稻香 深水埗

稻香 評價 相片

前排屋企人聚餐，方便老人家就簡咗呢間一來到個部長就介紹食阿拉斯加蟹，話又抵食又鮮甜，仲大大隻 。

睇落幾抵食，加上老人家未食過就叫咗2隻。

一上菜梗係呃like影反張相先果然冇介紹錯，蟹夠新鮮所以都好鮮甜，蟹腳淡淡肉老人家都食得好開心😄其他小菜都唔錯，霸氣牛柳粒夠淋，有埋黑椒夠香。

薯仔炸過配黑椒都好惹味。

小炒皇同上湯豆苗都幾好，另外，服務態度都幾有善。

老人家上落唔方便，都主動幫手下次都應該會再來

今次兩個人黎稻香食飯，大概6點幾黎到，唔洗等位。

環境整齊乾淨唔錯，服務態度ok。

叫左3餸1湯，食左兩百幾蚊，食到好飽。

而且性價比好高，酒樓晚飯呢個價錢黎講真係算平，值得再黎食！汽鍋川芎魚頭湯。

外表賣相就已經覺得好靚，打開之後見到入面d料勁足，有雞腳瘦肉同埋好多藥材，不過就唔係好見到魚頭。

呢個湯藥材味會幾濃，比較似係食療嘅藥膳湯，個人幾喜歡藥材味所以好鍾意，但係如果唔太鍾意藥材味嘅朋友就要留意翻啦。

紅燒石岐乳鴿隻乳鴿燒到d皮好脆，趁熱食嘅時候真係好脆好好食。

d肉都幾嫩滑，仲有d肉汁，香脆可口。

細細隻，兩個人食一份可以過下口癮。

家鄉魚腸煎蛋份量好足夠，超大份，魚腸好多。

有d蛋邊煎都好脆，好好食，又唔會話太鹹太淡，啱啱好。

醬皇栗子雞煲個雞煲上到黎熱辣辣，味道好濃郁，d雞好入味，栗子仲好粉。

有少少辣椒，不過唔算太辣。

d汁好好味，送飯一流。

昨日，同屋企人去咗稻香食飯。

有個部長介紹咗個好抵食既套餐【金豬宴】。

半席都唔洗1千，有豬又有🐟又有元貝，咁抵食就叫咗半席。

呢幾樣抵讚沙律乳豬乳豬夠熱又夠脆，有d沙律菜，食落去唔會覺得油清蒸魚蒸到啱啱好離骨，又夠滑杏香蝦球夠特別，咬落去QQ，又有d杏仁片蒸元貝大隻又好食燒雞夠熱又夠脆，可能啱啱炸起，好juicy 但個鰻魚飯就一般般，冇咩特別。

整體都，下次食飯都可以繼續來既。

咸水角 油到反光 反到平時經常食炸野既我都唔想食 服務 已經坐到人貼人 所以我就將熱水壺拎張椅放係格離放住先 如果唔係會逼到甲唔到野食 服務員將壺熱水放係我將台到 我已經同佢講無位 之後佢都堅持放多兩次係我將台到結果我完全甲唔到食物 野食已經唔係平 加埋一 一寵蝦餃都34蚊 仲要咁既服務 下次真係請都唔去

一直都知道稻香有宵夜邊爐放題，而且價錢亦都唔算太貴，好似係$138再加一，所以今次就特登搵埋朋友一齊去試吓稻香嘅宵夜邊爐性價比高唔高😂😂我哋一坐低就即刻嗌咗要咩湯底先，我哋揀咗鴛鴦鍋，一邊係清湯一邊係沙嗲湯，我哋都覺得沙嗲湯會比較入味，其次就講下牛嘅質素，我覺得無骨牛小排嘅質素會好啲，因為佢食落去牛味比較濃郁，都算係幾入口即溶，唔會太鞋烚烚😲😲而且有好多種配料俾我地揀，例如海鮮或者丸類，我哋試咗幾隻蝦係幾唔錯嘅。

總括來講其實都唔算太差，有返呢個價錢應有嘅質素⭐️⭐️⭐️值得一試👍👍

稻香餐單提供粵菜, 廣東, 火鍋, 點心, 酒樓等推介美食位於深水埗區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,銀聯,微信支付。

您對於深水埗餐廳「稻香」有何 comment？

稻香餐廳詳細資料：

• 稻香地址:
  深水埗大埔道222-230號快樂大廈地下及一樓
  Tao Heung, G-1/ F, Happy Mansion,222-230 Tai Po Road, Sham Shui Po
• 稻香電話:  
• 稻香價錢: $101-200
• 分類: 粵菜, 廣東, 火鍋, 點心, 酒樓
• 座位: 未知
• 付款: Visa,Master,AlipayHK,支付寶,現金,八達通,銀聯,微信支付
• FB專頁: 稻香 Facebook

更多稻香相關資料:

• 稻香分店
• Youtube
• Facebook
• Twitter
• Google