馳名海南雞飯我都有試，不過食落口又好似無乜特別咁🥲中式就有蒸龍躉，蟲草花蒸帶子，炒蟹等，味道都唔錯，魚同帶子都好新鮮👍🏻至於其他self serve嘅熱食就有七至八款，都值得一試🥳最後就到甜品啦🥰 不嬲都知grand hyatt係出名食佢homemade嘅雪糕嘅，不過一場黎到都要試埋佢啲甜品嘅🍧🍰芒果布甸好味，唔會太甜，好似食緊楊枝甘露咁😂 佢得返最後一兜俾我拎咗，之後無再refill了.. 拿破崙都可以，係酥皮唔夠脆，不過我覺得已經算係咁😋Grand hyatt 特製朱古力蛋糕都好有驚喜，朱古力味超濃，入面仲有好多layer有唔同嘅口感添，不過成舊食哂會有啲濟😅雪糕就有五六個味揀，我個人最中意柚子雪葩，不過要好頂得順佢嗰嗰酸味😛 very refreshing最後order咗個pancake去襯個朱古力雪糕,為我哋今餐畫上完美句號❤️
個人覺得君悅咖啡廳的評價有點言過其實。
早1個月訂枱才訂到6點3位，早1星期再看訂位紀錄已是滿坐，但入坐時看到其實有很多吉位。
入門是甜品位，貴價甜品都是師父拿給你的，甜品的確非常精緻。
上路是沙律吧然後燒羊架小牛排等等，鴨肝是任拿的，但底下的面包軟身不好食。
走入中路是冷龍虾，青口，青蚧，小海鮮什麼的，是沒有麵包蚧也沒有長腳蚧沒生蠔沒熟蠔，勝在長有沒人搶。
再來是5種普通中炒，真是非常普通，不值1提，荃灣如心酒店的熟食比這高幾班。
轉彎是即炸天婦羅，這不錯吃，旁邊是中湯燒味海南雞，雞是不錯，但雞飯明顯不行，黃金海岸酒店的海南雞飯比君悅好很多。
最後是日式刺身，普通貨色。
總括而言，推薦甜品，菜色出品精緻貴價，但款式不多。
服務1流，價錢還可接受。
君悅咖啡廳餐單提供西式, 自助餐, 咖啡店, 酒店餐廳等推介美食位於灣仔區，餐廳座位數172人均消費約$401-800，結賬可以用Visa,Master,AlipayHK,現金,AE,銀聯,微信支付，Booking訂位可以電話致電 25847722 查詢。
您對於灣仔餐廳「君悅咖啡廳」有何 comment？
君悅咖啡廳餐廳詳細資料：
- 君悅咖啡廳地址: 灣仔港灣道1號君悅酒店大堂 Grand Cafe, Lobby, Grand Hyatt Hong Kong,1 Harbour Road, Wan Chai
- 君悅咖啡廳電話: 25847722
- 君悅咖啡廳價錢: $401-800
- 分類: 西式, 自助餐, 咖啡店, 酒店餐廳
- 座位: 172
- 付款: Visa,Master,AlipayHK,現金,AE,銀聯,微信支付
- FB專頁: 君悅咖啡廳 Facebook
更多君悅咖啡廳相關資料:
香港餐廳2026推介8月