北海道牧場餐廳 灣仔

北海道牧場餐廳 評價 相片

昨天晚上點了黑椒汁牛排煎意粉和咖哩深诲魚柳反。

牛扒是半塊生生地半塊熟的，見到都唔想食 。

黑椒汁成pat 槳咁，D意粉又淋 。

深海魚柳又鯹，係D㗎喱汁好小小入得口。

以後都唔會再去呢間店！

首先一間餐廳,你服務仲衰過茶餐廳, 一入到去首先冇人greet你, 之後我見到個牌寫要先買飛, 甘去counter睇餐牌,睇左10秒左右就問我坐邊(態度唔算有禮貌), 其實係要揾左位先出去買餐定買左餐先坐低, 都唔緊要, 我話我唔知坐邊, 佢好快就話 「你一定個人就坐果度」(態度仍是唔算有禮貌), 咁我拎個餐牌坐過去, 行過去途中又大大聲問我食咩, 佢叫人去買飛先, 甘其實安坐低搵左位先再出去買餐, 好亂, 呢個都唔係重點, 飯類價錢唔平, 叫個咖哩漢堡扒飯有杯熱飲要$69, 但第一次出來啲飯係生既未熟透, 生既飯都可放上枱比人客食,叫佢換,再等多10分鐘左右, 出左個新既, 但啲飯仍然係生既但比之前果個好少少咁多, 之後我只係食左漢堡扒同件蛋同少少飯就走, 因為lunch時間要趕返公司, 走果時冇拜拜或多謝之類既說話, 食物品質差, 服務態度差, 環境一般！

今日，我約左個團友去食晚飯。

見好耐無食過北海道，就去食下啦。

一入去，同以前有好大分別。

以前係我舉隻手，侍應就會迎接我落單：而家我要走去收銀處俾錢落單。

望下個餐牌樣樣至少40幾蚊，咁就叫左個Juicy 和牛漢堡扒、火腿、北海道3.6牛乳炒蛋多士套餐再加一個迷你通粉。

之後三分幾鐘之後上菜，先上個通：個通粉好大陣罐頭湯味,熱度係夠熱。

但個味就真係有點假。

個通粉個份量係好迷你，都唔知有無半碗飯咁多。

之後就上果個和牛；碟上有個黑椒汁、和牛、33.6牛乳炒蛋和多士：多士唔夠熱；牛油有搽，但無牛油香；3.6牛乳炒蛋完全唔知D咩事，食落去奶味又無、蛋味又無、炒蛋外型似唔係一路用細火煮一路搞；搞到蛋好鞋。

個和牛漢堡扒係厚就厚啦，係keep 到牛的肉汁：牛的熱度可以話俾你聽，無。

本人建議：1.      我會覺得食一個餐要60幾蚊，你食物的質素要令人覺得值！至少啲野要夠熱。

2.      服務pattern由侍應主動落單改到自己去收銀處俾錢。

完全唔覺有服務可言。

心情差到爆，除左難食我唔知點形容！20蚊貨色賣80蚊！和牛漢堡即係漢堡扒加雞蛋！超市貨色！牛乳雪糕蘇打即係汽水加一球無奶味的雪糕。

咖喱飯好似隔夜飯？服務差到爆！絕對無下次！

本身和朋友想揾個地方食個快嘅lunch，見佢幾多人喺度食緊，而朋友食過美孚分店話ok，咁連鎖嘅應該唔會太差就入去啦。

叫左嘢，第一樣嚟嘅係凍抹茶牛奶，一飲，嘩點解會咁難飲咁嘅味嘅？成杯嘢係用代糖嚟做甜味，仲要係好甜。

嗰種甜令人好反感好想嘔，飲每一啖最後仲會苦苦地，朋友話之前飲過唔係咁嘅！結果兩杯幾乎冇乜飲過擺埋一邊算數。

(呢兩杯每杯跟餐要加12蚊）跟餐迷你火腿通（圖左），三啖左右份量，味道不過不失。

咖哩漢堡扒飯 68本來唔諗住影相…塊炒蛋好行貨，有少少奶味但冇滑嘅口感，係成塊熟蛋。

漢堡扒ok，熱嘅，味道唔錯。

飯就真係幾硬，好乾，隔夜飯嘅口感。

最正係個汁，好似日式超市賣一磚磚嗰啲煮開，已經冇乜料喺裡面，質地水流流，仲要俾好少汁！喺圖中睇唔到其實係好淺，撈啲硬飯都唔夠撈，真係… 俾多啲汁唔洗咁姑寒啊？呢碟嘢68堅唔抵！朋友叫嘅漢堡扒炒蛋多士餐，蛋係一樣唔滑其餘尚算正常，唔難食當佢pass就算了。

但一般茶記都好食過佢咁囉。

如果好好好鐘意飲代糖嘅朋友，應該可以嚟。

北海道牧場餐廳餐單提供港式, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「北海道牧場餐廳」有何 comment？

北海道牧場餐廳餐廳詳細資料：

• 北海道牧場餐廳地址:
  灣仔莊士敦道211號地下A-B舖
  Hokkaido Dairy Farm Milk Restaurant, Shop A- B, G/ F,211 Johnston Road, Wan Chai
• 北海道牧場餐廳電話:  
• 北海道牧場餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 北海道牧場餐廳 Facebook

更多北海道牧場餐廳相關資料:

• 北海道牧場餐廳分店
• Youtube
• Facebook
• Twitter
• Google