今時今日 灣仔

今時今日 評價 相片

下晝想食通粉..不過今日係假期...堂記無開,無奈,見到對面呢間今時今日就是但入去食下午茶時間,竟然一個人都無餐旦通,加一杯凍奶茶 , $24你可以話唔貴,不過我就覺得好貴,仲係下午茶伙計仲話通粉要加$2 , 都坐低左,已經無choice , 不過唔知點解最後唔使加碗野黎到, 隻蛋係煎穿左既,湯無味食到一半,見到廚房內廚師係度食煙(佢係open kitchen 咁樣,我坐既位係對住廚房,anyways已經唔係第一次見到) , 對上一次去呢度食應該係1年前,個次都見到有人係廚房食煙食到一半,無胃口,埋單走人,同個老闆既物體講廚房有人食煙,佢扮聽唔到.我祝呢間野早日關門大吉.

上星期, 我同一班同事去食午飯.點知道一睇個餐牌, 每樣野食都比之前貴左幾元.當我地一班同事叫落單的時候,個waiter 叫我地快d, 快d..order, 好似好唔耐煩, 真係好無禮貌.我地根本都無時間問清楚個waiter 個餐牌上o既菜.之後我叫左一個焗飯同一柸熱檸菜,柸熱檸菜真係好難飲, 檸檬好似隔夜的, 難以入口,個焗飯只係暖,仲有d凍.仲有, 係餐牌下面, 仲貼左一張notice,淨飲, 雙計.我對呢間餐廳真係好失望, 一定唔會再去.

天氣凍凍, 早上唔想落街買早餐所以低能c今日叫外賣早餐with同事Happy睇過之前收到既外賣紙, 就叫左1)雙併西生菜豬頸肉通粉+ 熱檸水($18)(2)牛扒火腿奄列三文治+ 熱檸水($22)送到上黎居然話要收$44!問個送外賣既.."點解唔係$40?" 佢就叫我地打去問打去問之後, 原來餐(1)加左價$20, 仲有外賣要另加$1@但係張外賣紙咩都無寫, 頭打叫外賣又唔講外賣要加$好激氣, 點知食落仲離譜!!!! (1) 完全係胡椒粉湯, 成碗好重胡椒味!(2) 火腿奄列半生熟, 食落居然有蛋殼, 痴線!!總之, 無下次!!

1. 馬來喇沙肉眼扒焗飯+凍檸水($34)唔好俾個名呃到，其實只係葡汁焗豬扒飯。

D汁好稀，但係D飯又乾又硬，個底仲有大量大量油，又未焗得夠。

最大問題係，佢用一個又薄又細0既錫紙盒上枱 。

開得一間食肆，連洗多一隻碟都懶?! 真係好冇誠意囉!!我以為自己食緊波仔飯添.....不過當我食左第一啖，我好肯定佢唔係波仔飯，因為佢連波仔飯水準都不如。

跟餐杯凍檸水仲要有霉味，完全冇檸檬味。

2. 香濃芝士海鮮焗飯+ 凍咖啡($36)以一間如斯茶餐廳格局0既食肆而言，將一個套餐由意粉轉為飯，竟然要加$3!! 佢都真係算出位!! 佢0既理由係: 因為係炒飯!老細，我唔想食炒飯呀，你D炒飯極多油呀....只想要白飯咋,都唔得?! 何況你其他焗飯套餐，都係用炒飯0架啦，咁都要加錢?! 加左錢，食物質素都冇改善，惟一唔同係今次竟然有碟上，唔係錫紙盒。

但係，你個焗飯，落咁少芝士，你就唔好焗咁耐啦! 焗到踎 晒，食落仲苦苦地!!! 四個字總結: 不知所謂。

過去足足五十個食評都未俾過喊面今次一出手就兩個喇想食海南雞飯咁翹一行過店主走出黎強力推介海南雞喎雖然係茶餐廳格局都一拍即合啦坐低見到餐牌寫住海南雞配雞油菜飯雞油時菜老火湯熱飲上檯雞有脾和翼不過只像普通鹽焗雞也沒有肥膏生菜加了雞油不過凍了有油溢味雞油菜飯是特別的環境不是特別好本來也算了食晒飯想叫野飲侍應話「無跟熱飲架喎」再叫相信是老闆娘埋黎指住餐牌再問都仲係話「係呀唔跟熱飲喎」跟住倖倖然走開當然再堅持落去即使討回一杯公道相信都只係盞攪果杯野你仲敢飲咩其實無人希罕你杯熱飲你唔跟野飲就唔好寫出黎囉就算policy真係無你講聲唔好意思其實亦唔係太過者做咩要攪到大家無癮我又唔返轉頭呢?改得呢個名好心就劉華少少啦唔該

今時今日餐單提供新加坡菜, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「今時今日」有何 comment？

今時今日餐廳詳細資料：

• 今時今日地址:
  灣仔巴路士街1~3號地下
  T & D Restaurant,  
• 今時今日電話:  
• 今時今日價錢: $50以下
• 分類: 新加坡菜, 茶餐廳, 冰室
• 座位: 未知
• 付款: 現金
• FB專頁: 今時今日 Facebook

更多今時今日相關資料:

• 今時今日分店
• Youtube
• Facebook
• Twitter
• Google