ohm... Cafe and Bar 深水埗

ohm... Cafe and Bar 評價 相片

假日晚上約了好朋友來到深水埗摸下酒杯底。

以「日啡夜酒」為概念，日間主打咖啡讓你提神醒腦，夜晚化身令人微醺放鬆的cocktail bar。

餐廳裝潢走型格路線，晚上配以cyberpunk燈光。

而逢星期日晚上更有busking表演，享受音樂和美食的同時，輕酌一杯，感受著輕鬆的氛圍。

這裡有多款cocktails，當中竟然有dessert cocktail😳 有四款港式糖水創意cocktail ($128)：紫米露、芝麻糊、豆腐花、楊枝甘露，配以不同酒作基調，味道幾得意。

🔹紫米露內有粒粒紫米，既有椰香又有陣陣rum酒香❣️🔸豆腐花仿真度超高，仲配搭紅糖。

淡淡豆腐味，Vodka味不會太突出✨🔹楊枝甘露以bacardi carta blanca做基調，配搭芒果及柚子，味道不錯👍🏻🔸是日奶昔 biscoff milkshake $58以Lotus biscoff打成奶昔，還有棉花糖做裝飾，賣相吸引💕🔹小食拼盤 $198內有泰式香辣魚餅、炸海苔魷魚條、青檸芥辣炸一口雞卷、火炙雞泡魚乾伴蛋黃醬，惹味下酒一流！剛好餐廳15 May 18 Jun期間推出「微醺之夜」，當中有兩道以酒入饌的食物：🔸花雕酒牛油煮大蜆 配薯條 $168醬汁超香，大大隻蜆，鮮味有少少酒香，以醬汁蘸薯條，好味道呀！🔹清酒忌廉蟹肉紅蝦米意粉 $138蟹肉及紅蝦米不吝嗇 ，creamy但不會膩。

🔸吾係章魚燒賣 $58炸燒賣配搭章魚丸醬汁及沙律醬，又幾夾幾好味喎！整體份量比預期中多，食物味道有水準，小食下酒更是一流。

當晚還有busking瞬間炒熱了現場氣氛可惜第二天要返工，不能太夜離開🥴

香港樂隊Kolor開設嘅咖啡店/酒吧。

日間係咖啡店，夜晚就變成酒吧，主打cocktail，以「日啡夜吧」模式經營。

裝修好有格調。

✨唔係章魚燒賣炸燒賣外脆內軟，加上章魚燒醬汁、沙律醬同紫菜，真係以為自己食緊章魚燒，有趣🙌🏻✨蒜香甜酸腸仔波腸仔波口感厚實，蕃茄醬汁配上蒜蓉，酸酸甜甜，惹味開胃。

✨小食拼盤一次過滿足哂我四個願望💗有泰式香辣魚餅、香炸海苔魷魚條、青檸芥辣炸一口雞卷、火炙雞泡魚乾伴蛋黃醬。

尤其喜歡魷魚條，酥脆非常，唔油膩，配上海苔仲好香；雞泡魚乾亦夠煙靭唔乾身，佐酒一流。

✨意大利黑醋牛脷牛脷好軟腍，外層有少少焦香，配上酸甜黑醋配搭不錯。

✨冬蔭公海蝦扁意粉有驚喜🌟扁意粉煙靭彈牙，冬蔭公酸酸辣辣味道都幾突出☺️海蝦鮮甜，喜歡嘅可以再加少少青檸汁提味。

✨紅酒白菌牛脷扁意粉牛脷一樣出色，意粉帶有淡淡紅酒味，咖加上炸蒜粒香味，都唔錯喔🙌🏻✨楊枝甘露/豆腐花見到呢兩個名以為自己去左甜品店😆兩者都係cocktail。

前者顏色嘅層次好靚，以Bacardi carta blanca做base，加上mango同pink guava purée ，果味都好香。

後者以grey goose vodka做base，細味有椰子味、豆味同薑味。

建議唔需要攪勻，口感層次會更豐富。

✨Ocho Chocolate Old FashionedSignature drink🌟傳統whisky base cocktail，加上雲尼拿香同咖啡豆煙燻香，杯邊嘅朱古力同爆炸糖可增添一份甜。

✨愛的泡泡衣索比亞G1豆冷萃咖啡做base，加入西柚果香，頂層仲有以洛神花茶打成嘅泡泡，甜甜地好易入口。

放假飲番杯🍸是必須的！最近去左間日Cafe夜Bar既小店，食物同飲品質素都唔錯～ 原來Kolor有份開架添！ ➿ 火炙雞泡魚乾 ($40)係鐵飯腳每一次必叫既佐酒小食🥰 佢都未開口，我就預左要叫了～ 雞泡魚乾火炙後都唔會太乾身，點埋蛋黃醬，正👍🏼➿ 青檸芥辣炸一口雞卷($68)雞卷又幾多粒，青檸同芥辣酸酸辣辣既味道好夾雞卷既口感～➿ 牛油果芝士墨西哥粟米片 ($88)鍾意佢地既nachos配料份夠多，芝士夠多🧀 而且經過火炙，所以多左一陣煙燻味～➿ 𝑾𝒆𝒆𝒌𝒍𝒚 𝑹𝒆𝒄𝒐𝒎𝒎𝒆𝒏𝒅𝒂𝒕𝒊𝒐𝒏 𝑷𝒂𝒔𝒕𝒂: 紅酒牛肋條扁意粉 ($118)味道幾有驚喜😋 牛肋條肉質軟冧，扁意粉幾掛汁，有紅酒既酸味，但溫和🍷➿ 黑芝麻芝士蛋糕 ($58)大愛個擺盤，好有美感✨✨ 蛋糕黑芝麻味幾香，濃郁程度恰到好處～ 又可以飲酒，又可以食到高質蛋糕，真係好少地方可以做到！店員好用心咁介紹唔同既酒精類飲品👍🏼➿ 𝑶𝒄𝒉𝒐 𝑪𝒉𝒐𝒄𝒐𝒍𝒂𝒕𝒆 𝑶𝒍𝒅 𝑭𝒂𝒔𝒉𝒊𝒐𝒏𝒆𝒅($128)酒精濃度幾高既一杯🥃 如果鍾意咖啡、朱古力，又鍾意飲酒，要叫呢杯，有煙燻咖啡既香氣，又有威士忌，杯邊又加左朱古力榛子醬同爆炸糖，呢個配搭幾夾！➿ 𝑱𝒊 𝑴𝒂𝒊 𝑳𝒐𝒖 ($128)冇諗過甜品都可以變做一杯Cocktail🤩 飲落左層層既感覺，但環環相扣，先係表層既紫薯奶泡🫧 然後就係Bacardi 8Yo Rum、椰子Rum同紅豆酒🫘既混和，再飲到既係自家製真材實料既紫米露，底部仲咬到一粒粒既紫米😋 成杯飲品就係咁有層次～ 我估我會為左試其他dessert cocktail而再黎！🦥

Kolor在深水埗開設咖啡店OHM！咖啡店以「日啡夜酒」模式經營，即日頭係咖啡店，入黑燈光一轉即變成酒吧！與我們的生活步伐相似，日間要精神弈弈，所以好眼瞓時飲返杯咖啡提下神，晚間則要放鬆，夜晚可以同好友下酒傾吓計，或許有時工作不如意，心煩時將不快拋諸腦後！店舖主打主打手沖咖啡及特色雞尾酒，好有特色和創意，重有多款自家創作既小食，高水準又好食，酒和咖啡都係我心頭好，今晚就先黎朝聖試試特色洒類開心下先😊🍨▪️TofuFa豆腐花賣晒完全就係一碗豆腐花既造型，用百加得蘭姆酒、薑汁酒、豆漿、椰子水和豆腐花組成，口感香滑，酒味唔會太濃，超香豆腐花味，唔夠甜重可以加黃糖，好驚喜💛🥃▪️Ocho Chocolate Old Fashioned 酒精度極濃，用上Bacardi Ocho Rum ，Dewer's 12 Special Reserve 威士忌 、朱古力苦味酒、Angostura 苦味酒、糖，最特別有朱古力醬和脆脆在杯邊，邊飲邊食，配合這杯烈酒，味道出奇地夾，甜苦相間同做人一樣🍸▪️Longing Tea Highball Dewer's 12 Special Reserve威士忌、龍井茶、梳打水，加咗龍井茶既Highball 第一次飲，淡淡茶香，非常唔錯🍶▪️大吟釀全晚最喜歡這杯，有四種酒組成，Kolor 大吟釀、梅酒、紫蘇酒、柚子洒，好重紫蘇味，微微甜，超正🌭▪️蒜香甜酸腸仔波 濃濃嘅蕃茄蒜香醬，酸甜味適中，味道好好，配合腸仔波，好開胃的小食👅▪️意大利黑醋醬煎卡津牛脷 必食推介，牛脷超軟腍好入味，鹹鹹香香，配上芝麻和黑醋醬汁，好滋味🥙▪️牛油果芝士墨西哥栗米片 材料滿滿，炙燒過既芝士鋪滿在粟米片上，配上牛油果蓉和特調醬汁，香脆又滿滿芝士口感，好喜歡，真心正🍝▪️紅酒白菌牛脷扁意粉 （每週精選）好喜歡這個意粉的調味，紅酒汁遇上白菌和牛脷，濃調的味道帶蒜香，而且意粉軟硬適中好掛汁，牛脷好腍又入味，每周精選意粉每個星期都唔同，有驚🍟▪️青醬芝士脆薯條食咗咁多嘢，仍然意猶未盡，最後點埋我最鍾意嘅薯條，一樣有驚喜，香蒜羅勒醬加上芝士碎，淋上即炸香脆既薯條，味道如此配合，提議唔需要點任何醬汁，味道一流

白天是咖啡店☕️，夜晚搖身一變，就成為酒吧。

燈光亦隨之而變得迷幻神秘💠 餐廳由本地樂隊主理，所以無論裝飾及飲品都加入很多本土及音樂元素🤘🏻戶外座是寵物歡迎，店內仲有個寵物用品corner ，可以同🐶🐱shopping 🛍️必試4杯特色甜品cocktail 🥰🧡楊枝甘露、🤍豆腐花、💜紫米露、🖤黑芝麻創新地將港式甜品加入cocktail 中，豆腐花賣相最突出，用木碗盛住，配上黃糖，綿密的奶泡，濃郁的豆香，及酵香酒味。

而黑芝麻味道就最清新🍫Ocho Chocolate Old Fashion煙燻味突出，酒味較濃，杯邊加上朱古力加爆炸糖💥🌟限量純米大吟釀「一秒無價」連限定紀念木盒🍶，獨一無二，賣哂就無喇😍至於食物方面，除了意粉🍝外，還有特色小食。

推介～唔係章魚🐙燒賣，炸燒賣外脆內軟，配燒章魚汁，及紫菜，夠哂香口而小食拼盤，有泰式辣魚餅、炸海苔魷魚、青檸芥辣炸一口雞卷、燒雞泡魚干，份量多好惹味，伴酒一流

ohm... Cafe and Bar餐單提供多國菜, 咖啡店, 酒吧, 動物友善餐廳等推介美食位於深水埗區，餐廳座位數40人均消費約$101-200，結賬可以用Visa,Master,AlipayHK,現金,八達通,AE,Apple,Pay,Google,Pay，Booking訂位可以電話致電 61467930 查詢。

您對於深水埗餐廳「ohm... Cafe and Bar」有何 comment？

ohm... Cafe and Bar餐廳詳細資料：

• ohm... Cafe and Bar地址:
  深水埗汝州街152號地舖
  ohm... Cafe and Bar, G/ F,152 Yu Chau Street, Sham Shui Po
• ohm... Cafe and Bar電話: 61467930
• ohm... Cafe and Bar價錢: $101-200
• 分類: 多國菜, 咖啡店, 酒吧, 動物友善餐廳
• 座位: 40
• 付款: Visa,Master,AlipayHK,現金,八達通,AE,Apple,Pay,Google,Pay
• FB專頁: ohm... Cafe and Bar Facebook

更多ohm... Cafe and Bar相關資料:

• ohm... Cafe and Bar分店
• Youtube
• Facebook
• Twitter
• Google