Kcal 深井

Kcal 評價 相片

最初(相信是十多年前)光顧此店，主要是容許帶小狗一同進餐，而且食物絕對保持高水準。

餐牌有超過10種set lunch，由$88的美國豬扒意粉，到$268的加拿大prime eye的選擇，由餐包開始，一定是軟林林，同外脆內軟。

有兩款餐湯可供選擇，1200點前已經坐低，紅湯及甘筍忌廉湯，都是熨咀的。

不用一百塊也有3 course 的套餐，還有一小片藍莓芝士餅及特飲。

主菜十分好吃。

噚日(1522021 Mon)年初四,同老公出去行,原本想去HaagenDazs用禮劵食雪糕,但等到開舖同決定食咩嘢落單,店員話嗰個未有,因有啲食材未ready,咁其他嘢又唔抵食,下次先啦.咁去邊喥盪好呢?馬灣?唔lu,深井,我未去過馬灣碼頭,於是搭車去.老公話去到深井食晏後至去碼頭,ok.我哋去到深井村,原本想搵Soul Café,但去到臨時街市,所有舖頭都冇問,而且都好似唔見有呢間,於是行返落嚟搵呢間.原來呢間喺巴士站附近,我哋等咗唔係好耐就有枱,侍應問我哋要水定茶,然後都即刻擺低兩個餐包同牛油.我哋睇完menu,決定要$168.00日本鮮帶子忌廉汁燴菠菜麵嘅set lunch,呢個會有餐湯,餐包,甜品同餐飲.同$128.00嘅法式西檸蜆肉炒意粉,加$38.00成為套餐,除咗有餐湯,餐包,甜品同餐飲外,重有細沙律.先食兩個餐包,左邊黃色嗰個硬,另外嗰隻反而軟熟.之後細沙律同兩個湯到嚟.忌廉湯好香,夠杰身,應該係落咗薯蓉,內裡有火腿乾.番茄雜菜湯味道唔太濃亦唔太酸.沙律係落香草橄欖油,都唔錯.食完晒呢啲嘢後,等一段時間,法式西檸蜆肉炒意粉到嚟,呢個有啲酒味,檸檬汁已夠唔使唧,蜆肉嫩,但唔覺係炒意粉.我哋食完後等好耐,老公嘅菠菜麵仍未到,我哋喺2:00pm催侍應,之後老闆走嚟同我哋講叫廚房煮.咁即係完全未煮?漏單定儲唔到單一齊煮?但都等到2:28pm頂唔住再催同叫兩杯凍奶茶,2:33pm日本鮮帶子忌廉汁燴菠菜麵終於到嚟.同時間,我哋都驚連甜品都要等好耐,就叫侍應上埋甜品.日本鮮帶子輕輕煎過,入口嫩冇渣,菠菜麵彈牙但由於味道有啲濃,所以忌廉汁味道唔係太突出.然後甜品同凍奶茶都到嚟,甜品係黃色嘅cake,味道似係芒果味唔太甜,仍有啲凍嘅忌廉滑,蛋糕口感正常嘅.凍奶茶唔算好甜,奶同茶味都均勻.味道係3.53分呢餐飯食咗兩個鐘,攪到我哋冇乜心機.

受疫情影響，姑仔婚禮晚宴改期，所以行禮後揀左喺屋企附近一間西餐廳一家人食個晚餐；每人叫左一個餐，再單點左d小食，同一個西班牙海鮮飯跟餐沙律，配搭埋哈密瓜片餐湯，羅宋湯偏酸左d,南瓜湯夠creamy其中一個主菜豬鞍味道唔錯，係份量偏細左dd牛扒叫左五成熟，燒得唔錯羊架魚柳配天使麵西班牙海鮮飯出平時出去食嘅用紅蝦煮唔同，但又幾好味海鮮配料都多👍🏻整體食物質素都唔錯，係細份左少少，所以後期都追加多個黑松露大蝦帶子天使麵

Kcal 新鮮 原味 不含味精 是我喜愛這裡的原因。

今日點選了「焗夏威夷香煎美國豬阿波羅配意大利粉」午餐，選了甘筍薯仔忌廉湯，他們還會有飲品和甜品供應。

甘筍薯仔忌廉湯非常好味，濃厚的忌廉湯顏色漂亮加上有薯仔蓉的口感，非常順滑連小朋友都愛。

餐包是他們自家製的，香脆鬆軟，用心的包點。

焗夏威夷香煎美國豬扒菠蘿配意大利粉 十分惹味，豬扒肉質稔滑配以蕃茄 菠蘿和芝士，焗得香香的，意粉質地和熟度剛剛好，醬汁酸酸甜甜很開胃。

今日嘅甜品係朱古力蛋糕very good，香濃，少少的一件剛剛好。

餐飲選了凍金桔青檸，大大杯，解渴又美味。

其實在這裏用餐你會有賓至如歸的感覺，員工有禮又親切，好讚。

係深井住，當然要寫返一 d 自己屋企附近既餐廳。

KCAL 係深井唯一比較高檔少少既西式餐廳，樣子比其他深井高級少少，價錢都當然貴 dd。

但係同樣質素既話，深井食飯性價比係高 d 既。

話說限聚令仲生效，各餐廳出唔同既橋去做多 d 生意，呢間餐廳攞 d 寬頻公司Poster 來分隔座位，一見到都有 d 奇怪，不過搵食姐！🤨睇番個餐牌，有高級餐同普通餐，高級餐成 5 舊幾水一個人，唔係嘛，我相信好少人願意花 5 舊幾水係深井食飯。

我都係睇返個平民版。

百幾到幾舊水都有，睇你要咩扒，幾舊水有新鮮龍蝦食，但係係疫情環境，佢地會有幾多存貨就真係要諗諗🤔第一次來，唔知你咩料，食返個正正常常既打左星既就算。

跟餐+ 38 蚊有湯同沙律，咪加咯。

湯同沙律都standard 野，無咩好講。

我今日食既係番紅花鮮蟹肉燴飯。

番紅花係香料既一種。

比較出名，而大家又食過既呢，就應該係西班牙海鮮燉飯。

btw，聽講古波斯同埃及人覺得番紅花可以壯陽。

講返個飯，黃黃地，同西班牙燴飯顏色差唔多，食落有意想不到多既鮮蟹肉🤩🤩我想強調一下個鮮字，無違反商品說明條例。

鮮唔鮮，定還是用蟹柳來住，係食得出既。

幾好味！燴飯係用義大利飯 d 米，有 d 趙頭。

百幾蚊食呢 d 野係好抵既。

餐茶既款式都既多，古靈精怪既石榴汁都有，又有鮮搾薑汁檸蜜，又唔洗加錢，可想而知出面食飯有幾多攞左去交租。

最後，我叫左個蜂蜜綠茶，presentation 怪怪地，飲落無咩特別。

甜品叫雪糕，純粹個人喜好，都應該係外面買返來。

我個 friend 叫左個藍莓 cheese cake，樣就有 d 細，百幾蚊，仲想點！性價比超高，如果星期六日係深井行開山既朋友可以來試下。

泊車呢，係餐廳門口泊應該無問題，自己又可以睇住，如果真係抄既咩沖出去咯。

Kcal餐單提供西式, 咪嘥嘢食店等推介美食位於深井區，餐廳座位數未知人均消費約$201-400，結賬可以用Visa,Master,現金，Booking訂位可以電話致電 24912678 查詢。

您對於深井餐廳「Kcal」有何 comment？

Kcal餐廳詳細資料：

• Kcal地址:
  深井深井村88號地下
  Kcal, G/ F,88 Sham Tseng Tsuen, Sham Tseng
• Kcal電話: 24912678
• Kcal價錢: $201-400
• 分類: 西式, 咪嘥嘢食店
• 座位: 未知
• 付款: Visa,Master,現金
• FB專頁: Kcal Facebook

更多Kcal相關資料:

• Kcal分店
• Youtube
• Facebook
• Twitter
• Google