火鍋煮場 深水埗

火鍋煮場 評價 相片

好耐無同朋友一齊食住火鍋，邊食邊飲邊吹水咁聚舊啦今晚跟朋友黎打邊爐，我地三個人，其中一個（朋友B）遲到！！！所以我同另外一位朋友就食住呢碟外層金黃，食落外脆内彈既香煎墨魚餅，飲住兩杯等佢黎我地三個都唔想食得太濃味，所以今晚就要左個清清地既蕃茄薯仔鍋做湯底味道酸中帶甜既蕃茄湯，感覺特別開胃，同打邊爐必食既牛肉特別夾，正之後我地仲有嗌左其他火鍋料，呢度既手打丸都做得唔錯，尤其係個手打蝦丸同手打墨魚丸，食到有蝦仁粒/墨魚粒，兩款足料又彈牙而遲到既朋友B就好中意食呢度既餃類，佢自己一個都食左成碟雲吞，呢碟係追加之後補影架！！不過呢度既雲吞又真係幾好味既

係呢度想講番前排我去左間,叫火鍋煮場,既火鍋店到打邊爐,真係正! 我本身就好中意打邊爐，屋企話打邊爐，我就一定番屋企食飯！但今次我地食靚野！打邊爐點可以無牛呢～一開始叫左個美國穀飼牛，就平D既,脂肪比例會多小小, 都唔錯既,但對比起安格斯牛 雖然貴小小,但係好食好多,口感,質感同汁感都好好味!我覺得一定要叫呢個!之後介要介紹番萵苣拼蜂巢豆腐同手打蝦丸、墨魚丸、鯪魚球.萵苣,幾新鮮, 而蜂巢豆腐食落去真係好似有好多蜂巢噥噥甘,咬落去有好多湯汁走晒出嚟 ,感好爽. 到佢地既手打丸 賣相睇落打得好靚,食落去,口感彈牙!,仲保持到海鮮既鮮味!,呢幾味好推薦大家食!

🌟紫菜響鈴我係一個打邊爐一定要食響鈴既人🤤響鈴食得多，紫菜響鈴真係第一次食！呢到既響鈴係即炸，新鮮滾熱辣！而且份量夠多，又大條！又脆又香😻推薦👍🏼🌟鮮准山份量多之餘，仲好新鮮，好鮮甜！🌟脆鯇片呢到既脆鯇片又新鮮又大塊，食落口好啖啖肉超滿足！🌟安格斯牛打邊爐邊可以少得牛肉？呢到既安格斯牛都好大塊，油脂分布均勻，見到啲雪花已經好吸引😻🌟手打蝦丸食過平時街市買既丸就知道手打丸係新鮮好多入味好多，仲彈牙好多🥰🌟黑豚肉豚肉唔單只肥美、份量夠多，而且一啲唔會偕！我覺得呢到既食物份量多、價錢都唔會好貴，而且選擇都好多，仲會有小食前菜可以點！

公司開年飯有人提議打邊爐，於是我就建議黎呢度。

老老實實，$500人頭喺深水埗真心唔平，但係d料嘅質素就好明顯好過出面好多地方，今次食阿公梗係有大食大啦，點了象拔蚌刺身、活魚刺身兩食，即係先食刺身，之後就炸脆骨，另外必食自家製水餃雲吞蝦丸墨魚丸。

呢間野嘅老闆仲叫我地食平d嘅安格斯牛，唔好叫牛頸脊，因為佢話安格斯嘅質素穩定d，本地牛頸脊就時得時唔得，真係第一次有老闆或者伙記叫我食平d嗰隻。

佢仲叫我地試吓德國啤酒，又真係好飲過X妹同X島好多，仲要買二送一，真高興😍😍PS：呢間野做老闆好飲得，佢同我老闆互隊5支，全無醉意，我老闆就已經要我哋幫手頂🤣🤣🤣

夜麻麻嚟到深水埗，又唔知食咩嘢好，之後上網check下OpenRice，跟住就發現呢一間食火鍋好似唔錯，而且好多好評，跟住就入咗嚟食。

三個人食咗大概千一蚊左右，叫咗個沙嗲湯底，叫咗啲肥牛，鵝腸，蝦滑，黑柏葉，萵筍，芝士丸。

個湯底都好夠味，但係個鵝腸咬極都咬唔到，而且好苦，所以唔好配沙嗲湯底食。

對呢間有啲失望，因為啲料唔算好新鮮同特別好食，甚至係唔好食，因為鵝腸真係太多肥膏同埋好韌好苦，根本食唔到落肚。

而且價錢偏貴，同埋入去嘅時候冇乜人，感覺一般

火鍋煮場餐單提供粵菜, 廣東, 火鍋, 蒸氣火鍋等推介美食位於深水埗區，餐廳座位數90人均消費約$201-400，結賬可以用Visa,Master,AlipayHK,支付寶,現金,AE，Booking訂位可以電話致電 21047088 查詢。

您對於深水埗餐廳「火鍋煮場」有何 comment？

火鍋煮場餐廳詳細資料：

• 火鍋煮場地址:
  深水埗福榮街14號地舖
  火鍋煮場, G/ F,14 Fuk Wing Street, Sham Shui Po
• 火鍋煮場電話: 21047088
• 火鍋煮場價錢: $201-400
• 分類: 粵菜, 廣東, 火鍋, 蒸氣火鍋
• 座位: 90
• 付款: Visa,Master,AlipayHK,支付寶,現金,AE
• FB專頁: 火鍋煮場 Facebook

更多火鍋煮場相關資料:

• 火鍋煮場分店
• Youtube
• Facebook
• Twitter
• Google