大有餐廳 油麻地

大有餐廳 評價 相片

不過不失下午茶餐喺電影中心睇完復仇者聯盟4，喺附近見到有呢間茶餐廳，都有唔少人食，所以入去試吓佢，醫下肚。

下午茶餐都有唔少選擇，一般經常食嘅西多士、炸雞翼、炸雞比、薯條都有，另外仲有粉麵餐，連炒粉麵飯都有。

叫咗一個豬扒包餐，同埋一個乾炒豬扒意粉。

兩個餐都不過不失不過，值得留意係佢嘅炒粉麵飯其實份量都唔多，餓底可能要留意吓。

有一個地方扣分嘅係我叫凍檸茶少冰，但係佢就幫我少甜，不過都費事叫佢改返，照飲就算。

Lunchtime又隨便入一間茶記食常餐食到厭 想叫下飯其實我好想食咖哩牛腩 但今日個餐牌冇 所以我決定叫 咖哩牛脷其實咖哩同飯都ok ge飯米粒粒分明咖哩係港式煮法牛脷都整得好食不過其實我唔係好鐘意牛脷既質感所以感覺一般叫左holic沖得幾好飲

今日放工之後好肚餓，去咗屋企附近嘅茶餐廳叫外賣，舖頭唔算大，不過好似專做街坊生意。

六點半左右到店，都唔係好多人，不過我係外賣買走。

睇一睇個餐牌，一般想到嘅餐，佢都有供應，下午茶六點前再平啲。

另外有常餐，同某一些特定嘅餐係包飲品。

作為茶餐廳，餐選擇性都幾自由同多款式我叫咗個星州炒米同楊州炒飯，飯嘅份量一般，夠食。

炒飯夠味带有香氣，材料夠多，調味亦啱啱好。

星州炒米辣度適中，另外包一個湯，落足料。

相信下次會再去試吓其他菜啦。

又係油麻地做野, 又係為左杯紅豆冰而去大有餐廳食午餐ABCDE, 雖然次次都覺得好有罪惡感, 一杯紅豆冰可能已經有成碗飯O既卡路里, 不過一場黎到, 無理由唔轉紅豆冰架?由於次次都係睇人食乜就揀乜, 今次就決定已經揀! 揀左個冇人叫O既生炒牛肉飯無人叫果然係無人叫, 一上台就覺得有小小伏!望落好細碟, 一碟炒飯平鋪係碟上面, 我果陣就係到諗究竟我使唔使嗌多個飯黎食,食落, 其實同一般炒飯差唔多, 係少D 叉燒, 少D 蝦, 少D蔥, 少D 生菜咁但又食唔出牛肉有咩味, 個炒飯愈食愈寡........最後都飽O既

喺油麻地度附近有野做，見仲有時間就食返餐先。

叫咗早餐A，有羅宋肥牛麵丶餐肉煎蛋丶蒜蓉多士加飲品。

羅宋湯底好夠料，有唔少蔬菜同埋肉碎，麵嘅份量都好足夠。

而餐肉煎蛋同多士就一般。

餐飲要熱檸茶，唔錯。

值得一提嘅係服務唔錯，招呼得幾好。

一個餐$30唔貴，值得推薦！

大有餐廳餐單提供港式, 茶餐廳, 冰室等推介美食位於油麻地區，餐廳座位數未知人均消費約$50以下，結賬可以用現金。

您對於油麻地餐廳「大有餐廳」有何 comment？

大有餐廳餐廳詳細資料：

• 大有餐廳地址:
  油麻地新填地街151號地下A舖
  Tai Yau Canteen, Shop A, G/ F,151 Reclamation Street, Yau Ma Tei
• 大有餐廳電話:  
• 大有餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 大有餐廳 Facebook

更多大有餐廳相關資料:

• 大有餐廳分店
• Youtube
• Facebook
• Twitter
• Google