麵屋一平安 銅鑼灣
最後更新:
麵屋一平安推介
裝潢帶有江戶時代氣息，除了供應一向主打的拉麵及串燒，清酒及燒酎的選擇比其它分店多。
銅鑼灣麵屋一平安
| 餐廳分店 | 麵屋一平安 |
|---|---|
| 地區 | 銅鑼灣 |
| 電話訂位 | 沒有電話提供 |
| 餐單 Menu | 日本菜, 拉麵 |
| 人氣指數 | 1006 |
| 價錢幾錢 | $101-200 |
麵屋一平安訂位位於銅鑼灣區，詳細地址是銅鑼灣軒尼詩道499號永光商業大廈4樓，餐廳寬敞座位數目共有未知幾多個。麵屋一平安幾錢？價錢優惠後人均消費大約$101-200埋單，早餐午餐晚餐麵屋一平安餐單包括有日本菜, 拉麵等美食，付款方式有Visa,Master,現金,AE,JCB付款。
麵屋一平安優惠
麵屋一平安 評價 相片
2月27日, 呀菲由大陸返嚟, 我地夜晚就去咗一平安食個半宵夜~ 嚟到都已經9點, 都仲有幾多人, 不過應該人手唔夠, 個侍應係都要我地坐喺客人集中嘅地方, 其他位置都冇人坐… 加上呢個area冷氣不足, 左右2枱又好嘈, 感覺有D差…::: 前菜 ::: $10 x 2先奉上前菜, 估唔到埋單先知道原來係收錢嘅, 早知就認真品嚐… 似係牛膀沙律之類, 雖然係有酸酸地開胃效果, 不過只有沙律醬味嘅沙律, 加上d料都好淋冇口感, 竟然都要收$10一碟, 駛唔駛咁計較…::: 鐵板炒麵 ::: $62賣相唔靚, d麵同肉都走晒出個鐵板, 好le hea咁… 配料係豬肉片、芽菜同椰菜, 加上酸薑絲. 估唔到成個炒麵都好淡, 好似落唔夠醬油炒, 椰菜芽菜已經係淡味菜, 豬肉都係冇味, 加上用咗比較瘦嘅肉, 唔夠香又唔肥膩… 最估唔到最有味係嗰d酸薑, 唯有食呢d半辣半酸嘅去吊味~ 拉麵質地煙韌, 份量足夠, 只係可惜味道九流…::: 鹽胡椒燒蔥花牛脷 ::: $58牛脷都算唔錯, 唔係厚切嗰隻, 但係薄薄地幾爽口, 肉味豐富, 配上蔥花更添香味~ 仲可以淋上檸檬汁, 少少酸咁亦都十分開胃, 唔錯~::: 一平安炸雞 ::: $62反觀呢個就十分普通, 炸雞份量唔多, 粒粒都好細粒, 好乾瘦咁, 炸到過晒火位… 肉質普通, 醃料味唔特出, 以致成個炸雞都偏淡… 唯有點一點沙律醬吊下味, 總括係唔好食, 麻麻地…上次食過長崎拉麵, 感覺係幾好食, 所以今次嚟食其他野反而有好大對比, 加上坐得唔舒服, 侍應服務麻麻, 真係要再認真諗下有冇下次…
剪完頭髮有人話好肚餓，所以求其黎左呢度食一坐低就迫我地一人一碟前菜收我$10 eachT.T不過碟mini芽菜都幾好食ge叫左兩樣野share食，叫左拉麵同飯~咁我因為都見10點咁夜，我都唔食得幾多野，所以個飯要個細飯算，個size係比正常飯碗大d ge，$4x，價錢好相宜個拉麵我冇乜點食，又唔係我揀，所以真係唔記得叫咩名，大家看圖啦去到menu都有好多圖食左少少麵，我唔係好識拉麵點先叫好，但佢唔太"林"我已經覺得okay，個湯底唔算好出色，因為唔算好濃，不過清淡d都好ge冇咁肥，而且係夠味ge個飯都唔記得叫咩喇，好似叫唔知咩豬腩飯都..根本就係梅菜扣肉飯 lol個蛋好味，橙色而且蛋味濃，日本蛋真係好食d，屋企都係烚開日本蛋食個飯好食，但撈左好多油，雖然唔大碗但絕對係肥仔飯但其實出街食叫親腩肉呀都預左係肥，所以唔緊要啦好食就okd肉都好食好香，唔會硬（梗係啦肥丫嘛），d梅菜都唔錯飯粒軟硬適中，overall真係唔錯的
再戰銅鑼灣區嘅拉麵，貪呢度夠方便，又唔洗等位。
一個人食，店員安排咗吧枱位置。
呢度裝修富日式風格，亦設有卡位，適合同朋友聚會。
望望menu，再睇睇店內嘅食客，其實大部分人都係幫襯料理食品，雖然店名為麵屋一平安，其實拉麵選擇並唔多。
每人會有一碟前菜，收費$10。
辣豬骨拉麵製作需時，期間睇到其他烹調好嘅食品，賣相都好似唔錯。
終於等到拉麵上枱，即時聞到好濃嘅蒜味（但我真係好怕蒜味）。
有兩塊叉燒，味道一般，我較喜歡稍為燒過嘅叉燒，會更香口。
其他配料並唔多，只有少許蔥、紫菜。
麵上有特製辣醬，但只有少許辣度。
湯濃而稠；麵條軟硬適中，沾上湯吃也不錯。
食食吓店員話有得抽獎，食品可即時或日後先redeem。
抽到炸雞，諗住份量唔太多，所以即日食埋。
都等咗幾耐，不過炸雞係full portion，有8件，嘩，真係抵哂。
大大件，亦炸得皮脆肉嫩，夠惹味！可惜一個人食實在太多，食唔哂。
埋單計埋加一$80幾蚊，都算ok。
星期5的晚上,來到各拉麵英雄聚集的銅鑼灣,因為很多拉麵店都需要等位,所以選了樓上舖,不用等位嘛!由於不是太餓,所以叫了招牌長崎拉麵,另加串燒拼盤跟雞皮~長崎拉麵很快速地, 15分鐘就有得吃了有吃拉麵的朋友知道,第一口通常先呷湯,一喝下去,心感不妙,怎麼那麼"好味"?跟味噌差了那麼一個字的味精,真是令拉麵差天共地呢...另外,這麵的材料是海鮮,可惜蝦沒蝦味, 魷魚沒魷魚味, 而且好像用開水煮的一樣,一點調味也沒有,麵這就是所謂招牌拉麵...至於串燒拼盤,吃完整碗麵,催了又催,最後等了幾乎1小時才有,期待是沒有什麼期待,但吃下去,全部都是柴皮,即是爆得太過火,很乾很乾,乾得連食物本身的味道也沒有,只得鹽味...
是日HMY參予Soda Original Rewards舉辦的活動，地點在麵屋一平安舉行的日式甜品製作班，有得玩有得食當然要來湊湊熱鬧，在此謝謝有關方面的邀請及安排。
完成日式甜品白玉，店方特意送上每人一碗迷你版的豬骨湯拉麵或醬油拉麵，讓大家也試一試出品的拉麵！豬骨湯拉麵:我和CEO也選了豬骨湯底，豬骨味香濃，湯底不會太稠或太鹹，半肥瘦的叉燒肉質嫩滑鬆化，麵條方面，麵質是幾彈牙！ 醬油拉麵:而Yan就點了醬油拉麵！
麵屋一平安餐單提供日本菜, 拉麵等推介美食位於銅鑼灣區，餐廳座位數未知人均消費約$101-200，結賬可以用Visa,Master,現金,AE,JCB。
您對於銅鑼灣餐廳「麵屋一平安」有何 comment？
麵屋一平安餐廳詳細資料：
- 麵屋一平安地址: 銅鑼灣軒尼詩道499號永光商業大廈4樓 Noodle House Ippei-An, 4/ F, Circle Plaza,499 Hennessy Road, Causeway Bay
- 麵屋一平安電話:
- 麵屋一平安價錢: $101-200
- 分類: 日本菜, 拉麵
- 座位: 未知
- 付款: Visa,Master,現金,AE,JCB
- FB專頁: 麵屋一平安 Facebook
更多麵屋一平安相關資料:
香港餐廳2026推介9月