德豐粉麵茶餐廳 深水埗

德豐粉麵茶餐廳 評價 相片

專登落去德豐粉麵餐廳幫襯食個煲仔飯... 聽講好出名煲仔飯架喎... 見到伯伯係門口好努力咁睇住煲仔飯個火... 呢 d 真係越來越少見到...入到去麵好多人... 搵位順便八掛周圍望下... 好多食客都係揀食煲仔飯... 所以都係要耐心咁等... 記得個煲仔飯上台個陣快手落豉油再焗一陣先食... 咁就更香更好味～豉汁白鱔飯鱔片算厚身又夠淋... 飯焦唔會太過火... 對於婆仔來講份量岩岩好... 大食 d 既就未必夠食...北菇雞加潤腸飯雞都算滑... 潤腸好食～

價格愈黎愈貴，涷飲仲要加3蚊份量愈黎愈少收錢丫姐唔俾分開俾仲離譜地叫我地要分開俾就落單叫分開單做收銀做到佢咁串簡直貼錢買難受 😣其他店員服務都好好👍🏽👍🏽

夜晚十點幾霎時衝動想食打冷宵夜,就記得近黃金果邊有打冷鋪,一於去醫肚。

睇餐牌價錢還可接受,叫咗一碗蠔仔粥,蠔仔脹卜卜算是肥美,又冇腥味,粥底材料亦算豐富,包括有章魚、肉碎、脆卜卜既蝦乾、芫西,落埋胡椒粉一齊食,唔錯。

再叫豬手鷄腳跟花生。

鷄腳同豬手都炆得夠冧,整碟野都幾入味。

仲嚟一碟豬耳鵝腎油豆腐底,個豆腐索咗滷水汁我就覺得鹹咗d,鵝腎同豬耳份量夠多,豬耳爽,鵝腎厚切入口夠口,加埋冰凍啤酒一杯,又係最佳拍檔啦。

老實講,好弱食牛得個淋字,食雞得個肥字,飯粒過硬,杯茶冇味裝潢幾好,十足十大陸茶記,員工十叫九唔應我諗住深水埗,又文記又剩你都做到咁耐,見咁耐冇食過你,幫襯下裝潢完之後真係可以慳番。

和同事早左放工，去深水埗買電話卡，同事話想飲杯奶茶，我就有D 肚餓，見今晚要等埋老婆先有飯食，一於食個茶餐先。

行完黃金和高登，又唔想行咁遠，行前少少見到呢間茶餐廳，可以一次過滿足我和同事的兩個願望。

睇完MENU，都唔駛諗，因為太耐無食過炸脾薯條，呢D 食物，利口唔利福，一次半次，豁出去。

一般茶餐廳貨仔，唔會好有驚喜，炸脾係新鮮即炸的，不過就炸得老左D ，外面硬左D ，肉質都OK，但隻脾就細左少少。

薯條味道就麻麻，又唔係鮮炸，一早炸好。

價錢還可以，其實如果肯行遠D ，應該會有好多選擇。

德豐粉麵茶餐廳餐單提供港式, 粉麵, 米線, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「德豐粉麵茶餐廳」有何 comment？

德豐粉麵茶餐廳餐廳詳細資料：

• 德豐粉麵茶餐廳地址:
  深水埗桂林街147號地下
  德豐粉麵茶餐廳,  
• 德豐粉麵茶餐廳電話:  
• 德豐粉麵茶餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 德豐粉麵茶餐廳 Facebook

更多德豐粉麵茶餐廳相關資料:

• 德豐粉麵茶餐廳分店
• Youtube
• Facebook
• Twitter
• Google