泰城 油麻地

泰城 評價 相片

由於今日lunch時嚐過一口同事的冬陰公湯，心裏總是念念不忘... 於是，晚上就去了吃冬陰公呢~!今晚剛巧去了油麻地，見到一間泰式食店在店外貼了雜誌報導，於是心想可能不錯吧，不如就一試啦~點了這個冬陰公湯河，先喝一口湯，感覺頗酸，但覺得不夠辣，因為我以為會很辣而order了少辣，"...，如有機會再吃，我想我不會少辣呢! 雖然味道也不錯，但我想再辣一點一定會更美味~!!!湯河裏的海鮮有蝦、青口和魷魚，我想用的應該都是急凍海鮮，略嫌不夠鮮味，而且，蝦是小蝦仁，如果是原隻中蝦連蝦頭落湯煮，我想會更鮮味~!! 賣相相信也會更吸引~!! 不過，我想是成本問題吧?! 畢竟這裏收費不高，屬合理價錢，這個湯河連飲品是$68，還有一籃蝦片作餐前小吃! 最後，想一提的是，這裏的員工態度親切有禮，感覺不錯~

有事去朋友律師行，之後在附近搵食記得在個多星期前在這裡吃過海南雞飯下面有張相是個多星期的感覺幾好味所以試試找番呢度剛剛接近兩點今次試試第二樣一人一個泰式炒金邊粉份量都可以，不過好似得個甜字鑊氣亦沒有，配料有幾條肉絲之外都仲有隻蝦，今次真的麻麻早上知道叫番海南雞坐位吾算好迫，可能我地2人坐張4人卡位，見到1人都係咁坐凍檸茶勝在夠凍感覺上都幾多熟客光僱佢地一坐低不用看餐牌就叫野坐一陣見到開始滿座有人等位有機會再去試其他

次次返學經過都見到佢，但係成日覺得太貴唔太想去食不過個晚放8:30pm，好多鋪頭都開始收檔，決定一試個時唔係太多人，可以一個人坐卡位...不過真係唔係幾舒服 一來張檯特別高，二來卡位特別窄唔知坐過既人有冇同感呢?每一台都有一小籃蝦片，份量算多，唔太鹹，都幾好食既 由於我夜晚一飲有咖啡因既野就瞓唔到，於是叫左杯熱利賓納幾夠味，OK嘅到上主菜了 泰式海南雞飯 ($58)雖然話係招牌菜，我都抱左幾大期待，但係往往都出乎意料...雞胸肉一D都唔覺「鞋」飯份量好足個汁又酸又辣，我平時都唔係好食酸同辣嘅野，去譚仔都係食清湯，但係呢個汁我接受到，又幾好味喎點完D雞有剩仲可以撈埋飯，絕對係全碟飯既highlight!個飯椰汁味重，雖然佢係黃色，但係完全食唔到雞油味...我唔抗拒椰子味，但係海南雞飯個飯得椰子味會唔會唔係幾合理?D飯唔夠乾身，食食下食到D油油地又唔係飯既野，唔通係椰油??雞好似真係少左D...多返兩三舊會好好多，感覺我食完好似係比D飯質飽咁...總括黎講，如果你咁岩經過，可以試一次既但係唔使專程黎試，如果唔係你可能會失望...

今日想食個下午茶, 就去左泰城 見耐無去. 叫左個海南雞飯加個熱奶茶先講個奶茶, 杯茶又苦又澀 唔講以為用苦茶沖出黎, 另外奶好少. 成杯野連合格都講唔上另外, 個雞飯, 個醬係幾好食, 但係D雞... 一黎唔嫩, 二黎佢俾果D雞, 好似賣淨跟住亂汁埋一份俾你, 翼胸脾都有. 外觀真係好差 味道冇雞味, 得個醬係好少少. 再者, 服務態度好差, 叫極都唔應 但收錢就光速. 最後, 可能附近多左幾個車站往返內地, 好多內地人係到內邊食邊等車咁... 完全好似車站式快餐店

幫襯過「泰城」好多次，喜歡那裡的平民小店風味，價值又不貴，可惜食物和服務都時好時壞，所以已有一段時間沒有幫襯了。

今晚朋友建議去吃，我雖則有點猶豫，就給它多一次機會啦。

我們兩人點了個四餸的二人套餐（$188），可在餐牌十多款菜式中揀四款，算幾抵吃。

先來飲品： 熱香蘭葉茶，味道頗芳香醒神，很有泰國風味。

第一道菜是串燒豬肉和雞肉，燒得幾香口，但肉質略為硬，點些沙嗲醬就較好味。

香葉包雞： 雞肉仍算腍，又不失香脆，算不俗。

泰式海南雞： 望落有些血紅，打了折扣，但撇開這點，雞肉仍算嫰滑，如果這碟的份量多一點，就更好。

紅咖哩豬肉煲： 咖哩味頗香濃，汁液味道也豐富，適合撈飯，且也不算太辣，而可惜豬肉雖煮得腍，但不夠入味，似乎雜菜和咖哩汁才是主菜。

椰香飯，味道甘香，也清甜，令人感覺開胃。

今晚的食物質素算可以，狀態回勇了，且每人大約$100，確實抵吃，如不要求環境舒適的話，這間仍可一試的。

泰城餐單提供泰國菜, 咖喱等推介美食位於油麻地區，餐廳座位數50人均消費約$51-100，結賬可以用Visa,Master,現金。

您對於油麻地餐廳「泰城」有何 comment？

泰城餐廳詳細資料：

• 泰城地址:
  油麻地碧街35號地下
  Thai Palace Restaurant, G/ F,35 Pitt Street, Yau Ma Tei
• 泰城電話:  
• 泰城價錢: $51-100
• 分類: 泰國菜, 咖喱
• 座位: 50
• 付款: Visa,Master,現金
• FB專頁: 泰城 Facebook

更多泰城相關資料:

• 泰城分店
• Youtube
• Facebook
• Twitter
• Google