C2Kitchen 深水埗

C2Kitchen 評價 相片

之前成日經過保安道，知道依間餐廳都一段時間，今日終於可以去試下個晚餐。

環境一眼睇晒，可以坐廿幾人，如果坐滿都真係幾迫幾嘈。

睇完個餐牌，發覺唔算多野揀。

如果想叫Ｄ特別食物，例如Seafood Platter同扒類食品，就要睇出餸位上面塊版或牆上塊版。

但係塊版好細塊Ｄ字又好細粒，而且又反光，睇得好辛苦。

我地order左前菜－香蒜芝士焗法式田螺($32)薯蓉好滑，係油左d但整體唔錯～跟餐加$28嘅是日湯－黑松露忌廉湯黑松露嘅味唔會太搶，Good~煙三文魚，菠蘿芝士千島汁薄餅($76)可切到6塊，2個人食岩岩好。

唔知係把刀太鈍定餅底太難切，一直都切唔到，所以要用手嘶開佢。

我個人鐘意薄餅底嘅，所以見到都心心眼，個餅皮都脆脆地，而且都多芝士，係好味嘅。

鮮蟹肉明太子忌廉汁扁意粉($66)講到明手工意粉，點都要試下佢地個主打。

扁意粉係幾正，而且份量都唔少，可惜我覺得蟹肉只係罐頭貨色，並唔係新解拆出黎個d，不過幾十蚊都預左唔會係新鮮嫁啦。

加多$10叫嘅熱情果菠蘿星星梳打，依個非常普通。

不過有點小插曲，就係我地碟意粉俾左隔離個檯，我見隔離檯影下相咁，隔左一陣先同侍應講話黎錯左。

咁侍應即check單同拎返入廚房，隔左一分鐘就拎返依碟俾我地啦。

係依家痠情咁嚴峻下，唔會知隔離檯有冇飛抹噴到自己碟野，所以其實都幾擔心嫁，希望侍應下次可以醒目少少啦。

加埋一食左$233，價錢其實都幾抵，出貨可能會慢左少少，同埋得一個侍應，所以佢一腳踢會辛苦少少，如果漏單就要提醒下佢。

星期五又係同朋友lunch嘅日子，我哋都鍾意捐窿捐罅喺深水埗長沙灣一帶搵嘢食。

前排見到有報導森美都嚟C2 Kitchen食，見價錢又ok就一於試下啦😄。

餐廳位置其實都幾隱世，喺樂年花園對面，一堆車房之中，普通行街一定唔會經過。

話雖如此，食客源源不絕，好彩我啱啱好一點鐘嚟到，遲多五分鐘都要等位！我哋2個人坐咗喺chill chill的窗口bar枱位，無咩風景但街道人少少，幾舒服😌。

餐廳座位唔多又唔少，坐到2x30人啦，枱同枱之間空間較窄，不過勝在環境光猛，裝修簡約！聽聞呢到出名手工意粉🍝，lunch menu有唔少pasta揀，亦有扒餐供應，而牆上就另外貼出2款是日午市推介。

價錢由$52至$82不等，包沙律、餐湯同飲品，再收加一服務費。

最平嗰款計落都算幾抵，食牛扒就貴啲，豐儉由人。

我同朋友就叫咗一碟pasta同一個main dish share嚟食😋。

首先係甜粟米焙煎芝麻醬田園沙律🥗同粟米忌廉湯🥣，兩樣都有唔少粟米🌽粒，所以我都幾like。

份量適中，唔會俾人有孤寒嘅感覺。

麻醬沙律幾開胃好食，菜亦都新鮮。

湯就正正常常啦，個味道都幾熟悉。

主角一出場啦，雞柳西蘭花黑松露忌廉汁尖通粉($52)，上碟就唔算十分精美，主要都係見到長通粉，餸亦都唔多。

但一摷起呢，就發現原來下面勁多汁，黑松露味超香撲鼻而來😍，完全估唔到。

通粉好彈牙，口感QQ的，唔係平日食開偏淋嗰種，唔錯唔錯。

不過我認為雞柳🐔同西蘭花🥦可以多啲，依加有點美中不足。

好快就到主角二出場喇，香煎挪威三文魚扒蕃茄牛油汁配薯角($78)，呢個係其中一款是日午餐嚟，見唔係咁多餐廳有煎三文魚食🐟，所以就試下，其實見隔離枱嗌牛扒都幾吸引！一上枱就發覺無叫錯，午餐用木盤送上，勁厚肉大嚿嘅三文魚上面淋上蕃茄牛油汁，望見已經好想食😋。

首先三文魚外皮邊邊煎到好脆好香，而魚肉就好滑好嫩但又唔會腥，保持到好juicy，勁高質！份量超多，魚扒勁大塊勁厚。

至於個汁，唔係想像中嘅蕃茄酸🍅，反而係甜甜哋又重香草味，令我聯想起pizza，另外仲搭配咗啲菇。

最後伴碟嘅薯角熱辣辣亦都好正，同時呢個set仲有啲前菜嘅沙律😂。

食完午餐已經好飽飽好滿足，不過仲包餐飲，我哋分別叫咗秋日特飲🍁，唔使加錢。

朋友要咗熱生薑菊花蜜，佢話夠哂薑，幾潤。

我就要咗冰凍薄荷鮮檸蜜，我完全估唔到杯嘢勁綠色🙈，好吸睛。

第一啖飲覺得味道好複雜，好似試飲緊有乜成份，但飲落其實都ok的，係有薄荷同檸蜜味，不過原來我嗰杯都有薑，又係夠哂薑味，正，飲完喉嚨熱騰騰🤪。

總括嚟講，呢間西餐廳喺內街都擁有咁高人氣唔係無原因的，皆因食物好味，煎三文魚扒真係超高質啊🤤！餐廳以西餐來講其實都算性價比高，當然喺深水埗區就唔係至抵之選。

我下次嚟想試多幾款pasta，今次剩係食咗長通粉，畢竟呢到出名嘛。

除咗鹹食外，仲見到有個甜品menu，有好多款都好想食啊，下次又要試埋。

最後想講埋服務方面，樓面店員主要有2位，點餐送餐一腳踢，好忙但都有禮貌，不過如果可以有多點笑容就更好啦😃。

題外話，我仲見到餐廳有賣好多手工啤酒🍻，放工嚟happy hour亦係一個唔錯嘅選擇！用心小店，加油💪。

鮮蝦明太子忌廉汁意大利粉 意粉質感較煙韌🍤蝦都幾大隻, 煎得外脆內軟,仲有蝦膏tim個明太子醬配意粉係一流,不過可以將個醬減番少少個份量就fit晒,會無咁流 😝😝

一直都很喜歡尋找不同款式的餐廳，這次在網上看到有位名人在網絡上介紹這間位於深水埗的西餐廳，推介他們的手製意粉，也提及可以以很經濟的價錢享用高質的食品。

聽到這推介，就很快相約了男朋友到這餐廳試試！由於當時快到聖誕節，到處的聖誕氣氛也很濃，大家都紛紛到外面預祝聖誕。

等候的人也不少，我們大概等了30分鐘才能入座。

店內的員工不多，看得出有點忙亂。

我們就點了在網上被推介的溫泉蛋卡邦尼扁意粉沙律，三文魚pizza和水牛城雞翼。

所有食品的價錢真的不貴，但可能我有點期待的關係，覺得推介的意粉並沒有太大的特式，味道偏淡。

但以這個價錢($45)來說已是不錯。

三文魚pizza不錯，熱呼呼的，芝士也很香。

整體來說也是可接受的，如經過深水埗也可以再試試！😊

個晚我地要落尖沙咀食飯，早上大家都有野做，我就話不如去ssp，好耐都無去過，就咁我地就約左係呢係我想試好耐既手工意粉! 我睇過報道又再加埋係“手工意粉”，我係有期待既，雖然唔算得失望，但以小人店黎講同呢個價錢，係唔錯既，但我想信佢可能再好尐!溫泉蛋卡邦尼扁意粉 $45 轉餐加28一向我都係白汁既朋友，Carbonara 更是至愛之一XD 但又係個句，做得好真係好難...我食落個味正常，但無咩蛋香，而手工意粉一係就已經整好一段時間，一係就入既，食得出唔係新鮮即整既. 不過真係既，呢個價錢，絕對收貨，只係我期望佢好食尐北海道帶子野菌忌廉汁闊條麵 $62 轉餐加$28帶子好好味! 好鮮甜，呢個一定無厄你! 但個野菌忌廉汁就唔夠出，食唔到菇菇味，就cream咁囉，同上意粉口感唔夠預想的好，不過就幾正宗，唔會過林飲品無特別問心，佢係抵食，唔差，但如果以方便加味道，我應該會去搵其他!有可能係希望越大，失望越大啦，但佢個量同個味唔差架! 如果真係經過附近，可能會再試，但我應該會選擇搵新野!

C2Kitchen餐單提供西式, 薄餅, 咖啡店等推介美食位於深水埗區，餐廳座位數未知人均消費約$51-100，結賬可以用Visa,Master,現金,AE，Booking訂位可以電話致電 39968429 查詢。

您對於深水埗餐廳「C2Kitchen」有何 comment？

C2Kitchen餐廳詳細資料：

• C2Kitchen地址:
  深水埗保安道1號寶安閣地下1號舖
  C2Kitchen, Shop1, G/ F, Po On Court,1 Po On Road, Sham Shui Po
• C2Kitchen電話: 39968429
• C2Kitchen價錢: $51-100
• 分類: 西式, 薄餅, 咖啡店
• 座位: 未知
• 付款: Visa,Master,現金,AE
• FB專頁: C2Kitchen Facebook

更多C2Kitchen相關資料:

• C2Kitchen分店
• Youtube
• Facebook
• Twitter
• Google