廟街玉子燒 油麻地
最後更新:
廟街玉子燒推介
廟街聚集左唔少陀地老店，相信廟街玉子燒無番咁上下實力同自信都唔會夠膽入去插旗，今晚同朋友食完飯唔夠飽，決定去會一會佢。臨近十點，附近好多餐廳檔口都準備收檔，但街上依然人來人往，黎呢度買外賣ge都唔少，而我就係舖頭前面路邊坐摺凳，一路食好野，一路感受最貼地ge人間煙火，過癮。🍴蟹醬芝士玉子燒 HK$40蛋用左日本相撲蛋，蛋香頗濃，不腥不臭，蛋身軟熟。我最怕芝士太霸道，而呢度ge芝士就剛好，唔會搶左蟹子同韓國蟹醬ge鹹鮮香味，面頭仲加左木魚碎同沙律醬，整份玉子燒以香甜為主，輔以鹹鮮吊味。朋友話第二間同樣價錢份量得三分之一，餡又少，呢度真材實料又抵食。🍴大盒拼盤 HK$70鐵板魷魚鬚掛住甜甜地ge醬汁，表面微焦，肉質實淨得黎唔韌，亦唔會霉到軟皮蛇咁，出色。以前只食過炸雞軟骨，貪佢脆口，但通常多油多粉，而鐵板燒都係第一次試，佢唔脆，但又香又爽口，而且唔會成口油。一口牛粒係安格斯牛，肉味不錯，可惜炒得唔夠平均，有d腍，有d又韌。呢盒野加埋辣粉真係非常惹味，送酒一流。📍廟街玉子燒油麻地廟街3034號地下B4號舖
油麻地廟街玉子燒
| 餐廳分店 | 廟街玉子燒 |
|---|---|
| 地區 | 油麻地 |
| 電話訂位 | 59666989 |
| 餐單 Menu | 港式, 日本菜, 小食店 |
| 人氣指數 | 834 |
| 價錢幾錢 | $51-100 |
廟街玉子燒訂位位於油麻地區，詳細地址是油麻地廟街30-34號地下B4號舖，餐廳寬敞座位數目共有未知幾多個。廟街玉子燒幾錢？價錢優惠後人均消費大約$51-100埋單，早餐午餐晚餐廟街玉子燒餐單包括有港式, 日本菜, 小食店等美食，付款方式有現金付款，Booking網上訂位可以電話致電 59666989 查詢訂座。
廟街玉子燒優惠
廟街玉子燒 評價 相片
廟街聚集左唔少陀地老店，相信廟街玉子燒無番咁上下實力同自信都唔會夠膽入去插旗，今晚同朋友食完飯唔夠飽，決定去會一會佢。
臨近十點，附近好多餐廳檔口都準備收檔，但街上依然人來人往，黎呢度買外賣ge都唔少，而我就係舖頭前面路邊坐摺凳，一路食好野，一路感受最貼地ge人間煙火，過癮。
🍴蟹醬芝士玉子燒 HK$40蛋用左日本相撲蛋，蛋香頗濃，不腥不臭，蛋身軟熟。
我最怕芝士太霸道，而呢度ge芝士就剛好，唔會搶左蟹子同韓國蟹醬ge鹹鮮香味，面頭仲加左木魚碎同沙律醬，整份玉子燒以香甜為主，輔以鹹鮮吊味。
朋友話第二間同樣價錢份量得三分之一，餡又少，呢度真材實料又抵食。
🍴大盒拼盤 HK$70鐵板魷魚鬚掛住甜甜地ge醬汁，表面微焦，肉質實淨得黎唔韌，亦唔會霉到軟皮蛇咁，出色。
以前只食過炸雞軟骨，貪佢脆口，但通常多油多粉，而鐵板燒都係第一次試，佢唔脆，但又香又爽口，而且唔會成口油。
一口牛粒係安格斯牛，肉味不錯，可惜炒得唔夠平均，有d腍，有d又韌。
呢盒野加埋辣粉真係非常惹味，送酒一流。
📍廟街玉子燒油麻地廟街3034號地下B4號舖
今日去油麻地接老公放工，平時五光十色嘅廟街因為疫情而變得冷清，排檔都冇營業，不過行行吓就見到呢間燈火通明嘅小食店，簡直就係漆黑中嘅螢火蟲，而且遠遠已經傳來燒烤嘅香味，所以就吸引咗我哋去望下呢間新開嘅小店，原來佢係主打玉子燒。
我去日本最鍾意食嘅就係新鮮即整嘅玉子燒，所以就決定買一份試吓，喺疫情下就當自己去緊旅行啦！見到佢都有好多招牌菜喎，原來除咗玉子燒，仲有鐵板燒、章魚燒、豬手等，估唔到鋪仔細細都可以有咁多款唔同嘅招牌菜！餐牌仲有中英對照，應該係預計可以吸引埋外國遊客嚟捧場，而且價錢都好合理呀！其實我成日都好想自己學吓整玉子燒，但係總係唔識點樣煎到嫩滑嘅蛋餅，所以我就問店員可唔可以俾我近距離睇吓佢點整，店員非常有善，俾我行入去睇佢點整，等我可以偷吓師玉子燒分量十足，入面有芝士、蟹柳、明太子醬，面頭仲有鋪得滿滿嘅蟹子同埋木魚碎，而且充滿蛋香，呢個價錢我認為真係好超值！切開咗嘅玉子燒入面仲有拉絲芝士，睇見都口水流，所以我都急不及待放入口，每一啖都食到蛋香同埋明太子嘅味道，我同老公要搶食😂另外揀咗要一份大嘅鐵板燒，店員首先烹調一口牛柳粒，佢話每邊都煎一煎之後，就會集中煎香一面，令到牛柳粒達致七至八成熟左右，咁樣食就最完美喇！係煎香牛柳粒嘅時間，就再加入魷魚鬚，呢隻魷魚鬚比平時見到嘅特別粗壯，店員話呢個係來自紐西蘭嘅魷魚鬚，每年只有一造產量，所以先有咁優質嘅出品，唔係出面一般買到嘅貨色。
配合埋脆炸雞軟骨，咁大盒鐵板燒都只不過係$70，真係好抵食！魷魚鬚唔單止比一般嘅粗，食落仲非常之爽口，配合埋佢嘅鐵板燒秘製醬汁，我想買多一盒返屋企俾阿媽做餸！😂我見有好多客人都幫襯佢嘅章魚燒，而且又只係$30有八粒，所以我又叫返一份雙色章魚燒，分別係原味同埋芝士味，我就比較鍾意原味嘅章魚燒，因為始終覺得大阪燒醬汁配落小丸子味道比較夾啲。
小丸子入面有好大粒章魚，非常彈牙！喺香港街邊小食嘅舖頭就有好多，但比較接近日本風味嘅街頭小食就比較少有，好開心今次又發掘到呢一間驚喜小店，所以一定會繼續支持！
好耐都冇去掃街，見到呢間小店好多人排緊，我又試下先！1.流心芝士玉子燒加左蟹膏同濫暴蟹籽！好震撼😂因為本身不喜歡玉子燒覺得好單調😂冇諗過可以咁多變化，加到吾同嘅材料！賣相淡黃色，質感剛剛好，吾會太濕潤，又吾會太扎實~中間有原條蟹柳🎉加上，超多嘅沙律醬和木魚碎，真係超吸引😃😃😃2.鐵板小食♥️雞軟骨加左少少蜜糖，甜甜地！偏大粒，而且份量好多。
不過有啲骨要落足牙力咬，因為比較大粒，啲骨都相對地大啲~♥️魷魚鬚原條嘅魷魚鬚唔同部份食到唔同嘅感覺，粗個邊好爽口，而且一咬即斷，不會好韌，尾部好脆口，通常幼身嗰邊都好容易會燶，但佢地做到微微嘅焦香味👍🏻整體來講，所有東西一定會熱騰騰，因為即叫即製~而且仲幾抵食，有一個叫三權分立嘅套餐，$100有3樣野食(大盒鐵板小食已經$70..加2樣玉子燒/其他產品..大概都$40x2...所以$100食到3樣嘢，我覺得好抵食🉐)消費左仲可以有免費嘅小卡，貼紙，又有得食，又有小禮物，非常開心🤡🤡🤡
明太子玉子燒真心正！廟街好多野食，今次行過見到一間新開小食店，真係好特別好正！濃郁厚燒玉子，一定不能錯過！明太子玉子燒，我自己平時真係好鍾意明太子，今次加埋落玉子燒真係好足料！大大塊厚肉蟹柳＋明太子超級滿足！而且玉子好滑，配埋沙律醬真係好好味！香嫩無比❤佢嘅鐵板魷魚鬚真係好正，一啲都唔會老，而且彈牙好香，配埋醬汁perfect match!安格斯牛肉粒，好juicy好多汁！新鮮煎超滿足！牛肉味濃，口感超好！廟街掃街一定唔可以錯過！good try!
近排發現廟街有玉子燒，外賣終於有多一個選擇😍。
流心芝士玉子燒，$30。
加$10可以選一款配料。
要了蟹醬。
回到家流心芝士仍可起絲👍。
玉子燒燒得剛好，軟綿適中，材料又豐足，吃著不覺膩。
大盒裝的鐵板小吃可選三併，$70。
一口牛粒，肉汁juciy牛味濃，鐵板魷魚鬚，大大條惹味有嚼勁，鐵板雞軟骨爽口滋味。
大大份一齊分享最happy😆。
食物即叫即整，所以要等少少時間。
另外有少量座位，可以一試街邊風味。
如果外賣可自備盒，我試過，他們都很樂意幫忙👍。
廟街玉子燒餐單提供港式, 日本菜, 小食店等推介美食位於油麻地區，餐廳座位數未知人均消費約$51-100，結賬可以用現金，Booking訂位可以電話致電 59666989 查詢。
您對於油麻地餐廳「廟街玉子燒」有何 comment？
廟街玉子燒餐廳詳細資料：
- 廟街玉子燒地址: 油麻地廟街30-34號地下B4號舖 Tamagoyaki, Shop B4, G/ F,30-34 Temple Street, Yau Ma Tei
- 廟街玉子燒電話: 59666989
- 廟街玉子燒價錢: $51-100
- 分類: 港式, 日本菜, 小食店
- 座位: 未知
- 付款: 現金
- FB專頁: 廟街玉子燒 Facebook
更多廟街玉子燒相關資料:
香港餐廳2026推介8月