翠華餐廳 油麻地

翠華餐廳 評價 相片

都話咗唔嚟㗎啦，啲嘢食又貴又唔係特別好食，啲位又惡坐，又污糟! 今晚探完病，其中一個人死都話要去嚟，貪佢近醫院小巴站喎，咁咪衰咗囉!一入嚟已經周身唔聚財，坐咗去埋邊牆的卡位。

檯唔抹就隊咗個餐牌嚟。

放心，係唔會有人催你落單，因為即使你想落單都唔容易搵到個人過嚟理你，何況幫你落單。

幾經艱辛先至叫到個人來落單，即刻點嘢食。

一碟冰鎮芥蘭、兩碟鮑汁玉蘭雞粒飯、一碟鮑味銀芽肉絲炒麵和一個苦盡甘來。

啲嘢真係好貴，因為第啲茶記 (例如太興) 以呢個價都會包杯飲品，啲位都坐得舒服啲。

雞粒飯，凍。

唔通佢又係冰鎮過? 鮑汁夠晒鹹，差啲頂唔順。

食飯期間，隔籬圓檯印尼家庭個B 勁喊，原來懶咗便便，個媽咪真偉大，隨即就地幫個B 換片，呢啲場面十年難得一見。

可能你會問點解個媽咪唔帶個B 入廁所搞? 原因係，個店員話個廁所超細，唔方便俾客人用，平時佢地要去廁所都唔會上樓上自已餐廳個廁所，只會去對面街個公廁。

嘩! 貴為上市餐飲業集團廁所都無個，點過得去呀?! 炒麵個茨汁太漿，麵底都脆，味道都算OK。

苦盡甘來其實係苦瓜煎蛋。

啲煎蛋OK，但係苦瓜好少。

整體食落唔夠味，唔怪之得拌碟時會跟好多番茄醬。

經過今次之後，問係仲去唔去翠華?

本人與同事開會後大概12:45左右來這一間翠華吃飯，樓面人不是很滿，入來馬上有收銀處問幾人，三人馬上坐在近門口的桌子，5分鐘內不斷叫人清理桌子，沒人理會，桌子剩餘一些之前客人剩下的飯，明顯是清理桌子之後沒有刷桌子。

衛生問題極其嚴重！很難想象是一家幾十年老店加上本身是上市公司。

不能理解徐新（今日資本）為什麼會投資一家不注重衛生的連鎖茶餐廳！？

基本上翠華遍佈港九新界🤔🤔大型企業既茶記環境都幾好既，而且深受遊客愛戴😂，不過佢定期會推推出新既食物🤔而本人覺得佢既奶茶真係就好飲👍🏻今日因為等車返大陸就喺油麻地呢間翠華食個下午茶🤔咁就叫左呢個魚蛋河🤔$39蚊相對黎講價錢係比較貴既..味道都係麻麻..不過我相信係麵類食比較唔理想...但係佢果奶油豬真係好好食既...希望係麵食方面可以改善下味道啦...整體黎講係麻麻🤔🤔🤔不過環境係幾舒服既..

港女煲名碑係逸東開倉 小女約咗我兩個JM 由兩點幾一路排到差不多六點三才完成整個放血過程 攞住十幾廿斤石頭 買完出去 見到翠華立刻九秒九飛撲入去 由於石頭太重 入去就坐係門囗張枱 建議夏天都係坐裏面好d 因為自動門一開一關 又熱又動咁 感覺唔太好坐底見有晩餐供應 有soup 同主菜 感覺好似太heavy 所以order 咗豬軟骨拼菠菜餃米線走青 加凍奶茶waiter 叔叔超有禮貌 order 完之後 仲放上三杯熱水 好細心碗米線好大碗 湯滿滿的 湯好有魚味 相信係用魚骨煲嘅豬軟骨燜得好夠淋 軟骨好有膠感 食落仲好香果皮味至於菠菜餃 裏面好多菠菜 菠菜夠新鮮爽囗 加上有蝦同半肥瘦豬肉 好甜 好好味 值得一提 d 菠菜仲係好翠綠 凍奶茶 夠香滑 由於太口渴嘅關係 一淡飲咗五分一杯

今日往油麻地外勤順路過來吃這個「豬軟骨米線」及飲杯奶茶。

豬軟骨湯的湯頭比起翠華當年著名的沙魚骨湯底，已經不可同日而語。

當年的沙魚骨湯底是真材實料而今日的湯底只是配著米線的點綴而已。

話說回來這「鹿兒島豬軟骨」及「鮮蝦菠菜餃」兩岸同胞又每日都有人慕名而來。

我坐在這裡近大門口的位置，看著一桌又一桌的遊客出入，同時咬著菠菜餃及豬軟骨，無疑今天「翠華」的豬軟骨及菠菜餃的品質算是保持的不錯了，但是米線今天煮得太淋，凍奶茶又淡而無味。

翠華餐廳餐單提供港式, 無肉餐單, 茶餐廳, 冰室等推介美食位於油麻地區，餐廳座位數未知人均消費約$51-100，結賬可以用AlipayHK,支付寶,現金,八達通,微信支付。

您對於油麻地餐廳「翠華餐廳」有何 comment？

翠華餐廳餐廳詳細資料：

• 翠華餐廳地址:
  油麻地北海街17-19號地下至1樓
  Tsui Wah Restaurant, G/ F&1/ F,17-19 Pak Hoi Street, Yau Ma Tei
• 翠華餐廳電話:  
• 翠華餐廳價錢: $51-100
• 分類: 港式, 無肉餐單, 茶餐廳, 冰室
• 座位: 未知
• 付款: AlipayHK,支付寶,現金,八達通,微信支付
• FB專頁: 翠華餐廳 Facebook

更多翠華餐廳相關資料:

• 翠華餐廳分店
• Youtube
• Facebook
• Twitter
• Google