美心西餅 油麻地

美心西餅 評價 相片

朋友生日 訂左個芒果脆脆蛋糕係油麻地分店拎一開出黎已經知瀨野大部份芒果都係淺黃色既切完食落口 個個都眯哂眼酸到標眼水咁濟有無搞錯？都六月尾啦 係芒果既季節全個蛋糕既芒果真係酸到離譜完全未熟以後唔會再訂

平時買慣糙米芝士包，但今次賣哂，改為買糙米軟心芝士包。

兩款包最大分別，一個粒粒芝士，一個軟心芝士。

售價$19，平均$5一小個，味道偏鹹，都係鐘意糙米芝士包，口感較好。

Star Wars 真的魅力沒法擋😍每當看到有關的產品也都很想擁有尤其是黑武士，黑色的神秘意念竟然被美心注入到蛋糕上。

把黑武士意念注入蛋糕之內造型與手工也十分特別包裝也用上星球大戰的設計，外形統一十分吸引朱古力脆脆慕絲蛋糕 朱古力味道濃陏加上造工吸引完全把黑武士的神秘感帶了出來，而且黑武士本身是一支爉竹，用後可以留為紀念十分特別，慕絲香滑加上脆脆的鬆脆，口感十分豐富。

如果是star war fans可試一試😉

前文提要，話說趁過年前，同班死佬朋友晌星廚管理學校訂咗一圍蛇宴，食得非常盡興，順便祝賀部份大佬牛一，所以，「專燈」晌美心整籠「壽包」嚟賀一賀依幾個月生日嘅老死。

啱啱撞正美心推出全新3D蛋糕，當中嘅「壽比南山」蛋糕就最合心水，造形一籠壽包咁款，啱晒我哋依班龍蛇混雜嘅死佬，夠傳統！「壽比南山」立體蛋糕每磅賣$188，兩磅起計，基本蛋糕有雜果同黑森林，其他口味如士多啤梨夾心、芒果夾心、栗子夾心、加朱古力脆米層……等等，則需另外加$20 / 磅，甚至可以一次過改夾心及加脆米層，額外另加$40 / 磅。

晌星廚嘅蛇宴，食完佢哋個糖水，啲阿姐不知幾好人，幫幫我哋執乾淨晒個枱面，仲借埋兩把餅刀，以及叉叉、碟碟，等我哋切蛋糕。

真喺酒樓都無咁好服務，就算有都要收切餅費呀。

扮蒸籠嘅籠邊喺紙條嚟，唔食得，此外，面層所有裝飾都喺朱古力及白朱古力做，正所謂好睇唔好食（或者，喺麻麻哋好食），因為都喺偏甜。

不過，以白朱古力做成嘅壽桃就做得唯妙唯肖，其實，啲「壽桃」喺中空，就算貪得意試吓個味道，咬少少試吓都無妨，只喺得個甜字！揭開面層嘅裝飾，原來餅面仲有一層薄薄嘅鮮芒果肉，蛋糕我哋改咗栗子夾心，因為蛇宴本身有糖人散送，所以，個蛋糕訂咗兩磅就應該夠晒食。

一層海綿蛋糕，一層栗子夾心，雖然有話美心喺工廠式流水作業生產，但給終質素屬於穩打穩紮，海綿蛋糕夠鬆軟，栗子夾心粉香，等大家開心吓都已經足夠！「柴娃娃」咗一晚，不過，大家嘅兄弟情都在心中，真心希望大家福壽康寧，年年有今日，歲歲有今朝，死佬飯局搞不停！

最近大熱的美心「紫」醉「甘」迷蛋糕，每次經過美心西餅都被美艷的賣相吸引。

在偶然的機會下吃到它，雖然我沒得觀其全相，但其實香滑栗子忌廉加幼滑不過甜的紫色和黃色甘薯蓉做蛋糕夾層，這組合就知道它不是虛有其表。

而且價錢合理，樣子不輸高級餅店出品，是值得一試的秋日限定蛋糕。

美心西餅餐單提供港式, 麵包店等推介美食位於油麻地區，餐廳座位數未知人均消費約$50以下，結賬可以用現金。

您對於油麻地餐廳「美心西餅」有何 comment？

美心西餅餐廳詳細資料：

• 美心西餅地址:
  油麻地港鐵油麻地站YMT1號舖
  Maxim's Cake Shop, Kiosk Y M T1, Yau Ma Tei M T R Station, Yau Ma Tei
• 美心西餅電話:  
• 美心西餅價錢: $50以下
• 分類: 港式, 麵包店
• 座位: 未知
• 付款: 現金
• FB專頁: 美心西餅 Facebook

更多美心西餅相關資料:

• 美心西餅分店
• Youtube
• Facebook
• Twitter
• Google