佰家軒 灣仔

佰家軒 評價 相片

有一次經過灣仔，家人話有機會的話，要去佰家軒食飯，因為家人話佰家軒幾出名，又成日登報紙，又有名人去食過話好食... 等等呢類說話。

好喇，十‧一國慶，與家人會前往睇煙花，家人即時想起佰家軒，我們便前往了。

大約晚上七點，一上到去，嘩...成個場，除咗個部長一人背向門口睇緊電視之外，點解咩人都冇嘅？連其他伙計都唔見喎！個心即時寒一寒，之後走埋去問個部長，開始營業未？部長話開始咗咖喇！之後就安排咗我地就坐。

睇吓啲餐牌，選擇好少，但後來部長拎啲茶水過嚟時，另外放低咗一張紙，我望一望，原來仲有其他選擇嘅，真係差啲又被嚇親。

蝦干絲瓜浸魚肚︰唔知係咪因為我地淨食餸嘅關係呢？一開始食時覺得冇乜特別，不過後來越食覺得越咸。

招牌鹽焗雞 (半隻)︰可能同一原因，所以又係覺得咸咗少少。

薑蔥蒸XX斑︰呢個就好食。

就算唔食飯都冇覺得偏咸嘅情況出現。

奉送生果及甜品︰甜品只有一款，是夜為︰綠豆沙 都幾好味。

生果就有西瓜及哈蜜瓜 哈蜜瓜唔甜，不過未至於放唔入口，但係呢西瓜就... 我咬咗一啖，即刻放口。

感覺好怪，唔識形容。

完全食唔落！不過送嘅，不能要求多多.... 今次我會俾OK, 因為冇叫飯，所以覺得有少少不能作準。

服務方面︰除咗係一入去果刻嚇一嚇之外，其實服務方面都唔算差嘅！我地食到咁上下，先至陸陸續續多啲人嚟，仲要好多都五六個人以上咖！

剛剛搬了過來呢頭, 百廢待舉所以近來家中仍未能舉炊, 當然人在灣仔, 要出街搵食又有何難? 分分鐘每餐吃一家不同的店, 恐怕也要一年半載才能試勻吧...這晚舉家來到老媽介紹的這家佰家軒。

感覺上這裡很「雀局菜」, 地下門面已不算好找, 真是行過都唔覺那種; 酒樓在一樓, 上到去門口是關上的, 見到招牌才知到沒找錯地方。

不過入到去其實咪一般酒樓的格局囉。

主要是在特價小菜紙上選菜。

老黃瓜甘筍煲唐排 ($68)一個瓦煲, 一人分到兩碗左右, 幾清甜而不大覺有味精, 湯渣都有得食, 見到幾真材實料。

東江鹽焗雞 (一隻 $68)雞雖不大但夠滑又幾夠味, 我食了雞 pat pat, 油香豐腴。

游水海石斑 (9 時前入座, 每檯一條, 特價 $28)當然只是細斑, 都夠食, 肉質偏腍, 這個價錢也實在沒什麼可以挑剔了。

豉汁帶子蒸豆腐 ($68)薄切豆腐滑嘟嘟, 帶子倒是有點嚼頭, 豉汁不太鹹, 用來下飯挺好。

白飯 X 4還有果盤和紅豆沙送, 生果是西瓜和哈密瓜, 竟然都很甜美, 而紅豆沙就真的不錯, 起沙得來還有最重要的陳皮香! 埋單約 $350, 果然係抵喎!

很久沒有寫食評了, 剛剛與朋友試完此家, 就忍唔住即刻落筆, 朋友睇完報紙介紹大家孤且一試, 講真門口係完全唔起眼, 入到架好舊嘅 lift, 就冇乜要求了..... 一行五人, 點了第一頁必食推介1)脆皮 "姑 No" 肉 好味, 真係脆皮, 當然唔可以擺得太耐 la(2)煎釀豆付 以一個唔喜歡食豆付的我, 都食咗件, 算非常 OK(3)干煸四季豆 少油, 乾身, 夠味 (4)鮮付竹配時蔬 清淡 law, 有特別(5)大籠中虾蒸飯 夠晒 5 個女仔食送生菓, 紅豆沙 (有水準唔行貨) 埋單都只係$380, 抵食, 會再食

nov 21, 09,9大1細(無食力)嚟食晚飯,叫咗 : 1) 東江鹽焗雞 (特價hk$48)都好抵食,晚巿hk$48有1隻肉好滑,亦入味,也有少少雞味很不錯,絶對食得過 2) 古法羊腩煲 (hk$98)連同跟1碟菜要求唔要gas爐上有羊肉,枝竹,馬蹄,冬菇同蔥段羊肉也嫩滑,不過羊味不重不用蘸腐乳都好夠味食到中段,侍應幫忙拎番煲嘢去+生菜(因我哋走gas爐上),順便又滾熱番羊腩煲 3) 灼菜心正常,真的好清,無咩油份 4) 客家煎釀豆腐 (hk$58)豆腐唔喺切得好厚個汁夠味,帶起番清淡嘅豆腐大家都覺得好味 5) 鮮果脆皮咕嚕肉 (hk$58)初時1上枱,見到每舊肉都披以脆漿,唔多老"lai"呢個做法所以無即刻挾嚟食,點知友人話好味喎,咁我就起筷啦個脆漿好薄,難得喺個肉炸得好鬆化,又熱辣辣喎.........咁代表個肉好新鮮,之外個廚要夠功力其實1味好的咕嚕肉好"蝦"人整得好食..........so far,只喺港大校x會令我最有印象,但我個人又唔太鍾意子薑嘅甜酸汁,呢個都"泊"得住佢,亦換上我喜歡嘅汁配料有青椒,新鮮菠蘿同士多啤梨 6) 1斑2味i) 西芹炒斑球魚肉彈西芹脆,清甜 ii) 清蒸頭腩肉滑,但對我嚟講,好似無嘜肉食 7) 乾煸4季豆 (hk$58)呢個4季豆做得好好因為通常食到嘅喺唔會有辣意,只喺在銅鑼灣嘅農x食過,不過人哋講明有老干媽呢個都近磅,有明顯嘅辣意,但又唔會令人跳舞,只喺嘴巴微"興"而已但都幾惹味,調味夠,豆又甜 8) 紅豆沙 (送)無諗個佢送嘅糖水都有質素,絶對比咗時間去煲,因起晒沙,蓮子好腍,又唔多甜無欺場,難得 9) 生果 (送)水果清甜* 多謝友人請食飯

佰家軒餐單提供粵菜, 廣東, 酒樓等推介美食位於灣仔區，餐廳座位數未知人均消費約$51-100，結賬可以用Visa,Master,現金。

您對於灣仔餐廳「佰家軒」有何 comment？

佰家軒餐廳詳細資料：

• 佰家軒地址:
  灣仔軒尼斯道428號友光大廈1樓
  Hundred Garden Restaurant, 1/ F, Yau Kwong Building,428 Hennessy Road, Wan Chai
• 佰家軒電話:  
• 佰家軒價錢: $51-100
• 分類: 粵菜, 廣東, 酒樓
• 座位: 未知
• 付款: Visa,Master,現金
• FB專頁: 佰家軒 Facebook

更多佰家軒相關資料:

• 佰家軒分店
• Youtube
• Facebook
• Twitter
• Google