丸·茶手作 灣仔

丸·茶手作 評價 相片

黑糖珍珠咖啡拿鐵 $36黑糖珍奶飲得多，今次試吓配latte。

杯身有黑糖掛杯，睇落都同奶茶🥤差唔多樣。

雖然甜度冰度無得選擇，但係味道剛剛好，冇諗過黑糖、珍珠同咖啡☕️可以夾得咁好。

整體比普通咖啡易入口咗，就算怕飲咖啡嘅人都應該接受到，因為佢保留到黑糖獨特嘅香味之餘，仲有煙煙韌韌嘅珍珠增加口感，慢慢滲出甜味，真係幾正。

👅評分：8/10茉香奶綠紫薯珍珠 $24呢杯奶綠揀咗少甜少冰，覺得個呢杯少甜咗啱啱好，飲落好似微甜咁，唔會死甜。

因為個人鍾意奶綠多過普通奶茶，奶綠飄出淡淡茉莉香，成個配搭簡直係perfect match🤤。

今次試咗店內另一種珍珠，紫薯🍠珍珠同黑糖珍珠一樣好有咬口，唔會話紫薯味太濃，蓋過杯嘢飲。

而係會越咬得耐隻紫薯味越突出，有少少似食緊芋圓🍡咁，飲嘢飲到好似食緊甜品咁，個人比較鍾意呢杯多過咖啡！👅評分：9/10

雖然灣仔果邊有好多間台式飲品店，呢間丸茶真係又平又好飲！啲店員服務態度又好，佢地個menu無得走冰，但係個店員都幫我盡量少冰到好似走咗冰咁😂而且第一次飲嘅時候唔知飲咩好又唔知邊款珍珠最好食，啲店員都推介得好好👍🏻仲有佢地啲珍珠好值得一提，佢地有好多款珍珠可以揀，聽講桂花好受歡迎，不過我都係鍾意比較常見嘅黑糖珍珠同芒果寒天。

個芒果寒天真係好jeng，個口感好得意，而且寒天無咁肥🤣至於嘢飲，到現時為止試過幾款茶，都好好飲，不過唔算好特別。

最值得一試嘅一定係奶蓋咖啡！！真係好好飲，又可以提神

灣仔區的黃色茶店，舖頭位置不算起眼，但勝在係轉角位，而且鋪面顏色簡潔，一眼就可以望到。

鋪面非常乾淨，店員亦好有禮貌，而且等候時間也很快。

茶飲質素不錯，一齊撐小店

今日去試左個冬瓜檸檬茶加桂花珍珠。

個茶都幾好飲，雖然冇得揀甜度但佢都唔會過甜。

而佢個桂花珍珠幾特別，咬落去煙煙韌韌，仲有淡淡的桂花味。

今日去仲有八五折，唔知個折扣做到幾時呢下次行過再睇吓先。

經過灣仔想飲杯台式飲品，見到依間新開嘅就行咗去睇。

間餐廳裝修都幾搞笑，因為佢哋買嘢嘅counter唔係對住馬路，而係對住巷仔。

Anyway，叫咗個鐵觀音奶茶加芒果蒟蒻同埋桂花珍珠，加咗兩個topic時就滿到成杯都係，用吸管duk 嘅時候重唔小心滿瀉咗出嚟😂桂花珍珠少少桂花味二芒果寒天蒟蒻就好有咬口好特別，非常推介！另外都叫咗杯極品鐵觀音加芒果寒天蒟蒻，本來平平無奇嘅一杯飲品，加咗蒟蒻落去變得好’in un ’ 10分推介。

丸·茶手作餐單提供台灣菜, 台式飲品等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 90722256 查詢。

您對於灣仔餐廳「丸·茶手作」有何 comment？

丸·茶手作餐廳詳細資料：

• 丸·茶手作地址:
  灣仔灣仔道150號明豐大廈地下D號舖
  Bubble Tea Work, Shop D, G/ F, Ming Fung Building,150 Wan Chai Road, Wan Chai
• 丸·茶手作電話: 90722256
• 丸·茶手作價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 丸·茶手作 Facebook

更多丸·茶手作相關資料:

• 丸·茶手作分店
• Youtube
• Facebook
• Twitter
• Google