天晴日本料理 灣仔

天晴日本料理 評價 相片

今日黎食日本野，時時聽人講呢間好好食，今日搵到機會黎試下，係灣仔食星期一至五既午餐，呢間一定要提前book位，如果walkin可能有排等，今日我地book左位，入地去覺得比較暗，唔夠光，好多人已經坐左係到，服務員好忙碌，人一入到去就要即刻落單，因為太多人，佢叫左先整，叫慢左可能有排先有得食，所以一入去睇完餐牌就叫左滑蛋豬扒飯，跟餐有麵豉湯，湯就鹹左少少，蒸蛋剛剛好，好食，配菜好好味，個橙就酸左少少，但個豬扒好好食，炸到剛剛好，唔會太硬，超好味，雖然係貴左少少，但食物真係做得好好。

同同事一星期都會搵一至兩日lunch食好啲，調劑下返工苦悶嘅心情 今次決定食日本嘢。

呢間日本料理午市都幾多人，要等一陣位。

由於太多人，我哋都唔能夠坐鐵板燒位置。

我哋去到一心想食鐵板燒我同另一個同事就叫咗鐵板燒鐵板燒餐唔算好貴，灣仔價錢$168 都算係合理， 鐵板燒餐我揀左薄燒牛肉、帶子及大蝦，配炒飯、蒸蛋、麵豉湯及橙☺牛肉同蝦都好味， 牛肉五成熟左右，唔係好老，蝦都算新鮮爽口， 如果大隻啲就更加好不過帶子落左香草就無左日式feel😅另一個同事叫左是日定食$108，有海膽、吞拿魚蓉及三文魚刺身飯加烏冬，好豐富 仲配蒸蛋及麵豉湯堅抵食。

食物質素尚算ok， 都不失為一個唔錯嘅午餐選擇。

位於灣仔謝斐道，華嫂冰室格黎，呢間日本野好受OL們歡迎，lunch time唔預早book位基本係無咩可能walk in，12:30之後先黎，門口已經堆滿人lunch set價錢$80130左右，係灣仔銅鑼灣日本菜黎講算正常價錢，但選擇多，又跟餐，味道唔錯，所以值得推介今次叫左牛肉雜菜鍋定食$108，姐係壽司燒，暖粒粒好好食，牛肉足料，湯底甜甜地又唔會太濃，登龍街日本野食壽喜燒銅都要$120左右，呢道包埋蒸蛋、湯、仲送生果，算係咁

係香港食到好既鐵板餐真係唔多容易一係超貴一係就無質素呢間天晴都算係中規中矩喇呢日返工個同事介紹黎呢度食鐵板餐我都心諗好耐無食過鐵板燒所以口痕想試我叫左個比目魚鐵板燒定食晏晝黎講呢個份量都算係咁魚身都幾滑不過鹹左少少佢定食仲有包埋茶碗蒸啦麵豉湯同薯蓉仲有兩舊橙整體黎講算係中規中矩不過不失啦不過我想講既係呢個午市定食係唔包野飲的呢一點真係有點失望過百蚊午餐食間普通食店然後居然無飲品係咪我要求太高？🤦‍♂️🤦‍♂️

約了妹子同姨㽒食生日飯本來係打算介紹妹子食華室，因為我遲來嘅關係，妹子話華室條龍長到爆晤想排，然後見到隔離日本野冇人，所以就改食日本嘢喇🤣🤣一入到去環境舒適座位寬闊望吓餐牌價錢唔算太貴但眼望周圍得一枱客食緊野😯跟住我同妹子一人嗌咗一個餐我嗌左特價魚生飯妹子叫咗滑蛋豬扒魚生厚切，仲有六塊咁多，然後仲有海膽魚生都好夠新鮮，跟餐仲有個蒸蛋仲有一個小食牛肉條，仲包一個湯😱都只係108咋喎雖然我個蒸蛋比我姨㽒搶食晒但我深信應該係幾好味因為佢食晒🤣而我都試咗妹子嘅滑蛋豬扒，吉列炸得剛好，豬扒好夠熱，不過就略嫌淡味左小小但你點一點Wasabi豉油又OK其實整體來講我同妹子都覺得唔錯完全唔明點解冇乜人幫襯嘅🤨而且服務態度都好好不過同可能同華室比較嘅話價錢就比下去但話晒呢度都係日本餐廳吖唔知晚餐價錢如何，不過lunch可以再encore

天晴日本料理餐單提供日本菜, 鐵板燒, 壽司, 刺身等推介美食位於灣仔區，餐廳座位數未知人均消費約$101-200，結賬可以用現金，Booking訂位可以電話致電 24263211 查詢。

您對於灣仔餐廳「天晴日本料理」有何 comment？

天晴日本料理餐廳詳細資料：

• 天晴日本料理地址:
  灣仔謝斐道254-272號杜誌台地下6-8號舖
  Crystal Sky, Shop6-8, G/ F, Tonnochy Towers,254-272 Jaffe Road, Wan Chai
• 天晴日本料理電話: 24263211
• 天晴日本料理價錢: $101-200
• 分類: 日本菜, 鐵板燒, 壽司, 刺身
• 座位: 未知
• 付款: 現金
• FB專頁: 天晴日本料理 Facebook

更多天晴日本料理相關資料:

• 天晴日本料理分店
• Youtube
• Facebook
• Twitter
• Google