三色兄と妹 深水埗

三色兄と妹 評價 相片

終於可以喺西九龍中心8樓搵到一間係完全冇味精嘅日式家庭料理，好有家的感覺，間小店係家庭式經營，老闆好有心機，每樣野都好精緻，味道要求好嚴格。

1.日式牛肉飯，老闆好有心機即叫即整，完全冇落味精，加埋溫泉蛋撈飯絕配，性價比好高。

2.日式薯蓉沙律，未到啱啱好，好fresh嘅感覺。

3.牛肉蘆筍卷，蘆筍好新鮮，清甜爽脆，同牛肉夾埋一齊夾埋燒汁真係好好好好好好味絕對要試。

總括成間小店性價比好高，冇落味精，有屋企嘅美味。

估吾到起美食廣場搵到間咁正既日本家庭料理😆食物方面都多選擇，味道又好食😋我最鍾意食佢地既烏冬，好有口感😍而店員既服務態度很好，睇得出好有心👍🏼整體感覺不錯，有下次！

呢間位於西九龍food court, 由兩兄妹打理既小店，已經係第二次黎。

門面有好多妹妹親手畫既公仔，揀食咩既時候都開心啲今日同朋友試左幾樣野，我食左個香港人加油餐，係溫泉蛋冷烏冬配迷你炸物，朋友食左個燒汁牛肉烏冬，小食叫左個炸手羽花同薯仔沙律（漏左影薯仔沙律）唔好覺得睇落唔多，兩個女仔要食哂都幾吃力，可能因為個薯仔沙律😂兩個烏冬都好好味，冷烏冬質地就煙韌啲，我就好中意呢個口感，而且熱天食個冷烏冬真係好爽，迷你炸物都唔算迷你，有肉又有蕃薯，啱哂口痕食炸野又唔想食太多既人，而牛肉烏冬味道就較為濃啲，朋友都覺得好好味。

小食方面，炸手羽花配明太子醬真係好惹味，整哂單骨雞翼，食落都方便啲，而且整哂花型配個心心醬盒，好有少女心❤️ 最後薯仔沙律都要講一講，真係好足料，最中意佢有青瓜喺入面，爽脆既口感撞落個軟綿綿既薯蓉度真係好正。

野食好味而且價錢又抵，如果去開西九龍都好值得去試下🤤🤤🤤

好耐無去過西九行街，同朋友行到肚餓咁岩見到呢間店，經店主介紹先知道原來佢地近期新開。

見到佢哋價錢同埋份量都好合理所以就試咗試🌸😊嗰日試咗個飯同埋多春魚❤️三色天婦羅飯同南蠻多春魚都出色👍🏼👍🏼但不得不提個多春魚真係好好食呀🐠🐟本身自己好鍾意食多春魚而出邊有得食嘅都地方唔多店主都推介真係冇介紹錯❤️❤️呢間小店值得encore👍🏼👍🏼👍🏼Ps 佢哋仲有推出抗疫價。

良心小店👍🏼香港人加油啊❤️

西九龍中心美食廣場新開張的日式小食品，門面有兄妹二人畫像，好kawaii，星期日中午到，都無乜食客，又有預留隔離枱，食得安心，所以率先一試！主食有六款，另加幾款小食，我地兩個人叫左兩個主食兩個小食，鰻魚飯同豚肉飯，加炸手羽花同蔥花牛肉卷，跟餐仲送兩個麵豉湯😋足料，飯既份量亦好夠，小食香口又精美，我最中意食係佢既炸手羽花，推推推，除左放得好靚之外，個醬料盒仲要係心形架，少女心爆發，打咭一流😝Btw, 店主好靚女又nice💜 哥哥仲親自拎埋送出黎比我地，好好服務👍🏻 支持本地小店美中不足既係食堂啲櫈面係傾斜，袋要放枱面或手拎住

三色兄と妹餐單提供日本菜, 小食店, Food, Court等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 63897538 查詢。

您對於深水埗餐廳「三色兄と妹」有何 comment？

三色兄と妹餐廳詳細資料：

• 三色兄と妹地址:
  深水埗欽州街37號西九龍中心8樓美食廣場60號舖
  Ani To Imoto, Shop60, Food Court,8/ F, Dragon Centre,37 Yen Chow Street, Sham Shui Po
• 三色兄と妹電話: 63897538
• 三色兄と妹價錢: $50以下
• 分類: 日本菜, 小食店, Food, Court
• 座位: 未知
• 付款: 現金
• FB專頁: 三色兄と妹 Facebook

更多三色兄と妹相關資料:

• 三色兄と妹分店
• Youtube
• Facebook
• Twitter
• Google