華 深水埗

華 評價 相片

難得去一次深水埗，咁就順便去呢間位於西九龍中心的雪糕店。

之前友人推介過，話呢間嘅雪糕好好食，我呢個雪糕控就一於去試試!!今次叫咗意大利黑朱古力雪糕，首先入口已經係好濃好濃的朱古力味，而且食得出雪糕本身好厚實，係有咬得開嘅口感，不是一般好快溶水汪汪嘅雪糕，有係歐洲街頭的gelato小店的感覺啊。

呢個質素，只係某些大牌朱古力店雪糕嘅一半價錢，真係好抵食，果然無介紹錯!!

行下西九龍中心，突然想食雪糕就搵咗間黃店支持下！有好多口味，最終1516之下揀咗伯爵茶，本身好鍾意伯爵茶，雪糕味伯爵茶又唔係成日食到，所以就佢啦！伯爵茶味道適中，唔會太淡，雪糕筒都好脆，好味！好過食haggen dazs😋😍

唔知西九開左間雪糕店，淨係比佢門前既雪糕公仔吸引左，感覺有d日本feel。

作為朱古力控，見到佢多款選擇，都係會揀意大利黑朱古力雪糕。

平時都鍾意飲特濃朱古力既多，鍾意朱古力味濃d既野食。

呢款雪糕就滿足到我，朱古力味濃郁，甚至比好多人排既Godiva黑朱古力雪糕好食。

廿幾蚊我覺得價錢okay。

本身個朋友當日肚唔舒服，冇打算食雪糕既，佢試左一啖之後都忍唔住食多幾啖。

可能我食唔同雪糕既經驗少，又或者佢咁岩中我口味，呢款暫時係我食過最好味既黑朱古力雪糕。

好彩我咁岩冇人排既時候買。

我見keep住都有人排，生意算唔錯。

我相信呢間鋪會越黎越受歡迎既。

今晚出來深水埗掃街，經過西九龍中心，發現自己好耐無行過，就突發其想行下，經過呢間雪糕店，見佢 LOGO 都幾日式，就停底腳步睇下，覺得熱熱地都想涼下，所以就決定試下，口味都幾多，款式多樣化，仲有水信玄餅，窩夫，飲品可以揀～又想試牛乳，又想試朱古力，睇相個朱古力好深色，覺得應該會相當濃味，所以索性兩樣一齊試曬佢，要左個雙層軟雪糕 (8.0 牛乳 + 黑朱古力)，滿足兩個願望～賣相非常靚仔，份量都ＯＫ，其實對於 8.0 牛乳我有D期待，因為就算係日本買牛奶，最多都係見到 4.4 左右，不過佢呢個 8.0 牛乳令我有少少失望，因為我覺得其實奶味唔算特別好濃厚，感覺佢唔太似係 8.0 咁？而個朱古力都感覺還好，唔算真係好濃，又可能自己畀太多期望，同想像有落差，個雪糕筒就相當鬆化既，無意慾試其他。

如果你鍾意食牛乳軟雪糕，就要嚟西九龍中心，試下呢間嘅北海道 8.0 牛乳軟雪糕，奶味超濃，質素絕對拍得住其他大牌子，但係售價就平一半😍。

呢度嘅另一名物係意大利黑朱古力軟雪糕，店主話曾經有顧客稱之為平民版嘅 Godiva😱，我今日試咗，朱古力味的確濃郁，但係感覺上稍為偏甜（幅相係食咗一半先記得要影😂）。

所以雖然我勁鍾意食朱古力，但係下次再去幫襯，應該會返兜牛乳雪糕。

如果怕肥又想過下口癮，可以試下呢度嘅一口雪糕，只有一隻手指咁長，好 cute，售價係八蚊，食哂十隻手指都唔驚破產😆。

另外，小店亦有賣雪糕雪條造型嘅文具，包括水筆同擦膠，同樣好 cute🤗。

同店主傾過兩次偈，雖然佢哋冇告急，但係呢幾個月生意其實非常差，但係業主堅決唔肯減租，而家只係苦苦經營😔，加上佢哋只係攞住冰凍甜點製造廠牌照，未能受惠於政府發放嘅抗疫基金，可謂雪上加霜🥺。

如果有雪糕控去開西九龍中心，希望可以過去幫襯下佢哋啦🙏🙏。

華餐單提供西式, 雪糕, 乳酪等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「華」有何 comment？

華餐廳詳細資料：

• 華地址:
  深水埗欽州街37號西九龍中心6樓628A號舖
  Hana Soft Cream, Shop628 A,6/ F, Dragon Centre,37 Yen Chow Street, Sham Shui Po
• 華電話:  
• 華價錢: $50以下
• 分類: 西式, 雪糕, 乳酪
• 座位: 未知
• 付款: 現金
• FB專頁: 華 Facebook

更多華相關資料:

• 華分店
• Youtube
• Facebook
• Twitter
• Google