嚐。樂 深水埗

嚐。樂 評價 相片

本來係因為見到老闆話鴨胸無人食要取消先想快D去試下結果果日滷水汁無左淨係得瑞士汁 雖然我個人係好中2瑞士汁但之前其實從未試過瑞士汁配鴨胸 之後先發現原來瑞士汁鴨胸甘好味瞬間就愛上左之後又試左酒煮雞翼 超正超入味 比起鴨胸又係一種5同既美味 特別係咬落去時D酒味正！除此之外 又係叫左麻辣粉炸餃 D麻辣粉同D餃子真係好配 連叫左3日停吾到口 真係吾係講笑唉寫完食評諗返起又餓啦 聽日去食豬頸肉雖然未知好５好味　但食左甘多款　對老闆有信心讚左先再講

最近無意睇到一個 post，講西九龍中心 8 樓食堂內嘅一間 “嚐樂” 小店。

今日噤啱同朋友經過開所以一試，同報道一樣好味，我食咗佢地嘅 “蒜香豬頸肉飯”，另外叫多咗 “麻辣味炸雞中翼”、“椒鹽味雞軟骨”，食完真係冇口乾。

雖然佢啲嘢好食，價錢又合理，但佢地真係幾黑仔，生意真係麻麻地，我同朋友坐咗喺佢舖頭對出半個鐘有多，都冇人幫襯，睇嚟佢運氣真係麻麻地，可能要睇吓風水喇。

不過佢地啲嘢食冇味精得嚟又堅好食，真係值得再試。

睇完報導，再嚟幫襯！話說有日見到呢間鋪嘅訪問；睇吓睇吓，原來我食過㗎！好！！今次就食報導中記者激讚嘅食物。

炸雞中翼🐥：外脆內軟、麻辣夠香！夠麻！夠辣！正！！呀！！炸薯條🍟：粗！脆！香！紫菜七味粉🙆🏿‍♂️夠惹味！炸燒賣🍡：不得了！好脆！好有口感！加埋我至愛嘅椒鹽味！嘩！！食到唔停得口。

😻見老闆做得咁有心！唔可以唔支持呢！我問佢係咪真係唔做；佢話頂到會繼續頂，如果唔係租約到都要走。

咁呀，咁有心嘅小店！！我實一路支持！！！！

最近放飯都去咗西九龍中心美食廣場，我試過呢間舖嘅蒜香豬頸肉飯和炸雞中翼拼雞軟骨飯，佢哋啲飯好特別，可以配唔同嘅調味粉，而且佢哋講係自家調制、不加味精。

我就試過佢哋嘅紫菜粉和麻辣粉，兩隻都好好味，尤其是雞翼配麻辣粉，真係好夾。

我本來都冇諗住寫食評，但見到佢地舖頭嗰個哥哥仔好好人，因為佢會幫啲傷殘人士攞啲嘢食去佢哋個位嗰度。

唔知點解西九有好多傷殘人士和盲人，我淨係見過呢間舖會攞佢地送餐，而且佢地仲做長者、學生、殘疾人士優惠。

我想講，佢哋d自家製shake shake粉真係好好味有日放咗學無聊唔想返屋企，上咗去西九飯堂行下，一直都想試下呢間，今日終於試咗炸雞翼，佢哋有五種味道選擇，寫住冇味精，我食咗之後真係唔會好似食完Pizza薯片咁口渴我好食得辣，揀咗佢隻勁辣，真係好好食＄20有五隻，之後買左兩條司華力腸$25，返屋企俾細佬食，細佬都話好好食叫我聽日再買俾佢食聽日想食炸燒賣，而且收銀哥哥好好人，哈哈！佢哋即叫即炸，好惹味下次帶埋細佬來食

嚐。樂餐單提供港式, 小食店, Food, Court等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 63733333 查詢。

您對於深水埗餐廳「嚐。樂」有何 comment？

嚐。樂餐廳詳細資料：

• 嚐。樂地址:
  深水埗欽州街37號西九龍中心8樓美食廣場55號舖
  Happy⚫Taste, Shop55,8/ F, Foodcourt, Dragon Centre,37 Yen Chow Street, Sham Shui Po
• 嚐。樂電話: 63733333
• 嚐。樂價錢: $50以下
• 分類: 港式, 小食店, Food, Court
• 座位: 未知
• 付款: 現金
• FB專頁: 嚐。樂 Facebook

更多嚐。樂相關資料:

• 嚐。樂分店
• Youtube
• Facebook
• Twitter
• Google