加點茶 深水埗

加點茶 評價 相片

今日同女朋友行西九，突然心血來潮想飲肥仔水，然後係五樓豐澤隔離見到一間隱世小店，當我同我女朋友商量緊試唔試下嘅時候，見到都唔少人買，所以就決定一人買一杯！因為肥仔水真係抗拒唔到然後我哋買咗杯芋頭鮮奶加椰果同埋一杯巨峰葡萄綠茶加椰果，好驚喜，估唔到西九龍會出現咁高質嘅奶茶小店！首先講吓杯芋頭鮮奶，女朋友話杯芋頭鮮奶裏面真係有芋頭粒，軟綿綿超好食，唔會太甜，加埋椰果真係Perfect match。

然後我飲過杯巨峰葡萄綠茶加椰果，真係超級超級好飲，非常驚喜。

佢唔似出邊啲舖頭咁冇咩味，反而佢個巨峰葡萄味好出，價錢有好平，性價比真係超高！非常推介比深水埗人 另外值得一讚嘅係，佢哋嘅店員好有禮貌，態度好好！！不過好可惜嘅係，佢哋舖頭嘅位置真係比較偏僻，超級隱世… 好難先發現到…

有一段時間冇嚟西九龍，估唔到開咗間性價比極高的奶茶舖。

Menu上有好多選擇，想飲嘅都有，而且價錢亦出奇地親民咁我就嗌左杯芒果奶蓋，啲奶蓋飲洛口好滑好重奶蓋味，芝士味都好重 奶蓋黎講做得真係十分之出色而且甜度亦適中 芒果亦好鮮甜 份量亦都好足料 非常之推介另外個朋友就嗌左杯抹茶牛奶珍珠，抹茶味唔似其他店舖太淡，飲落口味道好濃郁 珍珠咬落口都好有口感 總括嚟講，以小店嘅水平來講呢間係做得十分之出色 下次有機會一定會再嚟試吓

前排行開蘋果商場，見到間新開嘅手搖飲品舖，就入咗去試吓，好有驚喜。

飲品Menu選擇都好多！仲有啲好特別嘅飲品，例如Oreo奶茶沙冰，雲石芒果鮮奶沙冰。

上次試過黑糖珍珠奶茶同仙草奶茶飲得出用料都係實在👍🏻👍🏻，茶底夠香～簡簡單單飲杯冷泡茶都好正！今次就飲雲石草莓鮮奶沙冰，杯野真係勁少女心，雲石紋好吸睛！鮮奶同草莓醬溝埋左之後又唔會太甜～仲好貪心加咗個奶蓋～鍾意打卡嘅你真係可以試下～🥳偷偷地望到店主係用靚鮮奶👍🏻👍🏻

食完野就緊係要叫番杯野飲下先完滿㗎啦！咁岩經過5樓豐澤隔離條行仔見到有間小店做緊9折😆、c9仔性格既我緊係即刻走去買番杯飲下啦、就叫左杯招牌芝士奶蓋草莓雲石！奶蓋就咁飲都唔會好咸、味道岩岩好、溝好哂又唔會太甜、仲要有啲草莓粒粒咬下、唔夠咬口仲可以加啲配料咬下、大部分配料都只係$3咋😋、唔係唔加呀！直得一試呀！！

一間座落係西九龍5樓角落既小店。

嗰日無意行過見到新開既就試下，第一次去叫左杯黑糖珍珠鮮奶，平身自己飲開少甜但嗰下禁岩有電話入講漏左，拎到手既時重係到諗無叫少甜，一定甜到爆。

飲落去竟然唔係甜到流，而只係少少既黑糖甜味，珍珠比起外面既連鎖店更有嚼頭，黑糖既甜味同牛奶既甜味混合得岩岩好。

建議可以一試

加點茶餐單提供台灣菜, 台式飲品等推介美食位於深水埗區，餐廳座位數未知人均消費約$50以下，結賬可以用AlipayHK,現金,八達通,微信支付，Booking訂位可以電話致電 29891822 查詢。

您對於深水埗餐廳「加點茶」有何 comment？

加點茶餐廳詳細資料：

• 加點茶地址:
  深水埗欽州街37K號西九龍中心5樓蘋果商場5K385-386號舖
  Plus Tea, Shop5 K385-386, Apple Mall,5/ F, Dragon Centre,37 K Yen Chow Street, Sham Shui Po
• 加點茶電話: 29891822
• 加點茶價錢: $50以下
• 分類: 台灣菜, 台式飲品
• 座位: 未知
• 付款: AlipayHK,現金,八達通,微信支付
• FB專頁: 加點茶 Facebook

更多加點茶相關資料:

• 加點茶分店
• Youtube
• Facebook
• Twitter
• Google