新多寶來海鮮酒家 流浮山

新多寶來海鮮酒家 評價 相片

今天是媽媽的生日🎂！很久沒有到流浮山吃了，今天經哥哥推介🤔🤔🤔好.....就試試吧！！！55....就是流浮山新多寶海鮮酒家，這裡的海鮮新鲜又好味😋值得推介，除了平、靚、正之外，（海鮮湯、鼓油王蝦碌）超好味！服務又好，環境又ok!又可以打麻將🀄️真的值得再試試👍👍

尋日一班同事傾開食野，心血來潮個個都話想食海鮮，咁擇日不如撞日，收工就近近地去流浮山啦，我地揀左新多寶來，因為一落巴士就見到，今日星期二都有幾圍枱，應該靠得住掛。

大家都決定今日食豪d🤣所以叫左炸蠔，蒜蓉蒸龍虾，大班兩食，奄仔蟹，再加個咕嚕肉，同埋鮑魚雞粒炒飯，諗起都肚餓🤭，首先黎左蒸龍虾🤔個殼好似未轉哂色喎，熟未嫁，當大家不約而同問緊時，哥哥仔走埋黎話（冇問題嫁，試左你就知係岩岩熟）我就半信半疑咁夾起黎食😳果然，火候岩岩好，咬落去好彈牙好鮮甜，粉絲索埋d龍虾味，正👍🏻，跟住黎西芹炒魚，味道唔錯，炸蠔出場，因為唔岩季節，所以用左一杯杯的蠔，炸皮好得，好鬆脆，跟住黎左碟炸魚，同事話呢個係叫炆骨，一口咬落去脆脆的夾住小小魚汁同埋魚肉好野味喎😋，最後食埋爆膏奄仔蟹，飽飽，值得一提係原本呢間新多寶來除左海鮮好味之外，原來小菜都有驚喜喎，個咕嚕肉咬落脆脆仲要配上新鮮菠蘿，香脆中帶小小甜酸，好好味喎，另外鮑魚雞粒炒飯，用砂鍋上，哥哥仔話食埋d飯蕉仲香，🤣不過我地等唔到飯蕉出現已經食哂囉，總捨黎講今次撞左入黎新多寶來係正確的，咁多個餸都好味，大家都食得好開心👍🏻👍🏻

放假入開流浮山經過呢間新多寶來🤔聽聞話轉左手，見佢裝修都幾企理咪入去試下囉，我地一行10人，哥哥仔帶我地出門口魚池揀海鮮，我地揀左鮑魚，大蝦，龍蝦，哥哥仔推介食大班兩味，同埋蒸鮑魚，都應該夠食囉，諗起美味海鮮大餐大家都好期待，等食之時店員推介我地食脆皮咕嚕肉，其實頭先見到隔離枱食好似都好好味😋即管試下啦，嘩，果然係咕嚕肉先到，咬落去層皮真係好脆而且好薄嫁，伴碟仲有新鮮菠蘿👍🏻，當大家贊口不停之際，一大碟豉油皇蝦就擺在眼前，好香，除左豉油好似仲有小小美極香味，跟住就係蒸南非鮑啦，好鮮甜，大班炒球，伴左西芹，魚塊岩岩熟，唔錯，再黎係我好想食的龍蝦，嘩....真係無法形容，好香呀，下面仲有伊面底，其實都飽飽地，但係無法抗拒要食多碗面，佢索哂d龍蝦汁，簡直係無敵，等左一陣諗住食哂啦，噢，原來仲有大班的炆骨，我最鍾意咬魚骨啦，呢味餸就算再飽都要食埋佢🤣🤣一口咬落去卜卜脆的外皮痴住小小魚肉，要損埋d魚骨，真係食唔停口，不過黎到呢刻真係好好好飽啦，食埋飯後果甜橙🍊加支可樂，真係完美的一餐，埋單我地都有d比驚驚，食就開心，比錢就通常唔開心囉，哈哈，估唔到，今次真係有驚喜喎，一睇張單，每人都唔係3舊幾，新鮮即斬即煮，食好小小的放題都唔得喎，唔知係咪新開先咁平呢，問左老細，佢話佢地海鮮唔係賺好多，主要希望用平價做招來喎做返好個名喎，見佢咁老實就信佢一次啦，我地已經約左下個月再食多次啦。

新多寶來海鮮酒家餐單提供粵菜, 廣東, 海鮮, 中菜館等推介美食位於流浮山區，餐廳座位數未知人均消費約$201-400，結賬可以用現金，Booking訂位可以電話致電 24721421 查詢。

您對於流浮山餐廳「新多寶來海鮮酒家」有何 comment？

新多寶來海鮮酒家餐廳詳細資料：

• 新多寶來海鮮酒家地址:
  流浮山山東街10號地舖
  新多寶來海鮮酒家, G/ F,10 Shan Tung Street, Lau Faushan
• 新多寶來海鮮酒家電話: 24721421
• 新多寶來海鮮酒家價錢: $201-400
• 分類: 粵菜, 廣東, 海鮮, 中菜館
• 座位: 未知
• 付款: 現金
• FB專頁: 新多寶來海鮮酒家 Facebook

更多新多寶來海鮮酒家相關資料:

• 新多寶來海鮮酒家分店
• Youtube
• Facebook
• Twitter
• Google