竹地小館 油麻地

竹地小館 評價 相片

📌雞扒擔擔麵（ 💰40）先講煎雞扒🐔皮煎得好香脆 又唔算好肥 (唔會成舊肥肉係到🌚肉方面幾juicy 肉質都幾嫩 但非常嘴刁既我就覺得可以再嫩多少少 但整體都係非常Yummy(˶‾᷄ ⁻̫ ‾᷅˵)湯底調味適中 麻醬味好香(⁎⁍̴̛ᴗ⁍̴̛⁎)又夠稠掛到上麵度湯面鋪滿炒香左既花生 麵質又啱啱好 40蚊真係爆哂CP><📌韮菜煎餃（10隻）（💰35）35蚊10隻依家都幾抵 煎餃煎脆脆 又唔油 韮菜味非常香 又好大隻好足料 🥺咬落都幾多汁 好食😋

抵食夾大件～竹地小館美食令人難忘。

   早幾日經過油麻地，忽然好想食餃子，然後就係黃藍地圖搵到「竹地小館」！呢度連地標Tag都還未有，有少少點隔涉，但絕對係鍾意食餃子嘅人必定要去嘅地方！唔止味道好，仲要性價比爆燈！😍​ 招牌菜肉湯餃　HK$30​    煎+蒸韭菜豬肉餃（各4） HK$30​   竹地小館主打粵菜同一系列水餃，所有菜式都係HK$20HK$40左右，好似招牌嘅菜肉水餃（可揀湯，蒸或煎口味），都係HK$30咋！而且每隻餃子都有一根手指咁長，十分足料，認真抵到爛！😍👍🏻​ 超薄餃皮，餡多，餃子非常高質。

   至於味道，我今次就試咗招牌菜肉餃同埋韭菜餃， 招牌菜肉餃入面係椰菜同豬肉，鮮甜多汁；韭菜餃就香氣更盛，豬肉香同韭菜香濃郁，令人難忘。

另外，不得不讚係佢哋嘅餃皮，目測只有2mm厚，正宗皮薄餡多，非常推薦！❤️​因為低估咗佢哋嘅餃子份量...我仲點咗擔擔麵、蔥油撈雞扒麵、麻醬豆腐同手拍青瓜😂​ 濃郁花生味及麻醬湯底，好惹味！   擔擔麵嘅花生味同麻醬湯好濃郁，但湯底完全無一種好膩嘅feel，咸咸甜甜，幾開胃。

蔥油撈雞扒麵同餃子湯係一樣，正常鮮甜為主，雞扒煎得香脆，不過我嫌佢有少少薄，唔夠咬口。

​至於冷盤嘅麻醬豆腐及手拍青瓜，正常表現，惹味爽口，不錯。

​​招牌菜肉湯餃　HK$30​煎+蒸韭菜豬肉餃（各4） HK$30​蔥油撈雞扒麵 HK$30​擔擔麵 HK$30​涼拌青瓜 HK$20​麻醬豆腐 HK$20​附設餐廳Menu，供大家參考。

之前嚟食過一次湯餃同雞扒撈麵，味道都唔錯，係啲餃肥肉比較多少少，而塊雞扒就幾出色，幾多肉汁💦 今次再嚟試下個擔擔麵😛排骨擔擔麵 $40>賣相不俗>湯底算唔油，但唔夠花生醬味，辣多少少仲好>麵質幾好，有𡁻勁>豬扒炸得出色，不柴不韌有肉汁唔肥兼無鬆肉粉味==================推介指數 🌕🌕🌕🌗🌑味道同價錢都怡人，難怪係食麵期間已有成10人嚟買外賣😛 如要堂食，就要比少少耐性，因全舖大約得10個位㗎咋😎

呢期食餃子食過最出色嘅真係莫過於呢一間，位置上唔算好方便，但每次來都好多人排隊，今次已經係我第三次嚟幫襯。

今次叫咗10隻韭菜餃，雞扒撈麵，同埋炒薯仔絲，每一樣野都係即叫即做，保證新鮮，如果你晏晝嚟嘅話仲會見到佢哋包緊餃子。

先講咗韭菜餃先，呢度係餃子嘅款式其實都有四五款，做得最出色最啱我口味莫過於韭菜餃，韭菜嘅香味同埋豬肉完美混合，加上煎嘅功力同埋包餃嘅功力都好出色，10分滿分再嚟就講雞扒撈麵，雞扒表面煎得好香脆，同時雞肉依然保持係好嬌嫩嘅狀態，好好食，而個面呢就冇乜特別，但係都好食嘅。

最後就講個薯仔絲，呢樣就做得一般左少少，醋味辣味薯仔味麻油味感覺夾唔埋一齊，值得稱讚嘅係薯仔思條條分明，唔會過熟。

加埋一支豆漿買單都只不過係70幾蚊，呢個價錢呢個質素去邊度搵

叫左雞扒擔擔麵外賣👍🏽👍🏽👍🏽即叫即整，熱辣辣，超好味！雞扒煮得啱啱好，好多汁。

擔擔麵多花生，湯底夠濃，啲麵好彈牙，質感超好。

整體超足料，咁嘅價錢真係抵到爛！！

竹地小館餐單提供粵菜, 廣東, 粉麵, 米線, 雲吞, 餃子等推介美食位於油麻地區，餐廳座位數8人均消費約$50以下，結賬可以用現金，Booking訂位可以電話致電 36145672 查詢。

您對於油麻地餐廳「竹地小館」有何 comment？

竹地小館餐廳詳細資料：

• 竹地小館地址:
  油麻地廣東道838號金冠樓地下
  Zuk Tei Kitchen, G/ F, Kam Kun House,838 Canton Road, Yau Ma Tei
• 竹地小館電話: 36145672
• 竹地小館價錢: $50以下
• 分類: 粵菜, 廣東, 粉麵, 米線, 雲吞, 餃子
• 座位: 8
• 付款: 現金
• FB專頁: 竹地小館 Facebook

更多竹地小館相關資料:

• 竹地小館分店
• Youtube
• Facebook
• Twitter
• Google