新皇后餐廳 深井

新皇后餐廳 評價 相片

Don't expect it will give you a surprise. If I can choose again, I will choose to go to 椰林"Kok" law, which is similar level...

12月28日係我同男友拍拖5週年紀念, 想重溫以拍拖既片段, 所以book左係呢到食飯(因為以前拍拖成日都會0黎食).當晚八點去到, 有七成既枱都係吉既.因為天氣凍既關係, 所以選擇左坐室內. 因為christmas連埋元旦既關係, 餐牌只係show set既價錢. 因為自己食量唔係太大既關係, 平時我同男友習慣兩個人叫一個set, 跟住另一個會散叫. 好彩當日都有得散叫. 兩個人叫左一個羊骨餐加散叫炸蠔.牛尾湯, 同一年前既味道差好多, 唔夠濃味, 仲遍杰少少. 餐包牛角包: 個包只係微微暖, 完全唔脆....炸蠔: 一客剩番六隻, 但size平均只係1.5"2", 粉漿太厚, 炸得太熟, 蠔肚位置還算緊緊可以, 但蠔上半部份我完全咬唔到.伴菜既薯仔沙律完全唔掂, 好勁好油味, 仲好一pat pat.羊骨: 呢個味道還算可以.當晚所有味道都同以前差左好遠, 完全唔係以前食開既味道, 相信有可能轉左廚師, 真係心到乜心機都無哂.連最尾埋單都有笑料, 以往食開散叫可以加$10轉餐, 餐牌寫炸蠔set係$120, 咁我地散叫咪應該係$110囉. 點知佢埋單時照計番$120, 我咪問番佢係咪散叫同埋set係相同價錢, 但佢地解釋竟然係話佢地好多餐連散叫都加左價, 原本散叫炸蠔係加到$120, 咁set應該係$130, 但係因為炸蠔set未改係餐牌到, 所以價錢一樣.當我再問佢咁而家散叫佢要收我幾錢時, 佢先話照收番我$110.坦白講, 對於佢地既解釋我並唔係好接受, 我唔介意你一早話我聽佢地餐牌價錢錯, 但唔可以係比錢時先收我一個貴既價錢. anyway, 我同男友決定都唔會再去呢到食, 除左味道唔得外, 服務都差左好多, 令到原本一個令我地有美好回憶既地方都變左要badlist佢

雖然深井有三間西餐廳，但睇得上眼，食得入口祇得呢一間，前一間牛仔餐廳祇係二流貨色，後一間意大利餐廳係鬼食意大利野咩，祇係一間不倫不類嘅另類自助餐，而皇后餐廳屬老字號，質素有一定保証。

龍蝦牛柳餐，$428 已經係兩位嘅價錢，紅，白餐湯都一樣咁好飲，牛角酥夠熱又有牛油香味，舊牛油留返俾落餐湯仲好，因為龍蝦餐每人有一隻龍蝦，所以揀左頭盤做龍蝦沙律，沙律係餐廳招牌野薯仔沙律，加上龍蝦肉，咁嘅配搭點可能唔好食？各位咪以為龍蝦餐D 龍蝦梗係雪藏野仲要丁咁大隻得個殼冇乜肉食？咁諗就大錯特錯，雖則龍蝦唔係新鮮貨色，但亦係冰鮮有肉味個隻，夠彈牙，一隻十両重以上，用料一D 都唔馬虎，另外半隻芝士白汁焗，芝士味濃配龍蝦味剛好，食完一隻龍蝦已經飽左九成，重有一塊手掌心咁上下大嘅牛柳配薯菜，牛柳雖然非用上靚野，食入口都算腍滑，加上黑椒汁惹味，最後亦消滅埋佢，但係咁嘅份量簡直係挑戰人類胃口極限，餐飲凍檸水預左冇乜驚喜，甜品有芝麻雪糕或者雜果揀，咁嘅份量四個女仔share 都夠有突。

(發生時間就在26.10.2007的晚上)食物可接受，個牛尾湯都唔錯，牛扒就熟咗些少喇。

環境亦算幾好，因夠寧靜。

不過值得一提的事，如果你怕蚊，我勸預你唔好坐出面，因當晚我也中蕉。

另外，有些少可惜的事...就係當朋友結脹時個老板冇話比我哋知用D乜咭簽脹有discount啫...唉！本人覺得佢呢處做得唔係咁完善，因我係專程搭車入去試，咁其實話比D食客知呢D小貼事都唔算過份丫...我唔係在乎這小數目，而係我覺得D客人係絶對有理由要知道lor~(*純屬個人意見)

25.9.2007 中秋節下午與同事研究在那"做節"，今年都幾特別；不吃中菜，改吃西餐!此餐廳無論食物質素、環境衛生及服務，均有一定的水準；而且價錢都合理，份量OK。

Set Lunch 包括: 熱騰騰的牛角包、大大碗及濃郁的餐湯、主菜可任擇雞扒、豬扒、魚柳或牛扒拌薯菜、白飯或意粉、除了有咖啡或茶之外，仲奉上香濃美味的芝麻雪糕甜品，令人回味無窮..... 最正就係午餐價錢祗是每位$38+10%，不會太貴啦。

新皇后餐廳餐單提供港式, 西餐廳等推介美食位於深井區，餐廳座位數未知人均消費約$101-200，結賬可以用Visa,Master,現金,AE。

您對於深井餐廳「新皇后餐廳」有何 comment？

新皇后餐廳餐廳詳細資料：

• 新皇后餐廳地址:
  深井深井村青山公路87號地下
  Modern Queen's Restaurant, G/ F,87 Tsuen Castle Peak Road, Sham Tseng Tsuen,, Sham Tseng
• 新皇后餐廳電話:  
• 新皇后餐廳價錢: $101-200
• 分類: 港式, 西餐廳
• 座位: 未知
• 付款: Visa,Master,現金,AE
• FB專頁: 新皇后餐廳 Facebook

更多新皇后餐廳相關資料:

• 新皇后餐廳分店
• Youtube
• Facebook
• Twitter
• Google